Strait Of Hormuz: இஸ்ரேல் உடனான போரில் அமெரிக்காவும் கைக்கோர்த்தை அடுத்து, ஈரான் அதன் ஹார்முஸ் ஜலசந்தியை மூட உள்ளது. இதனால் இந்தியாவுக்கு என்ன பாதகம் என்பதை இங்கு காணலாம்.
Israel Iran War: இஸ்ரேல் - ஈரான் இடையே கடந்த ஜுன் 13ஆம் தேதி முதல் கடுமையான மோதல் நிலவி வருகிறது. ஈரான் அணு ஆயுதத்தை வைத்து அச்சுறுத்தி வருவதாக கூறி இஸ்ரேல் தாக்குதல்களை மேற்கொண்ட நிலையில், ஈரான் இஸ்ரேல் மீது பதில் தாக்குதல்களையும் மேற்கொண்டு வந்தது. இந்நிலையில், நேற்று முன்தினம் (ஜூன் 21) இஸ்ரேல் - ஈரான் இடையிலான போரில் அமெரிக்கா இணைந்திருக்கிறது.
Israel Iran War: தீவிரமடையும் இஸ்ரேல் - ஈரான் போர்
இஸ்ரேலுக்கு ஆதரவாக களமிறங்கியிருக்கும் அமெரிக்கா, நேற்று முன்தினம் ஈரானின் மூன்று அணுசக்தி நிலையங்கள் மீது குண்டுகள் வீசி தாக்குதல் மேற்கொண்டது. இதைத் தொடர்ந்தே, போரில் இணைந்துவிட்டதாக அமெரிக்க அதிபர் டொனால்ட் டிரம்ப் அறிவித்தார். மேலும், அமெரிக்காவின் தாக்குதலுக்கு ஐ.நா., கடும் கண்டனங்களை தெரிவித்தது. பல்வேறு நாடுகளும் அமெரிக்காவுக்கு கண்டனம் தெரிவித்தனர். அமெரிக்காவின் தாக்குதலை தொடர்ந்து ஏமனும் ஈரான் ஆதரவாக போரில் அதிகாரப்பூர்வமாக இணைவதாக அறிவித்தது.
Strait Of Hormuz: ஹார்முஸ் ஜலசந்தியை மூடும் ஈரான்
அமெரிக்காவின் நேரடி தலையிட்டால் தற்போது இஸ்ரேல் - ஈரான் விவகாரம் அதிக கவனத்திற்குள்ளாகி உள்ளது. ஈரானும் அமெரிக்காவுக்கு பதிலடி கொடுக்க திட்டமிட்டு வருவதாக கூறப்படுகிறது. அந்த வகையில், ஈரான் அமெரிக்காவுக்கு அழுத்தத்தை கொடுக்கும் நோக்கில் ஹார்முஸ் ஜலசந்தியை (Strait Of Hormuz) மூடுவதற்கு முடிவெடுத்துள்ளது. உலகின் 20 சதவீதத்திற்கும் அதிகமான பெட்ரோலியம் மற்றும் எரிவாயு சரக்கு போக்குவரத்துக்கு மிக முக்கியமான நீர்வழிப்பாதையான இதற்கு தடை விதிக்க ஈரான் முடிவெடுத்துள்ளதாம்.
ஈரானின் இந்த நடவடிக்கை அமெரிக்காவுக்கு மட்டுமின்றி, ஈரானின் நட்பு நாடான சீனாவை கூட பாதிக்கலாம் என்றும் தெஹ்ரானின் நெருங்கிய நட்பு நாடான சீனாவையும் பாதிக்குமா? இந்தியாவுக்கு என்ன மாதிரியான பாதிப்புகளை ஏற்படுத்தும்? அமெரிக்காவின் பொருளாதாரத்தில் இது ஏற்படுத்தும் தாக்கங்கள் என்னென்ன? என்பதை இங்கு விரிவாக காணலாம்.
Strait Of Hormuz: ஹார்முஸ் ஜலசந்தி என்றால் என்ன?
பாரசீக வளைகுடா மற்றும் ஓமன் வளைகுடா இரண்டையும் இணைக்கும் நீர்வழிப்பாதைான், ஹார்முஸ் ஜலசந்தி என்று அழைக்கப்படுகிறது. இது ஈரானின் வடக்கு கடற்கரையில் அமைந்துள்ளது. மறுபுறம் முசந்தம் தீபகற்பம் (Musandam peninsula) ஈரானின் தெற்கு கடற்பகுதியில் அமைந்துள்ளது. இது ஐக்கிய அரபு அமீரகம், ஓமான் ஆகியவற்றின் ஒரு பகுதியாக இருக்கும் முசந்தம் கவர்னரேட்டால் பகிர்ந்து கொள்ளப்படுகிறது.
Strait Of Hormuz: ஹார்முஸ் ஜலசந்தியின் முக்கியத்துவம்
ஹார்முஸ் ஜலசந்தி சுமார் 167 கி.மீ., நீளமும், அதிகபட்சம் 39 கி.மீ., அகலமும் கொண்டது. இந்த ஜலசந்தியின் மிகக் குறுகிய அகலம் 21 கி.மீ., ஆகும். 2019 ஆம் ஆண்டின் கணக்குபடி, உலகின் திரவமாக்கப்பட்ட இயற்கை எரிவாயுவில் மூன்றில் ஒரு பங்கு இந்த ஜலசந்தி வழியாகவே கொண்டுச் செல்லப்பட்டிருக்கிறது. 2019இல் ஒட்டுமொத்த உலகளாவிய எண்ணெய் விநியோகத்தில் கிட்டத்தட்ட 25% இந்த ஜலசந்தி வழியாக சென்றிருக்கிறது. இதன்மூலமே ஹர்முஸ் ஜலசந்தியின் முக்கியத்துவத்தை புரிந்துகொள்ள முடியும்.
தினசரி உலகளாவிய உற்பத்தியில் ஐந்தில் ஒரு பங்கு எண்ணெய் அதாவது சுமார் 20 மில்லியன் எண்ணெய் பீப்பாய்கள் இப்போது ஒவ்வொரு நாளும் இந்த ஜலசந்தி வழியாகவே கொண்டுச் செல்லப்படுகிறது. நேற்று முன்தினம் அமெரிக்கா ஈரானின் 3 அணுசக்தி நிலையங்கள் மீது தாக்குதல் தொடுத்ததை தொடர்ந்து, ஈரானிய அரசு அதன் நாடாளுமன்றம் மூலம் ஹார்முஸ் ஜலசந்தியை மூடுவதற்கு நேற்று (ஜூன் 22) ஒப்புதல் பெற்றிருக்கிறது.
Oil Price: கச்சா எண்ணெய் விலை ஏற்றம்
இது கச்சா எண்ணெய் விலையில் பெரிய தாக்கத்தை ஏற்படுத்தலாம். 2024ஆம் ஆண்டு டிசம்பரில் ஒரு பீப்பாய் 60 அமெரிக்க டாலர் முதல் 75 அமெரிக்க டாலர் வரை இருந்த Brent கச்சா எண்ணெய், இந்த ஆண்டு ஜனவரியில் ஒரு பீப்பாய்க்கு 80 அமெரிக்க டாலராக உயர்ந்தது. அமெரிக்காவின் தாக்குதலுக்கு பிறகு நேற்று சந்தை திறந்த உடன் ஒரு பீப்பாய் கச்சா எண்ணெய் விலை 81 அமெரிக்க டாலராக இருந்தது. பங்குச்சந்தைகளில் கச்சா எண்ணெய் நிறுவனங்களின் பங்குகளும் கடுமையான சரிவைக் கண்டன.
Strait Of Hormuz: சீனாவுக்கும் பாதிப்பா?
ஹார்முஸ் ஜலசந்தியை மூடுவதன் மூலம் ஈரான் பெரிய இக்கட்டில் சிக்கியிருக்கிறது என சர்வதேச அரசியலை உற்றுநோக்கும் வல்லுநர்கள் கருத்து தெரிவிக்கின்றனர். ஈரானின் நெருங்கிய நட்பு நாடுகளில் ஒன்று சீனா எனலாம். மேலும் அது ஈரானிய கச்சா எண்ணெயை அதிகம் இறக்குமதி செய்யும் நாடும் கூட சீனாதான். அதாவது, கடந்த மே மாதத்தில் ஈரானிடம் இருந்து நாள் ஒன்றுக்கு 1.8 மில்லியன் பீப்பாய்களுக்கு மேல் சீனா இறக்குமதி செய்திருப்பதாக கப்பல் கண்காணிப்பு நிறுவனமான Vortexa தெரிவிக்கிறது.
அப்படியிருக்க, ஈரான் ஹார்முஸ் ஜலசந்தியை மூடும்பட்சத்தில், சவுதி அரேபியா, ஐக்கிய அரபு அமீரகம், குவைத், ஓமன், ஈராக், பஹ்ரைன் உள்ளிட்ட நாடுகளின் எண்ணெய் வணிகத்தையும் பாதிக்கும். இதனால் அமெரிக்காவின் பொருளாதாரத்தையும் கடுமையாக பாதிக்கும்.
Strait Of Hormuz: இந்தியாவுக்கு என்ன பிரச்னை?
அதே நேரத்தில், இஸ்ரேல் மற்றும் அமெரிக்காவிடம் நட்பு பாராட்டும் விதத்தில் ஈரானிடம் இருந்து கச்சா எண்ணெய் இறக்குமதி செய்வதில்லை என்ற வியூகத்தை இந்தியா எடுத்திருக்கிறது. இருப்பினும் இந்தியா 85% கச்சா எண்ணெய்யை இறக்குமதியே செய்கிறது. இவை பெரும்பாலும் ஹார்முஸ் ஜலசந்தி வழியையே பயன்படுத்துகின்றன.
இதனால், இந்தியா பாதிப்பை சந்திக்கலாம். கச்சா எண்ணெய்யின் விலை 90 அமெரிக்கா டாலர் முதல் அதற்கும் மேலும் உயர வாய்ப்பிருக்கிறது. 2024-25 நிதியாண்டில் கச்சா எண்ணெய்க்காக 242.4 பில்லியன் அமெரிக்க டாலரையும், திரவமாக்கப்பட்ட இயற்கை எரிவாயுக்கு 15.2 பில்லியன் அமெரிக்க டாலரையும் இந்திய அரசு செலவழித்திருக்கிறது. தற்போது கச்சா எண்ணெய்யின் விலை உயர்ந்தால் நிச்சயம், இந்திய அரசின் அந்நிய செலவாணி பாதிக்கப்படும். இதனால், இந்தியாவில் மக்களின் அத்தியாவசிய பொருள்களின் விலையேற்றம் ஏற்படலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)