 "எங்கே இருக்கிறது இந்த கூமாப்பட்டி..? இது இணையத்தில் வைரலாக காரணம் என்ன?")
Where Is Koomapatti Why Its Trending : சமூக வலைதளங்களில் கடந்த சில நாட்களாக வைரலாகி வரும் ஒரே பெயர், “கூமாப்பட்டி”. தமிழ்நாட்டில் இருக்கும் இந்த இடம், ஒற்றை ஆள் மூலம் இந்திய அளவில் ட்ரெண்ட் ஆகியிருக்கிறது. இதற்கெல்லாம் காரணம், இந்த ஊர் குறித்து தொடர்ந்து ஒருவர் ரீல்ஸ் போட்டுக்கொண்டே இருந்ததுதான். இந்த ஒற்றை ஆளால், தென்னிந்தியாவே தற்போது கூமாப்பட்டி குறித்து பேசி வருகிறது.
Koomapatti Trending Village | இணையத்தில் வைரலான கூமாப்பட்டி:
இன்ஸ்டாகிராம் பக்கத்தில் ஜே.பி.கோல்ட் என்கிற பெயரில் ஒரு நபர் கணக்கை வைத்திருக்கிறார். இதில் இருக்கும் இவரது பெரும்பாலான வீடியோக்கள் இவரது ஊர் கூமாப்பட்டியை பற்றியதாகத்தான் உள்ளது. இதில் அவர், “ஏங்க..கூமாப்பட்டிக்கு வாங்க. உங்களுக்கு இருக்குற டிப்ரஷன் எல்லாம் போயிரும்..” என்று பேசுவார். தனது ஊரில் இருக்கும் நீரின் ஆற்றில் நின்று கொண்டு “ஐ லவ் யூ கூமாப்பட்டி..” என்று சொல்வதும், தனது ஊரைப்பற்றி உச்சிகுளிர்ந்து பேசுவதும் இணைய வாசிகளை கவர்ந்தது. மேலும், தனது ஊரை சொர்க்க பூமி என்றும், காஷ்மீர் உடன் அதனை ஒப்பிட்டும் பேசுவார். போதாக்குறைக்கு, இந்த ஊரை அழகான தீவு என்றும் குறிப்பிடுவார். இப்படி, இந்த ஒற்றை ஆளால்தான் கூமாப்பட்டி ஊர் இணையவாசிகளிடையே வைரலானது.
Where Is Koomapatti | எங்கிருக்கிறது?
கூமாப்பட்டி என்ற இந்த ஊர், விருதுநகர் மாவட்டம் வத்திராயிருப்பு அருகே இருக்கும் குக் கிராமம் ஆகும். இந்த ஊரில், பிளவக்கல் பெரியார் அணையும், கோயிலாறு அணையும் மலை அடிவாரத்தில் இருப்பதால் இது சுற்றுலா பயணிகளை தற்போது ஈர்க்க தொடங்கியிருக்கிறது. இந்த இளைஞர், கூமாப்பட்டி கிராமத்தை ட்ரெண்ட் செய்வதற்கு முன்னர், இது கூகுள் மேப்பில் அதிகம் தேடப்படும் இடமாக மாறியிருக்கிறது.
Koomapatti News | பொய் செய்திகள்:
இன்ஸ்டாகிராமில், Underrated Gems எனும் பெயரில், பெரிதாக மக்கள் போகாத சுற்றுலா தலங்களை பற்றி அடிக்கடி பலர் இணையதளங்களில் பேசுவதுண்டு. ஆனால் இதை நம்பி அங்கு செல்பவர்கள் பெரும்பாலான சமயங்களில் ஏமாந்து போய் வீடு திரும்புகின்றனர். தற்போது கூமாப்பட்டிக்கும் அதே நிலைதான் ஏற்பட்டிருக்கிறது. இதனை ஒரே ஒரு இளைஞர் “தனித்தீவு, சொர்க்க பூமி..”என்றெல்லாம் சொல்ல இதை நம்பி யாரும் இங்கு வர வேண்டாம் என அந்த ஊர் காரர்களே அவர்களின் கமெண்ட் செய்கின்றனர். இங்கிருக்கும் அணையில் குளிக்கவோ, மீன் பிடிக்கவோ அனுமதி கிடையாது. இதனால், சுற்றுலா பயணிகள் யாரும் நம்பி வந்து ஏமாற வேண்டாம் என பொதுப்பணித்துறையினரும் கூறி வருகின்றனர். இப்போது ட்ரெண்டாகி வரும் இந்த இளைஞர் கூமாப்பட்டியில் இருக்கும் தடை செய்யப்பட்ட பகுதியில் குளித்தாரா என்ற கோணத்திலும் விசாரணை நடந்து வருகிறதாம்.
Koomapatti Viral Videos | வைரலாகும் எடிட் வீடியோக்கள்..
கூமாப்பட்டி குறித்த வீடியோக்கள் வைரலானதை தொடர்ந்து, இங்கு ஹாலிவுட் சூப்பர் ஹீரோக்களான Avengers வந்து இறங்குவது போலவும், அவர்கள் இந்த ஊரின் ஆற்றில் குளிப்பது போலவும் AI எடிட் வீடியோக்கள் வலம் வர தொடங்கி இருக்கின்றன.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)