Masood Azhar Latest News: ஆபரேஷன் சிந்தூரில் பயங்கரவாதி மசூத் அசார் குடும்பத்தைச் சேர்ந்த 10 பேர் பலி. தனது குடும்பத்தைச் சேர்ந்த 10 பேர் கொல்லப்பட்டது குறித்து ஜெய்ஷ்-இ-முகமது தலைவர் கண்ணீர்.
Operation Sindoor News In Tamil: இந்தியா நடத்திய வான்வழித் தாக்குதலில் பயங்கரவாதியும் ஜெய்ஷ்-இ-முகமது தலைவருமான மசூத் அசாரின் குடும்பத்தைச் சேர்ந்த 10 பேர் கொல்லப்பட்டனர். ஜெய்ஷ்-இ-முகமது தலைவர் மசூத் அசார் இதை உறுதிப்படுத்தி உள்ளார். மேலும் அவரது குடும்பத்தைச் சேர்ந்த 10 பேர் மற்றும் நான்கு நெருங்கிய கூட்டாளிகள் இந்திய தாக்குதலில் கொல்லப்பட்டதாகக் கூறினார்.
நானும் கொல்லப்பட்டிருந்தால் நன்றாக இருந்திருக்கும்
ஆபரேஷன் சிந்தூர் தாக்குதலுக்குப் பிறகு, சோகமடைந்த மசூத் அசார், இந்தத் தாக்குதலில் நானும் கொல்லப்பட்டிருந்தால் நன்றாக இருந்திருக்கும் என்று கூறியுள்ளார். "மௌலானா கஷாப்பின் முழு குடும்பமும், மௌலானா மசூத் அசாரின் மூத்த சகோதரியும் கொல்லப்பட்டுள்ளனர். முஃப்தி அப்துல் ரவூப்பின் பேரக்குழந்தைகள், பாஜி சாதியாவின் கணவர் மற்றும் அவரது மூத்த மகளின் நான்கு குழந்தைகள் காயமடைந்துள்ளனர். பெரும்பாலான பெண்கள் மற்றும் குழந்தைகள் கொல்லப்பட்டுள்ளனர்" என்று ஜெய்ஷ்-இ-முகமது ஒரு அறிக்கையில் தெரிவிக்கப்பட்டு உள்ளது.
அசாரின் குடும்ப உறுப்பினர்கள் இன்று அடக்கம் செய்யப்படுவார்கள்.
வான்வழித் தாக்குதலில் கொல்லப்பட்ட அசாரின் குடும்ப உறுப்பினர்கள் மற்றும் நெருங்கியவர்கள் இன்று அடக்கம் செய்யப்படுவார்கள்.
பயங்கரவாத மறைவிடங்கள் மீது துல்லியமான ஏவுகணைத் தாக்குதல்
நேற்று இரவு, இந்திய ஆயுதப்படைகள் பஞ்சாபில் உள்ள ஜெய்ஷ்-இ-முகமதுவின் கோட்டையான வஹாவல்பூர் உட்பட ஒன்பது பயங்கரவாத மறைவிடங்கள் மீது துல்லியமான ஏவுகணைத் தாக்குதல்களை நடத்தியது. பாகிஸ்தானில் உள்ள பயங்கரவாத முகாம்கள் மீதான தாக்குதல் குறித்து ராணுவம் மற்றும் விமானப்படை அதிகாரிகள் விளக்கம் அளித்தனர். மேலும் வான்வழித் தாக்குதலின் 2 நிமிட காணொளி ஒளிபரப்பப்பட்டது.
ஆபரேஷன் சிந்தூர் வெற்றி
பாதுகாப்பு அமைச்சகம் வெளியிட்ட அறிக்கையில், "இந்திய ஆயுதப் படைகள் பாகிஸ்தான் மற்றும் பாகிஸ்தான் ஆக்கிரமிப்பு ஜம்மு-காஷ்மீரில் உள்ள பயங்கரவாத உள்கட்டமைப்பை குறிவைத்து 'ஆபரேஷன் சிந்தூர்'-ஐத் தொடங்கின, அங்கிருந்துதான் இந்தியாவிற்கு எதிரான பயங்கரவாதத் தாக்குதல்கள் திட்டமிடப்பட்டு இயக்கப்பட்டன. மொத்தம் ஒன்பது இடங்கள் குறிவைக்கப்பட்டன" எனக் கூறப்பட்டு இருந்தது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)