ட்ரெண்டிங்கில் கிப்லி அனிமேஷன்... மோசடியில் சிக்கும் ஆபத்து... எச்சரிக்கும் நிபுணர்கள்

சாட்ஜிபிடி அறிமுகப்படுத்தியுள்ள புதுமையான ஸ்டுடியோ கிப்ளி இமேஜ் ஜெனரேஷன் அம்சம் (ChatGPT's Studio Ghibli Image Generation) சமூக ஊடக ஆர்வலர்களின் கவனத்தை பெரிதும் ஈர்த்துள்ளது. அரசியல்வாதிகள் முதல் பிரபலங்கள் வரை அனைவரும் தங்களது கிப்லி ஸ்டைல் ​​படங்களை சமூக வலைதளங்களில் பகிர்ந்து வருகின்றனர். ஃபேஸ்புக், இன்ஸ்டாகிராம் மற்றும் எக்ஸ் போன்ற தளங்களில் கிப்லி பாணியில் எடுக்கப்பட்ட படங்களை பெருமளவு காணலாம். 

Add Zee News as a Preferred Source

AI உருவாக்கிய படங்களை கண்மூடித்தனமாகப் பகிர்கின்றனர். ஆனால் அது எவ்வளவு வேடிக்கையாகத் தோன்றுகிறதோ, அது ஆபத்தானதாகவும் இருக்கலாம். ChatGPT மட்டுமின்றி, பல AI கருவிகளைப் பயன்படுத்தி மக்கள் தங்கள் AI  படங்களை தயாரிக்கிறார்கள். ஆனால் இந்தப் புகைப்படங்கள் எங்கு சேமிக்கப்படுகின்றன; உங்கள் புகைப்படங்களை AI இயங்குதளங்களில் சிந்திக்காமல் பகிர்வது எவ்வளவு பாதுகாப்பானது என்று நீங்கள் யோசித்திருக்கிறீர்களா?

முன்பின் யோசிக்காமல் எந்த AI தளங்களிலும் புகைப்படங்களைப் பதிவேற்றுவது உங்களை சிக்கலில் சிக்க வைக்கும். சில ஆண்டுகளுக்கு முன்பு, Clearview AI என்ற நிறுவனம் சமூக ஊடகங்கள் மற்றும் செய்தி இணையதளங்களில் இருந்து 3 பில்லியனுக்கும் அதிகமான புகைப்படங்களை அனுமதியின்றி திருடியதாக குற்றம் சாட்டப்பட்டது. இந்தத் தகவல்கள் காவல்துறை மற்றும் தனியார் நிறுவனங்களுக்கு விற்கப்பட்டன.

இது மட்டுமின்றி, 2024 மே மாதம் ஆஸ்திரேலியாவின் அவுட்டாபாக்ஸ் நிறுவனத்தின் தகவல்கள் கசிந்ததில், 10 லட்சத்துக்கும் அதிகமானோரின் முக ஸ்கேன், ஓட்டுநர் உரிமம் மற்றும் முகவரிகள் திருடப்பட்டன. இந்தத் தரவு இணையதளத்தில் பதிவேற்றப்பட்டது. இதன் காரணமாக ஆயிரக்கணக்கானோர் தனிப்பட்ட அடையாளத் திருட்டு மற்றும் இணைய மோசடிக்கு ஆளாகினர்.

AI மூலம் உங்கள் புகைப்படங்களை உருவாக்குவது பொழுதுபோக்கிற்காக மட்டுமே பயன்படுத்தப்படுகிறது என்று நீங்கள் நினைத்தால், அது தவறு. முக அங்கீகார தொழில்நுட்ப சந்தை 2025 இல் $5.73 பில்லியனாகவும், 2031 இல் $14.55 பில்லியனாகவும் உள்ளது என்பதை பல தரவுகள் காட்டுகின்றன.

மெட்டா (பேஸ்புக்) மற்றும் கூகுள் போன்ற பெரிய நிறுவனங்கள் தங்கள் AI மாடல்களைப் பயிற்றுவிக்க பயனர்களின் புகைப்படங்களைப் பயன்படுத்துவதாக குற்றம் சாட்டப்பட்டுள்ளது. PimEyes போன்ற இணையத்தளங்கள் எந்தவொரு நபரின் புகைப்படத்தையும் பதிவேற்றுவதன் மூலம் அவரது முழுமையான டிஜிட்டல் தடயத்தைப் பிரித்தெடுக்க முடியும். பின்தொடர்தல், பிளாக்மெயில் செய்தல் மற்றும் சைபர் குற்றம் போன்ற வழக்குகள் அதிகரிக்கக்கூடும் என்பதே இதன் பொருள்.

AI நம் வாழ்க்கையை எளிதாக்கியுள்ளது. ஆனால் அது நம்மை அறியாமலேயே பெரிய சிக்கலில் சிக்க வைக்கும். தரவு கசிவு, அடையாள திருட்டு மற்றும் இணைய மோசடி போன்ற பிரச்சனைகளை தவிர்க்க நாம் எச்சரிக்கையாக இருக்க வேண்டும். அடுத்த முறை உங்கள் புகைப்படத்தை AI செயலியில் பதிவேற்றும்போது, ​​அது உங்களுக்கு மிகப்பெரிய அச்சுறுத்தலாக மாறுமா என்பதை ஒருமுறை யோசித்துப் பாருங்கள்?

மோசடியில் இருந்து தப்பிக்க செய்ய வேண்டியவை

1. உங்கள் அடையாளம் தவறாகப் பயன்படுத்தப்படுவதை நீங்கள் விரும்பவில்லை என்றால், இந்த முன்னெச்சரிக்கை நடவடிக்கைகளை எடுக்கவும்:

2. AI ஆப்ஸில் உங்கள் புகைப்படங்களைப் பதிவேற்றுவதை உடனடியாக நிறுத்துங்கள்.

3. உயர் தெளிவுத்திறன் கொண்ட புகைப்படங்களை சமூக ஊடகங்களில் பதிவேற்றுவதைத் தவிர்க்கவும்.

4. ஃபேஸ் அன்லாக் செய்வதற்குப் பதிலாக வலுவான கடவுச்சொல் அல்லது பின் எண்ணைப் பயன்படுத்தவும்.

5. செயலிகளுக்கு கேமரா அணுகலை வழங்க வேண்டாம்.

6. AI மற்றும் ஃபேஷியல் ரெகக்னிஷன் தொழில்நுட்பத்தை சட்டவிரோதமாகப் பயன்படுத்துவதில் கடுமையான சட்டங்களை உருவாக்க அரசாங்கம் மற்றும் தொழில்நுட்ப நிறுவனங்களுக்கு கோரிக்கை வைத்தல்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!