இனி Heart Attack வருவதற்கு முன்பே எச்சரிக்கை பெறலாம்.. இந்த சிப் ஒன்று போதும்

Heart attack alert device: மாரடைப்பு குறித்து முன்கூட்டியே எச்சரிக்கை அளிக்கும் ஒரு சிப் தற்போது உருவாக்கப்பட்டுள்ளது. இந்த சிப் எப்படி வேலை செய்கிறது என்பதை தெரிந்துக்கொள்வோம்.

Heart attack alert device: பொதுவாக மாரடைப்புக்கான அறிகுறிகளை நாம் சரியான நேரத்தில் சுலபமாக அடையாளம் காண முடியும், ஆனால் சிறிது கவனக்குறைவு அல்லது தாமதம் நோயாளியின் உயிருக்கு ஆபத்தை ஏற்படுத்தக்கூடும். அந்தவகையில் மாரடைப்பு கண்டு இனி அலற வேண்டாம். ஏனெனில் தற்போது சிப் ஒன்று உருவாக்கப்பட்டுள்ளது, இதன் மூலம் மாரடைப்பு வருவதற்கு முன்கூட்டியே நீங்கள் அதற்கான எச்சரிக்கையை பெறலாம். இதன் மூலம் மாரடைப்பு நோயாளியின் உயிரைக் காப்பாற்றுவதற்கான வாய்ப்புகள் அதிகரிக்கும்.

Add Zee News as a Preferred Source

மாரடைப்பை சிப் மூலம் அடையாளம் காண முடியும்:
உண்மையில், மிசிசிப்பி பல்கலைக்கழகத்தின் (UM) குழு ஒன்று ஒரு புதிய தொழில்நுட்பத்தை உருவாக்கியுள்ளது. இதன் உதவியுடன் மாரடைப்பு அறிகுறிகளை விரைவாக அடையாளம் காண உதவ முடியும். AI மற்றும் மேம்பட்ட கணித மாடலிங் உதவியுடன், பல்கலைக்கழகத்தின் மின் மற்றும் கணினி பொறியியல் பேராசிரியர் காசெம் கலீல் மற்றும் அவரது குழுவினரால் ஒரு சிறப்பு சிப் உருவாக்கப்பட்டுள்ளது.

இந்த சிப்பை ஸ்மார்ட்வாட்ச் அல்லது ஹெல்த் பேண்டில் நிறுவலாம்:
இந்த சிப் இதயத்தின் மின் செயல்பாட்டை அதாவது ஈ.சி.ஜி-யை (ECG) பகுப்பாய்வு செய்ய முடியும், இது மாரடைப்பை உண்மையான நேரத்தில் அடையாளம் காண உதவும். இந்த சிப்பை ஸ்மார்ட்வாட்ச் அல்லது ஹெல்த் பேண்ட் போன்ற எந்த அணியக்கூடிய சாதனத்திலும் நிறுவலாம்.

சிப் தரும் 92.4% வரை துல்லியமான முடிவுகள்:
இது தொடர்பாக் வெளியிடப்பட்ட அறிக்கைகளின்படி, இந்த சிப்பின் துல்லியம் 92.4% வரை சரியானது என நிரூபிக்கப்பட்டுள்ளது. மேலும் இந்த ஆய்வு நுண்ணறிவு அமைப்புகள் பிளாக்செயின் மற்றும் தொடர்பு தொழில்நுட்பத்தில் வெளியிடப்பட்டுள்ளது. பேராசிரியர் கலீலின் கூற்றுப்படி, மாரடைப்புக்கான சிகிச்சை எத்தனை சீக்கிரம் தொடங்குகிறதோ, சேதத்தை எளிதாக குறைவாக இருக்கும். இதன் காரணமாக, மாரடைப்பு நோயாளியின் உயிரைக் காப்பாற்ற ஒவ்வொரு நொடியும் விலைமதிப்பற்றது.

இதனிடையே தற்போது ஆப்பிள் மற்றும் சாம்சங் போன்ற நிறுவனங்களின் ஸ்மார்ட்வாட்ச்கள் சந்தையில் கிடைக்கின்றன, அவை இதயத் துடிப்பு மற்றும் இதயத் துடிப்புகளில் ஏற்படும் முறைகேடுகளைக் கண்காணிக்க முடிகிறது. எனினும் இந்த சாதனம் மாரடைப்பை உண்மையான நேரத்தில் அடையாளம் காணும் திறன் கொண்டதாக இல்லை.

சிப்பின் நன்மைகள் என்னென்ன?
இதுவரை, மாரடைப்பை அடையாளம் காண, நோயாளியை மருத்துவமனைக்கு அழைத்துச் செல்வார்கள். அங்கு ECG உள்ளிட்ட பிற சோதனைகளுக்குப் பிறகுதான் நிலை தெளிவாகும். இருப்பினும், ஆப்பிள் மற்றும் சாம்சங் போன்ற நிறுவனங்களின் கடிகாரங்கள் சந்தையில் கிடைக்கின்றன, அவை இதயத் துடிப்புகளில் ஏற்படும் முறைகேடுகளைக் கண்காணிக்கின்றன. ஆனால் இவை மாரடைப்பை உண்மையான நேரத்தில் கண்டறியாது.

உதாரணமாக, 2024 ஆம் ஆண்டில், சாம்சங் இந்தியாவில் கேலக்ஸி வாட்சில் ஒழுங்கற்ற இதய தாள அறிவிப்பு (IHRN) அம்சத்தை அறிமுகப்படுத்தியது, ஆனால் அதுவும் மாரடைப்பை அல்ல, ஒழுங்கற்ற இதயத் துடிப்புகளை மட்டுமே கண்டறிய முடியும். இந்த தொழில்நுட்பம் மொபைல் போன்கள் அல்லது ஸ்மார்ட்வாட்ச்கள் போன்ற சாதனங்களில் செயல்படுத்தப்பட்டால், மாரடைப்பை அடையாளம் காண எடுக்கும் நேரம் கணிசமாகக் குறையும் என்றும், நோயாளி சரியான நேரத்தில் சிகிச்சை பெற முடியும் என்றும் UM குழு தெரிவித்துள்ளது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!