 "அரசு தேர்வர்களுக்கு குட் நியூஸ்! SSC அறிமுகப்படுத்தியுள்ள புதிய செயலி - முழு விவரம்")
)
SSC Launches New App for Government Exam Aspirants: மத்திய அரசு தேர்வுக்கு தீவிரமாக படித்துக் கொண்டிருப்பவர்களுக்கு இப்போது ஒரு குட் நியூஸ். அரசு வேலை தொடர்பான அனைத்து சேவைகளையும், விண்ணப்பங்களையும் எளிதாக தெரிந்து கொள்ளும் வகையிலும், அதற்கு விண்ணப்பிப்பதை எளிதாக்கும் வகையில் புதிய மொபைல் ஒன்று அறிமுகப்படுத்தப்பட்டுள்ளது. இந்த செயலியை அறிமுகப்படுத்தியிருப்பது மத்திய அரசு பணியாளர் தேர்வாணையம் SSC ஆகும். Staff Selection Commission தேர்வர்களுக்கு இருக்கும் பிரச்சனைகளை கருத்தில் கொண்டு இந்த செயலியை அறிமுகப்படுத்தியுள்ளது.
இந்த செயலி குறிப்பாக கிராமப்புறங்களைச் சேர்ந்த மாணவர்களுக்கு விண்ணப்ப செயல்முறையை எளிதாக்கும் வகையில் வடிவமைக்கப்பட்டுள்ளது. ஏற்கனவே புழக்கத்தில் இருக்கும் அதன் மொபைல் செயலியான mySSC-ன் மேம்படுத்தப்பட்ட பதிப்பை இப்போது அறிமுகப்படுத்தியுள்ளது.
mySSC செயலியில் புதியது என்ன?
1. உங்கள் தொலைபேசியிலிருந்து நேரடியாக வேலைகளுக்கு விண்ணப்பிக்கவும்: பதிவு முதல் இறுதி சமர்ப்பிப்பு வரை - இப்போது நீங்கள் செயலியின் மூலம் முழு விண்ணப்ப செயல்முறையையும் முடிக்கலாம்.
2. இணைய மையங்களுக்கு செல்ல வேண்டிய அவசியமில்லை.
3. ஆதார் அடிப்படையிலான உள்நுழைவு & முக அங்கீகாரம் (Face Authentication) செயலியில் உள்ளது
4. இந்த செயலி பதிப்பு 11 அல்லது அதற்கு மேற்பட்ட ஆண்ட்ராய்டு போன்களில் வேலை செய்யும்.
5. முக அங்கீகாரத்தை முடிக்க நீங்கள் ஆதார் ஃபேஸ் RD செயலியையும் நிறுவ வேண்டும்.
இந்த செயலியின் முக்கியத்துவம் என்ன?
1. ஜூன் 2025 முதல், அனைத்து SSC ஆட்சேர்ப்புத் தேர்வுகளும் செயலியின் மூலம் விண்ணப்பிக்கப்படும் விண்ணப்பங்களை மட்டுமே அனுமதிக்கும்.
2. செயலியின் ஒரு முறை பதிவு (OTR) பிரிவில் உங்கள் ஆதார் எண்ணுடன் பதிவு செய்ய வேண்டும்.
3. உங்கள் ஆதார் அட்டையில் உள்ள தகவலிலிருந்து வேறுபட்டிருந்தாலும், OTR படிவத்தில் நீங்கள் உள்ளிடும் தகவல் இறுதியானதாக இருக்கும்.
செயலியை எங்கே பெறுவது?
நீங்கள் mySSC செயலியை Google Play Store இலிருந்து பதிவிறக்கம் செய்யலாம். ஆண்ட்ராய்டு போன்களுக்கு மட்டும் கிடைக்கும். ஐபோன் யூசர்கள் இந்த செயலியை பயன்படுத்த முடியாது.
மத்திய அரசு தேர்வுகளுக்கு தயாராகிக் கொண்டிருக்கும் மாணவர்களுக்கு இந்த செயலி மிகவும் உபயோகமாக இருக்கும். குறிப்பாக கிராமப்புறங்களில் இருக்கும் மாணவர்கள் மத்திய அரசு தேர்வுகள் குறித்து குறிப்பாக எஸ்எஸ்சி தேர்வுகள் குறித்து போதுமான தகவல்களை உடனுக்குடன் பெற்றுக் கொள்ள இந்த செயலி வழிவகை செய்யும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
