உலக கோப்பை கிரிக்கெட் போட்டியை பார்க்க எவ்வளவு டேட்டா செலவாகும்?

இந்த முறை உலக கோப்பை போட்டிகளின் பார்வையாளர்கள் எண்ணிக்கை முன்னெப்போதையும் விட அதிகம்

அதற்கு காரணம் டிஜிட்டல் மீடியாவின் வளர்ச்சியாக இருக்கிறது. தற்போது நீங்கள் எங்கிருந்தாலும் உங்கள் கையில் இருக்கும் ஸ்மார்ட்போன் மூலமாக கிரிக்கெட் போட்டிகளை லைவாக பார்க்க முடியும்.

இந்த முறை உங்கள் போனில் டிஸ்னி + ஹாட்ஸ்டார் செயலி மூலமாக உலக கோப்பை கிரிக்கெட் போட்டிகளை பார்க்க நீங்கள் எந்தவித கட்டணமும் செலுத்த வேண்டிய தேவையில்லை.

உங்களிடம் மொபைல் டேட்டா இருந்தால் மட்டும் போதும். குறிப்பிட்ட டவுன்லோடு வேகம் இருந்தால்தான் எந்த தடங்கலும் இல்லாமல் அதிக தரத்தில் போட்டியை பார்க்கலாம்

ஒரு கிரிக்கெட் போட்டியை பார்க்க எவ்வுளவு மொபைல் டேட்டா காலியாகும் என்ற சந்தேகம் உங்களுக்கு உள்ளதா?

உலக கோப்பை போட்டிகளை ஸ்டாண்டர்ட் மற்றும் HD தரத்தில் ஸ்ட்ரீமிங் செய்ய நீங்கள் விரும்பினால், குறைந்தபட்ச டவுன்லோட் வேகம் 5.0 Mbps தேவைப்படும். அப்போதுதான் எந்த தடங்கலும் இல்லாமல் தெளிவாக போட்டிகளை நீங்கள் கண்டுகளிக்க முடியும்.

முழு HD தரத்தில் பார்க்க விரும்பினால், உங்கள் இணையத்தின் டவுன்லோடு வேகம் 8.0 Mbps அளவிற்கு இருக்க வேண்டும். இந்த வேகத்தில் இருந்தால் மட்டுமே இடைநிற்றல் இல்லாமல் போட்டிகளை நீங்கள் காண முடியும்.

உங்கள் வீட்டில் 4K தரத்தில் பார்க்கக் கூடிய தொலைகாட்சியோ அல்லது ஸ்மார்ட்போனோ இருந்து, அதில் கிரிக்கெட் போட்டிகளை பார்க்க விரும்பினால், குறைந்தப்பட்சம் உங்களின் இணைய வேகம் 25.0 Mbps இருக்க வேண்டும்.

உதாரணத்திற்கு, HD தரத்தில் 5 Mbps வேகத்தில் மூன்று மணி நேரம் உலக கோப்பை கிரிக்கெட் போட்டிகளை பார்க்க வேண்டுமென்றால், தோராயமாக நீங்கள் 1.875 GB டேட்டாவை செலவழித்தாக வேண்டும்.

அதுவே 8 Mbps வேகத்தில் லைவ் ஸ்ட்ரீம் செய்தால் மூன்று மணி நேரத்திற்கு 3 GB மற்றும் 25 Mbps வேகத்தில் 4K தரத்தில் பார்க்க விரும்பினால் 9.375 GB காலியாகும்.

கிரிக்கெட் போட்டிகளை ஆன்லைனில் ஸ்ட்ரீமிங் செய்யும் போது ஒரு மணி நேரத்திற்கு முழு HD-ல் பார்த்தால் 1.3ஜிபி, 720p-ல் பார்த்தால் 639 MB, அதற்கும் குறைவான தரத்தில் பார்த்தால் 249MB செலவாகும் என ACT ஃபைபர்நெட் கூறுகிறது.

இந்த கணக்கீட்டை வைத்துப் பார்க்கும் போது, டிஸ்னி + ஹாட்ஸ்டார் செயலியில் மூன்று மணி நேரம் போட்டியை பார்க்க வேண்டுமென்றால், 4ஜிபி டேட்டா உங்களுக்கு தேவைப்படும்.

ஆகையால் எவ்வுளவு நேரம் நீங்கள் போட்டியை பார்க்கப் போகிறீர்களோ, அதை வைத்து எவ்வுளவு மொபைல் டேட்டா உங்களுக்கு தேவைப்படும் என்பதை கணக்கிட்டுக் கொள்ளுங்கள்.