AP By Elections: ఏపీలో మళ్లీ ఎన్నికల నగారా, స్థానిక సంస్థల ఉప ఎన్నికలు ఎక్కడంటే

AP By Elections: ఆంధ్రప్రదేశ్‌లో ఇప్పుడు మరో చిన్నస్థాయి ఎన్నికల సందడి మొదలైంది. గ్రామాల్లో ఎన్నికల వాతావరణం నెలకొననుంది. రాష్ట్రంలో ఖాళీగా ఉన్న 214 గ్రామ పంచాయితీల్లో వివిధ ఎన్నికలకు ఎన్నికల కమీషనర్ నీలం సాహ్ని నోటిఫికేషన్ జారీ చేసి..ఈ నెల 27వ వివిధ పంచాయితీల్లో ప్రత్యేక సమావేశాలు నిర్వహించాలని ఆదేశించారు. 

ఏపీలో మరో ఎన్నికల నగారా మోగింది. రాష్ట్రంలోని వివిధ స్థానిక సంస్థలకు ఉప ఎన్నికలు జరగనున్నాయి. రాష్ట్రంలో వివిధ పంచాయితీలు, జిల్లా పరిషత్‌లలో ఖాళీలకు ఎన్నకలు జరగనున్నాయి. ఈ నెల 27వ తేదీన ఈ ఉప ఎన్నికలు నిర్వహించనున్నారు. రాష్ట్రంలో మొత్తం 28 ఎంపీపీలు, 19 వైస్ ఎంపీపీలు, మండల ప్రజా పరిషత్తుల్లో 12 కో ఆప్టెడ్ సభ్యులు, 214 పంచాయితీల్లో ఉప సర్పంచ్ పదవులు, కడప జడ్పీ చైర్మన్, కర్నూలు జడ్పీ కో ఆప్టెడ్ మెంబర్ పదవులకు ఈ ఉప ఎన్నికలు జరగనున్నాయి. వీటి కోసం మొత్తం 7 వేర్వేరు నోటిఫికేషన్లు విడుదలయ్యాయి. 

అన్నమయ్య జిల్లాలో పీలేరు, చిత్తూరులో పెనుమూరు, అల్లూరి సీతారామరాజు జిల్లాలో చింతూరు, తూర్పు గోదావరి జిల్లాలో రంగంపేట, గుంటూరు జిల్లాలో తెనాలి, బాపట్ల జిల్లాలో భట్టిప్రోలు, పల్నాడు జిల్లాలో ముప్పాళ్ల, ప్రకాశం జిల్లాలో ఎర్రగొండపాలెం, కర్నూలు జిల్లాలో కృష్ణగిరి, విజయనగరం జిల్లాలో సంతకావిటి, విశాఖపట్నం జిల్లాలో పెందుర్తి, తూర్పు గోదావరి జిల్లాలో పెరవలి ఎంపీపీ స్థానాలకు ఉప ఎన్నిక జరగనుంది. 

ఇక పశ్చిమ గోదావరి జిల్లాలో అత్తిలి, ఏలూరు జిల్లాలో కైకలూరు, అనంతపురం జిల్లాలో ఉరవకొండ, ఎల్లనూరు, అంబేద్కర్ జిల్లాలో సఖినేటిపల్లి, పి గన్నవరం, గుంటూరు జిల్లాలో గుంటూరు రూరల్, పల్నాడు జిల్లాలో కారంపూడి, నరసరావుపేట, ప్రకాశంజిల్లాలో పుల్లలచెరువు, నెల్లూరు జిల్లాలో దగదర్తి, అనకాపల్లి జిల్లాలో సబ్బవరం, చోడవరం, విజయనగరం జిల్లాలో భోగాపురం వైఎస్సార్ జిల్లాలో ఖాజిపేట, ఒంటిమెట్ట, అన్నమయ్య జిల్లాలో రాయచోటి స్థానాలకు వైస్ ఎంపీపీ ఎన్నికలు ఉన్నాయి.

Also read: High Court Serious On Hydra: దమ్ముంటే పెద్దల జోలికి వెళ్లి చెప్పండి, హైడ్రాపై హైకోర్టు ఘాటు వ్యాఖ్యలు

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి