 "9 கணவன்கள்... 99 வயது வரை வாழ்ந்த கவர்ச்சி நடிகை... பல கோடிக்கு அதிபதி - யார் இவர்?")
Zsa Zsa Gabor: பிரபலங்கள் என்றாலே அவர்களை சுற்றி எப்போதும் சர்ச்சைகளும் வலம் வந்துகொண்டே இருக்கும். அவர்களின் வாழ்க்கையும் கவர்ச்சிகரமாக, பொதுமக்களை ஈர்க்கும் வகையில் இருக்கும்.
அதிலும் பிரபலங்கள் அதிகமானோர் விவகாரத்து செய்துக்கொள்வார்கள் என்பது பொதுபுத்தியில் அதிகமாக பதிவாகியிருக்கிறது. அதுவும் இரண்டு பிரபலங்களும் தம்பதிகளான நிச்சயம் அந்த உறவு நீண்ட காலம் நிலைக்காது என்பது மக்களின் மனதில் அழுத்தமாக நன்கு பதிந்துவிட்டது. இதற்கு பல்வேறு காரணங்கள் இருக்கின்றன. காதல் மற்றும் திருமண வாழ்வில் மகிழ்ச்சியாக இருந்த, இருக்கும் பிரபலங்களும் பட்டியலும் அதிகம்தான்.
Zsa Zsa Gabor: 9 முறை திருமணம் செய்த நடிகை
இது ஒருபுறம், இருக்க, நடிகை ஒருவர் திருமண வாழ்வில் ராசியில்லாமல் இருந்திருக்கிறார்... அதனால் அவர் ஒருமுறை, இரண்டு முறை இல்லை 9 முறை திருமணம் செய்துள்ளாராம். அந்த 9 முறை திருமணம் செய்த நடிகை யார், அவர் எந்த நாட்டைச் சேர்ந்தவர் என அவர் குறித்த சுவாரஸ்ய தகவல்களை இதில் பார்க்கலாம்.
Zsa Zsa Gabor: யார் இந்த ஸ்சா ஸ்சா கபோர்?
ஸ்சா ஸ்சா கபோர் என்ற அந்த நடிகை ஹங்கேரிய-அமெரிக்கர் ஆவார். இவர் சமூக ஆர்வலரும் ஆவார். கபோர் 1933ஆம் ஆண்டு மிஸ் ஹங்கேரி அழகிப் போட்டியில் பங்கேற்றார். அதில் அவர் இரண்டாவது இடத்தைப் பிடித்தார். தொடர்ந்து அவர் 1941ஆம் ஆண்டில் ஹங்கேரி நாட்டில் இருந்து அமெரிக்காவிற்கு குடிபெயர்ந்தார். அங்கு அவர் பிரபலமான நடிகையாக உருவெடுத்தார்.
குறிப்பாக, 1952ஆம் ஆண்டில் வெளியான 'லவ்லி டு லுக் அட்' என்ற திரைப்படத்தில் அவர் முதல்முறையாக நடித்தார். ஆனால் அதில் அவர் துணை நடிகை வேடத்திலேயே நடித்தார். 'வி ஆர் நாட் மேரீட்' படத்தில் முன்னணி கதாபாத்திரத்தில் நடித்தார். அதை தொடர்ந்து பல படங்களில் முன்னணி வேடங்களில் நடித்து ரசிகர்களை கவர்ந்தார்.
Zsa Zsa Gabor: கபோருக்கு 2 சகோதரிகள்
ஹாலிவுட்டில் கவர்ச்சிக் கன்னியாக கபோர் வலம் வந்தார். இவரது வாழ்க்கைமுறையும் அதிக கவனம் பெற்றது. கபோரின் காதல் வாழ்க்கை, சொகுசு வாழ்க்கை ஆகியவையும் மக்களிடையே கிசுகிசு பொருளானது. இவருக்கு எவா கபோர், மக்தா கபோர் ஆகிய 2 சகோதரிகள் இருந்தனர். அவர்கள் சமூக ஆர்வலர்கள் மற்றும் நடிகைகள் ஆவர்.
ஸ்சா ஸ்சா கபோருக்கு 9 கணவர்கள். அதில் பிரபல பாடகர்கள், தொழிலதிபர்களும் அடக்கம். இந்த 9 திருமண உறவுகளில், முதல் 7 கணவர்களுடன் இவர் விவகாரத்து செய்துகொண்டார். 8வதாக செய்துகொண்ட திருமணம் சட்டரீதியாக செல்லுபடியாகாது என அறிவிக்கப்பட்டது. 9வது கணவருடன்தான் அவரின் வாழ்வின் கடைசி கட்டம் வரை வாழ்ந்தார். அந்த வகையில், அவரது 9 திருமண உறவுகள் குறித்து இங்கு காணலாம்.
