யூடியூப் பெரும்பாலானோரின் பொழுதுபோக்கு தளமாக உள்ள நிலையில், சில நேரங்களில் இணையம் இல்லாததால் யூடியூப்பில் வீடியோக்களை பார்க்க முடியாத சூழ்நிலை ஏற்படலாம்.
இருப்பினும் இணையம் இல்லாமலும் கூட யூடியூப்பில் உங்களுக்கு பிடித்த வீடியோக்களை காணும் வகையில் ஆஃப்லைன் வீடியோக்களை சேமிக்கும் வசதியை YouTube வழங்குகிறது.
இணைய வசதி இருக்கும் போது, உங்கள் மொபைலில் வீடியோவைப் பதிவிறக்கம் செய்து கொண்டு, பின்னர் எப்போது வேண்டுமானாலும் உங்களுக்கு கிடைக்கும் நேரத்தில் கண்டு களிக்கலாம்.
உங்களுக்கு பிடித்த வீடியோவை இயக்குகையில், அதனை பதிவிறக்கம் செய்யும் ஆப்ஷன் கீழே தோன்றும்.
இதில், உங்கள் இணைய தரவு அல்லது வைஃபை வேகத்தினடிப்படையில் குறைந்த (144P), மீடியம் (360P), உயர் (720P), முழு HD (1080P) என்ற ஆப்ஷனில் ஒன்றை தேர்வு செய்யவும்.
உயர் தரத்தில் வீடியோக்களை பதிவிறக்கம் செய்தால், உங்கள் இணைய தரவு அதிக செலவாகும் என்பதை நினைவில் கொள்ளவும்.
நீங்கள் வீடியோவைப் பதிவிறக்கியவுடன், இணைய வசதி இல்லாமல் எங்கு வேண்டுமானாலும் YouTube வீடியோக்களை இயக்கி கண்டு களிக்கலாம்.
ஆஃப்லைன் பயன்முறையில், YouTube வீடியோக்கள் உங்கள் தொலைபேசி அல்லது கணினியின் உள் சேமிப்பகத்தில் சேமிக்கப்படும். உங்கள் மொபைலில் அதற்கான சேமிப்பிடம் இருக்க வேண்டும்.