 "இந்தியாவுக்கு மேலும் 25% வரி... டொனால்ட் டிரம்ப் அறிவிப்பு - சர்வேதச அரசியலில் பரபரப்பு")
Donald Trump Raises US Tariff On India: இந்தியா மீது மேலும் 25% வரியை விதிப்பதாக அமெரிக்க அதிபர் டொனால்ட் டிரம்ப் அறிவித்துள்ளார். ஏற்கெனவே, இந்தியாவின் சரக்குகளுக்கு ஆகஸ்ட் 1ஆம் தேதி முதல் 25% வரியும் 10% அபராதமும் டொனால்ட் டிரம்ப் விதித்திருந்தது குறிப்பிடத்தக்கது. மொத்தம் இந்திய சரக்குகளுக்கான வரி 50% ஆக அதிகரித்துள்ளது.
டொனால்ட் டிரம்ப் ஒன்பது பிரிவுகளைக் கொண்ட நிர்வாக உத்தரவில் இன்று கையெழுத்திட்டதை தொடர்ந்து இந்த வரி உயர்வு அறிவிக்கப்பட்டுள்ளது. ரஷ்யாவிடம் இருந்து இந்தியா தொடர்ச்சியாக கச்சா எண்ணெய்யை இறக்குமதி செய்து வருவதை தொடர்ந்து இந்த வரி உயர்வு அறிவிக்கப்பட்டதாக தெரிவிக்கப்பட்டுள்ளது.
டிரம்ப் கையெழுதிட்டுள்ள அந்த உத்தரவில், "இந்திய அரசு தற்போது நேரடியாகவோ அல்லது மறைமுகமாகவோ ரஷ்யாவிடம் இருந்து கச்சா எண்ணெயை இறக்குமதி செய்து வருவதாக நான் கருதுகிறேன். இந்தியாவில் இருந்து இறக்குமதி செய்யப்படும் பொருட்களின் மீது கூடுதல் மதிப்பு வரியை விதிக்க வேண்டியது அவசியம் என்று நான் முடிவு செய்துள்ளேன்" என குறிப்பிடப்பட்டுள்ளது. இந்தியாவின் சரக்குகளுக்கு இனி 50 சதவீத வரி விதிக்கப்பட இருக்கிறது. அதாவது அமெரிக்காவில் சீனப் பொருள்களுக்கான வரியை விட 20 சதவீதமும், பாகிஸ்தான் பொருள்களுக்கான வரியை விட 21 சதவீதமும் இது அதிகமாகும்.
கடந்த ஜூலை 30ஆம் தேதி இந்தியா மீதான வரியை 25% ஆக அறிவித்த பின்னரும், ரஷ்யாவிடம் இருந்து இந்தியா தொடர்ந்து கச்சா எண்ணெய்யை இறக்குமதி செய்து வந்தது. இதனால், இந்தியா மீதான வரியை இன்னும் கணிசமாக உயர்த்துவேன் என டிரம்ப் பேசியிருந்தார். டிரம்பின் இந்த ஆக்ரோஷ பேச்சுக்கு இந்தியா மற்றும் ரஷ்யா தரப்பில் பதிலடி கொடுக்கப்பட்டது.
இந்த விவகாரத்தில் இந்தியா வேண்டுமென்றே குறிவைக்கப்படுவதாகவும், நாட்டின் நலன் கருதியும், உலக சந்தையில் நிலவும் சூழலால் உருவான கட்டாயத்தின் பேரிலும்தான் இந்தியா ரஷ்யாவிடம் இருந்து கச்சா எண்ணெய்யை இறக்குமதி செய்து வருவதாக வெளியுறவுத்துறை விளக்கம் அளித்தது. மேலும், இந்த விவகாரத்தில் இந்தியா குறைசொல்பவர்கள் (அமெரிக்கா மற்றும் ஐரோப்பிய ஒன்றியம்) போர் தொடங்கிய பின்னரும் கூட தொடர்ந்து வர்த்தகம் செய்தே வருகின்றனர் என்றும் தெரிவித்தது. அமெரிக்காவின் இந்த வரியை உயர்த்தும் நடவடிக்கைகள் சட்டவிரோதமானவை என்றும் ரஷ்யா தெரிவித்தது.
இதையொட்டி, நேற்று அமெரிக்க ஊடகத்தில் டொனால்ட் டிரம்ப், "இந்தியா (அமெரிக்காவுக்கு) ஒரு நல்ல வர்த்தக கூட்டாளி இல்லை... அவர்கள் அமெரிக்காவுடன் நிறைய வியாபாரம் செய்கிறார்கள்... ஆனால் நாங்கள் அவர்களுடன் வணிகம் செய்வதில்லை. அதனால் நாங்கள் 25 சதவீதத்தை வரியாக நிர்ணயிக்க முடிவு செய்தோம்... ஆனால் அடுத்த 24 மணி நேரத்தில் நான் அதை கணிசமாக உயர்த்தப்போகிறேன் என்று நினைக்கிறேன், ஏனென்றால் அவர்கள் ரஷ்ய எண்ணெய்யை தொடர்ந்து வாங்குகிறார்கள்" என காட்டமாக பேசியிருந்தார்.
இந்நிலையில், தற்போது கூடுதலாக 25% வரியை டிரம்ப் அறிவித்திருக்கிறார். இதற்கு இந்தியா பதிலடி என்னவாக இருக்கும், ரஷ்யா இதில் இந்தியாவுடன் எப்படி துணை நிற்கும் என்பதை பொருத்திருந்துதான் பார்க்க வேண்டும். தற்போதைய சூழலில் சர்வதேச அரசியலில் பரபரப்பான சூழல் நிலவுகிறது.
மேலும் படிக்க | இந்தியாவுக்கு 25% வரி, கூடுதல் அபராதம்... டிரம்ப் வைக்கும் செக் மேட் - என்ன காரணம்?
https://zeenews.india.com/tamil/world/donald-trump-imposes-25-percent-import-tax-for-india-and-additional-penalties-american-tariffs-reason-behind-it-602011
மேலும் படிக்க | டிரம்பின் வரி வெறி.... இந்தியாவில் ஆட்டம் காணப்போகும் துறைகள் எவை?
https://zeenews.india.com/tamil/business-news/us-tariff-on-india-what-are-the-sectors-that-will-be-affected-by-donald-trump-announcement-602171
மேலும் படிக்க | அமெரிக்காவை சீண்டிய இந்திய ராணுவம் - 1971 சம்பவம் நினைவிருக்கா... பின்னணி என்ன?
https://zeenews.india.com/tamil/india/indian-army-dig-at-united-states-by-sharing-1971-dated-newspaper-clip-over-us-support-to-pakistan-trump-tariffs-603067
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)