Zsa Zsa Gabor: 9 கணவன்கள் யார் யார்?
முதல் கணவர் - பர்ஹான் பெல்ஜ், இவரை 1935ஆம் ஆண்டில் திருமணம் செய்துகொண்டார், 1941ஆம் ஆண்டில் விவாகரத்து செய்துவிட்டார். இரண்டாவது கணவர் - கான்ராட் ஹில்டன், 1942ஆம் ஆண்டில் திருமணம் நடந்து 5 ஆண்டுகள் கழித்து, 1947இல் விவாகரத்து ஏற்பட்டது. 3வது கணவர் - ஜார்ஜ் சாண்டர்ஸ், இவருடன் 1949ஆம் ஆண்டு திருமணம் நடந்து 5 ஆண்டுகள் கழித்து, 1954இல் விவாகரத்து ஆனது. 4வது கணவர் - ஹெர்பர்ட் ஹட்னர், இவருடன் 1962ஆம் ஆண்டில் திருமணம் நடந்து 4 ஆண்டுகள் கழித்து,1966இல் விவாகரத்து ஏற்பட்டது. 5வது கணவர் ஜோசுவா எஸ். காஸ்டன் ஜூனியர், இவருடன் 1966 இல் திருமணமாகி ஒரே ஆண்டில் 1967இல் விவாகரத்து ஆனது.
6வது கணவர் ஜாக் ரியான், இவருடன் 1975ஆம் ஆண்டில் திருமணம் நடந்து ஓராண்டில் 1976இல் விவாகரத்து ஆனது. 7வது கணவர் மைக்கேல் ஓ'ஹாரா 1976இல் திருமணம் நடந்து ஆறு ஆண்டுகள் கழித்து 1982இல் விவாகரத்து ஏற்பட்டது. 8வது கணவரான ஃபெலிப் டி ஆல்பாவுடன் 1983ஆம் ஆண்டு திருமணம் நடந்தது, அந்த ஆண்டே திருமணம் சட்டரீதியாக செல்லுபடியாகாமல் ரத்தானது.
Zsa Zsa Gabor: 99 வயதில் காலமான கபோர்
9வது கணவரான ஃபிரடெரிக் பிரின்ஸ் வான் அன்ஹால்ட் என்பவருடன் 1986ஆம் ஆண்டில் திருமணமானது. இவரோடுதான் கடைசி வரை அதாவது 30 ஆண்டுகள் இவர் வாழ்ந்து, 2016ஆம் ஆண்டில் உயிரிழந்தார். 1917ஆம் ஆண்டு பிறந்த கபோர், 2016ஆம் ஆண்டுவரை அதாவது 99 வயது வரை வாழ்ந்தார். கடைசி காலத்தில் கபோர், கோமா நிலையில் இருந்ததாக கூறப்படுகிறது. 2016ஆம் ஆண்டு டிசம்பர் 18ஆம் தேதி அன்று லாஸ் ஏஞ்சல்ஸ் நகரில் மாரடைப்பால் உயிரிழந்தார்.
Zsa Zsa Gabor: கபோரின் ஒரே மகள்...
இந்த 9 திருமணங்களில், கபோருக்கு 2வது கணவன் ஹில்டன் உடன் மட்டுமே குழந்தை பெற்றுக்கொண்டார். பிரான்செஸ்கா ஹில்டன் என்ற ஒரே ஒரு மகள் அவருக்கு இருந்தார். ஹில்டன் ஹோட்டல் நிறுவனர் கான்ராட் ஹில்டன் ஆவார். அதவும் பிரான்ஸ்செஸ்கா ஹில்டன் கபோர் உயிரிழப்பதற்கு ஓராண்டுக்கு முன்னரே உயிரிழந்தார். மாரடைப்பால் பாதிக்கப்பட்ட பிரான்ஸ்செஸ்கா 2015ஆம் ஆண்டு ஜனவரி 5ஆம் தேதி அவரது 67 வயதில் உயிரிழந்தார்.
Zsa Zsa Gabor: ஸ்சா ஸ்சா கபோரின் சொத்து மதிப்பு
ஸ்சா ஸ்சா கபோரின் உயிரிழந்தபோது அவரது மொத்த சொத்து மதிப்பு 40 மில்லியன் அமெரிக்க டாலராக மதிப்பிடப்பட்டது. தற்போது இந்திய ரூபாய் மதிப்பில் 346 கோடி ரூபாய் ஆகும். அவர் உயிரிழந்த பின்னர் அவரது மொத்த சொத்திற்கும் வாரிசு அவரது 9வது கணவர் ஃபிரடெரிக் பிரின்ஸ் வான் அன்ஹால்ட் என்பது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)