வாட்ஸ் அப் தகவல் தொடர்பை மிகவும் எளிமையாக்கியுள்ளது. முக்கிய ஆவணங்கள், மற்றும் வீடியோக்களைப் பகிர்ந்து கொள்வதற்கு மட்டுமல்ல போன் கால், வீடியோ அழைப்பு ஆகிவற்றுக்கும் அதிக அளவில் பயன்படுத்தப்படுகிறது.
இந்நிலையில், ஹேக்கர்களிடம் இருந்து தப்பிக்க , வாட்ஸ்அப் கணக்கை பாதுகாப்பாக வைத்துக் கொள்வது அவசியம் நல்லது. இல்லை என்றால், சிக்கல்களை சந்திக்கும் வாய்ப்பு உள்ளது.
உங்கள் வாட்ஸ்அப் கணக்கில் 2 Step Verification அம்சத்தை பயன்படுத்துவதால், உங்கள் போன் மூன்றாம் நபர் கையில் சிக்கினாலும் கணக்கில் நுழைய முடியாது.
உங்கள் கணக்கை புதிய கருவியில் பதிவு செய்யும்போது, ஆறு டிஜிட் கொண்ட பின் நம்பரும், கூடுதலாக எஸ்எம்எஸ் வெரிஃபிகேஷன் கோடு சேர்ப்பதன் மூலம் கணக்கை பாதுகாப்பாக வைத்துக் கொள்ளலாம்.
முன் பின் தெரியாத நபர்களிடமிருந்து வரும் தகவல்களில் அனுப்படும் லிங்குகள் மூலம் உங்கள் போனை ஹேக் செய்வதற்கான முயற்சிகள் மேற்கொள்ளப்படலாம்.
சில இணைப்புகளை கிளிக் செய்தால், உங்கள் மொபைல் ஹேக் செய்யப்படலாம். மேலும், மொபைலை சேதப்படுத்தும் வைரஸ்கள் பதிவிறக்கமாகலாம்.
வாட்ஸ் அப்பில் உள்ள, லாஸ்ட் சீன் ஸ்டேட்டஸ், உங்கள் ஸ்டேட்டஸ் அப்டேட்டுகள், ப்ரொபைல் தகவல்கள், ஆகியவற்றை யார் பார்க்க வேண்டும் என்பதை நீங்கள் செட்டிங்ஸ் மூலம் முடிவு செய்யலாம்.
உங்கள் கணக்கை ஓபன் செய்து தகவல்களை பார்க்க, பிங்கர் பிரிண்ட் அல்லது பேஸ் ஐடி மூலம் ஓபன் செய்யும் பியூச்சரை பயன்படுத்தினால், வாட்ஸ் அப்பை மூன்றாம் நபரால் அணுக முடியாது.
அலுவலகம் அல்லது பிற கணினியில் வாட்ஸ்அப் லாக் இன் செய்தாலும் பணி முடிந்ததும் உடனடியாக லாக் அவுட் செய்ய வேண்டும்.
ஒன்றுக்கு மேற்பட்ட கருவிகளில் லாகின் செய்திருந்தால் அவ்வப்போது, இதனை லாக்கவுட் செய்ய வேண்டும். மறந்து விட்டாலும், உங்கள் போன் மூலம் கணினி மற்றும் பிற கருவிகளில் இருந்து லாக் அவுட் செய்யலாம்.