 "ஆதார் கார்டில் பெயர் திருத்தம் ஆன்லைனில் செய்வது எப்படி? முழு விவரம்")
How To Change Name In Aadhaar Card Online: ஆதார் அட்டை மிக முக்கியமான ஆவணங்களில் ஒன்றாக கருதப்படுகிறது. ஒவ்வொரு சிறிய மற்றும் பெரிய வேலைகளுக்கும் ஆதார் அட்டை பயன்படுத்தப்படுகிறது. இதுபோன்ற சூழ்நிலையில், ஆதார் அட்டையில் கொடுக்கப்பட்டுள்ள அனைத்து தகவல்களும் சரியாக இருக்க வேண்டும். இது மட்டுமல்லாமல், ஆதார் அட்டையில் உங்களின் பெயர் எவ்வித எழுத்துப்பிழையும் இல்லாமல் சரியாக இருக்க வேண்டியது முக்கியம் ஆகும். ஆதார் அட்டை, பான் கார்டு அல்லது பாஸ்போர்ட் போன்ற உங்கள் அனைத்து ஆவணங்களிலும் உங்கள் பெயர் ஒரே மாதிரியாக இருக்க வேண்டும். இந்த ஆவணங்களில் வெவ்வேறு பெயர் எழுத்தப்பட்டு இருந்தால் உங்களுக்கு இனி வரும் காலங்களில் மிகப்பெரிய சிக்கல்களை உருவாக்கலாம். இதுபோன்ற சூழ்நிலையில், உங்கள் ஆதார் அட்டையில் உங்கள் பெயரின் தவறாக எழுதப்பட்டு இருந்தால், அதை ஆன்லைனில் மிக எளிதாக சரிசெய்யலாம். இப்போது ஆன்லைனில் பெயரை எப்படி திருத்தம் செய்வது என்று தெரிந்து கொள்வோம்.
இந்திய தனித்துவ அடையாள ஆணையம் அதாவது UIDAI ஆதார் அட்டை தொடர்பான பல வசதிகளை ஆன்லைனில் வழங்கி வருகிறது. இதில் பெயரை மாற்றுவது மற்றும் சரிசெய்வது போன்ற வசதிகளும் அடங்கும். இதற்காக நீங்கள் ஆதார் மையத்திற்குச் செல்ல வேண்டிய அவசியமில்லை.
ஆதார் அட்டையில் ஆன்லைனில் பெயரை மாற்றுவது எப்படி? | How to change the name online in Aadhaar card?
முதலில் எனது ஆதார் (My Aadhaar) போர்ட்டலுக்குச் சென்று, ஆதார் எண் மற்றும் பதிவுசெய்யப்பட்ட மொபைல் எண்ணில் பெறப்பட்ட OTP உதவியுடன் உள்நுழையவும்.
'Update Aadhaar Online' என்ற விருப்பத்தை கிளிக் செய்யவும், பின்னர் 'Name Correction' என்ற விருப்பத்தை கிளிக் செய்யவும்.
இப்போது உங்கள் சரியான பெயரை டைப் செய்து சரியான பெயருடன் இருக்கும் ஆவணத்தையும் பதிவேற்றவும். நீங்கள் இதில் PAN அட்டையைச் சேர்க்கலாம்.
இப்போது ஆன்லைனில் ரூ. 50 முதல் 100 வரை கட்டணம் செலுத்தி புதுப்பிப்பு கோரிக்கை எண்ணை அதாவது URN ஐச் சேமிக்கவும்.
இரண்டு முதல் மூன்று நாட்களுக்குப் பிறகு உங்கள் பெயர் உங்கள் ஆதார் அட்டையில் புதுப்பிக்கப்படும்.
உங்கள் முகவரி மற்றும் பிறந்த தேதியை உங்கள் ஆதார் அட்டையில் ஆன்லைனில் புதுப்பிக்கலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)