நம் வாழ்வின் ஒரு அங்கமாகிவிட்ட நிலையில், ஸ்மார்ட்போன் பல்வேறு வேலைகளுக்கு பயன்படுத்தப்படுகிறது. போனின் பேட்டரி தான் அதன் உயிர், அது வீணாகிவிட்டால் போன் செயல்படாது
போனின் பேட்டரி நீண்ட நாள் உழைக்க வேண்டுமானால், அதை சார்ஜ் செய்வதில் கவனம் செலுத்த வேண்டும்
நீண்ட நாட்களாக ஸ்மார்ட்போன் பயன்படுத்துபவர்கள் கூட பேட்டரியை பாதுகாக்க சார்ஜிங் செய்யும்போது சில விஷயங்களை கவனத்தில் கொள்வதில்லை. மொபைல் பேட்டரி நன்றாக செயல்படவும், நீண்ட நாள் உழைக்கவும் இந்த டிப்ஸ்கள் உதவியாக இருக்கும்
80/20 விதி சமீப காலமாக அதிகம் பேசப்படுகிறது. ஃபோனின் பேட்டரியை 20% முதல் 80% வரை சார்ஜ் செய்ய பரிந்துரைக்கும் இந்த விதி, பேட்டரியின் ஆயுளை அதிகரிக்க பலனுள்ளதாக இருக்கும்
80/20 விதியை பயன்படுத்தினால், பேட்டரி செல்கள் மீதான அழுத்தம் குறையும். பேட்டரியின் ஆயுளை அதிகரிக்ப்பதுடன், பேட்டரி அதிக வெப்பமடையாமல் பாதுகாக்கலாம்
தொடர்ந்து முழு சார்ஜில் இருப்பது பேட்டரி அதிக வெப்பமடையச் செய்யும், இது பேட்டரி சேதமடையும் அபாயத்தை அதிகரிக்கிறது
முடிந்தவரை, உங்கள் தொலைபேசியுடன் வந்த அசல் சார்ஜரைப் பயன்படுத்தவும். வேறு சார்ஜர்களால் சார்ஜ் செய்வதால், உங்கள் பேட்டரி விரைவில் வீணாகலாம்
நேரடி சூரிய ஒளி அல்லது வெப்பத்தில் போனை சார்ஜ் செய்யாதீர்கள். பேட்டரி அதிக வெப்பமடைய இதுவும் ஒரு காரணமாக இருக்கலாம்.