Babu - Chiranjeevi: ఎన్టీఆర్ తర్వాత ఆ రేంజ్ స్టార్ నటుడు చిరంజీవి.. ప్రముఖ పుస్తకావిష్కరణ సభలో బాబు ప్రశంసలు..

Chandra Babu - Chiranjeevi: తెలు ఎన్టీఆర్ తర్వాత చిరంజీవి తెలుగు సినిమాలో గొప్ప నటుడిగా, పెద్ద స్టార్‌గా ఎదిగారు.. డాక్టర్ శరణి ‘మైండ్‌సెట్ షిఫ్ట్’ పుస్తకావిష్కరణ కార్యక్రమంలో ఏపీ సీఎం చంద్రబాబు నాయుడు మెగాస్టార్ ను ఆకాశానికి ఎత్తేశారు.

Chandra Babu - Chiranjeevi: మన తెలుగు నేలపై సామాజిక సేవ చేయాలన్న గొప్ప ఆలోచన కలిగిన మొదటి నటుడిగా చిరంజీవి నిలిచారన్నారు.  డాక్టర్ శరణి ‘మైండ్‌సెట్ షిఫ్ట్’ పుస్తకావిష్కరణ కార్యక్రమంలో ఏపీ సీఎం చంద్రబాబు నాయుడు మెగాస్టార్ చేసిన సినిమాలతో పాటు సేవా కార్యక్రమాలను కొనియాడారు. డాక్టర్ శరణి రచించిన "మైండ్‌సెట్ షిఫ్ట్" పుస్తకావిష్కరణ కార్యక్రమం గురువారం విజయవాడలోని ఎస్ఎస్ కన్వెన్షన్‌లో ఘనంగా జరిగింది. ఆంధ్రప్రదేశ్ సీఎం ఎన్. చంద్రబాబు నాయుడు, పద్మ విభూషణ్ చిరంజీవి ఈ కార్యక్రమానికి ఛీఫ్ గెస్టులుగా  హాజరయ్యారు. ఆంధ్రప్రదేశ్ మున్సిపల్ అడ్మినిస్ట్రేషన్, పట్టణాభివృద్ధి మంత్రి పొంగూరు నారాయణ కుమార్తెగా డాక్టర్ శరణికి ఉన్న గుర్తింపు అందరికీ తెలిసిందే కదా.

Add Zee News as a Preferred Source

ఆమె రచించిన "మైండ్‌సెట్ షిఫ్ట్" పుస్తకావిష్కరణలో ముఖ్యమంత్రి చంద్రబాబు నాయుడు మాట్లాడుతూ ..  ‘సానుకూల ఆలోచన, బలమైన అంకితభావమే విజయాన్ని సాధించడానికి పనికొస్తాయన్నారు. చిరంజీవి సినిమా నేపథ్యం లేని సాధారణ కుటుంబం నుండి వచ్చారు. నటుడు కావాలనే ఆయన సంకల్పం, ఆయన మనస్తత్వం ఆయన గొప్ప శిఖరాలకు చేరుకోవడానికి దోహదపడుతుందన్నారు.  ఎన్టీఆర్ రాజకీయాల్లోకి వచ్చిన తర్వాత, చిరంజీవి అవకాశాన్ని ఉపయోగించుకుని నెంబర్ వన్ స్థానానికి చేరుున్నారు. దీనికి ఆయన తీవ్ర కృషి, దృఢ సంకల్పంతో  ఎన్టీఆర్ లేని  శూన్యాన్ని పూరించడం ద్వారా చిత్ర పరిశ్రమలో అగ్ర స్థానానికి ఎగబాకారన్నారు.

సామాజిక సేవ చేయాలన్న గొప్ప ఆలోచనతో ముందుకు వచ్చిన మొదటి నటుడు చిరంజీవి. నేను ఉమ్మడి ఆంధ్రప్రదేశ్ ముఖ్యమంత్రిగా ఉన్నప్పుడు, చిరంజీవిని క్రమం తప్పకుండా కలిసేవాడినన్నారు.  ఆ సమావేశాలలో ఒకదానిలో, బ్లడ్ బ్యాంక్ ఏర్పాటుకు భూమి కేటాయించమని ఆయన నన్ను కోరారు. సినిమా నటులు ఆ పరిధి దాటి ఆలోచించి ప్రజా సేవపై దృష్టి పెట్టడం చాలా అరుదు. కానీ అలాంటి చొరవ తీసుకున్న మొదటి నటుడిగా చిరంజీవి నిలిచన్నారు.

మెగాస్టార్ చిరంజీవి మాట్లాడుతూ ..  ‘డాక్టర్ శరణి నన్ను ఈ ప్రారంభోత్సవానికి ఆహ్వానించినప్పుడు చాలా సంతోషమేసింది. వ్యక్తిత్వ వికాసంపై పుస్తకాల పట్ల నాకు ఎప్పుడూ ఆసక్తి ఉంటుంది. ప్రతి ఒక్కరూ కష్టపడి పనిచేస్తారు.  కానీ తెలివిగా పనిచేయడం, సరైన మనస్తత్వాన్ని పెంపొందించుకోవడం తేడాను కలిగిస్తుందన్నారు.  ఈ పుస్తకం అంతా దాని గురించే.  నా గ్రాడ్యుయేషన్ తర్వాత నాకు కెరీర్ మీద ఓ స్పష్టత లేదు. కానీ చిన్నప్పటి నుంచి నటన పట్ల నాకున్న మక్కువ నా మార్గాన్ని కనుగొనడంలో నాకు దోహదపడిందన్నారు.  విమర్శలు, ప్రతికూల స్పందనలు ఎదురైనప్పటికీ ఒకే లక్ష్యం, అంకితభావంతో ముందుకు సాగానన్నారు.

నటనలో కెరీర్‌ను కొనసాగించాలనే నా ప్రణాళికలను నా తల్లిదండ్రులకు వెల్లడించినప్పుడు వారు నా నిర్ణయానికి మద్దతు ఇచ్చారు. నా కెరీర్ ప్రారంభ రోజుల్లో నాకు తరచుగా సహాయక లేదా ప్రతినాయక పాత్రలు మాత్రమే వస్తుండేవి. నేను చాలా నిరాశ చెందేవాడిని. కానీ వచ్చిన ప్రతీ పాత్రకు న్యాయం చేసుకుంటూ వచ్చాను. ప్రతీ పాత్ర నా విజయానికి ఒక మెట్టుగా మారాలని భావించానన్నారు. ఈ కార్యక్రమంలో నారాయణతో పాటు ఆమె కుమార్తె డాక్టర్ శరణి తదితరులు పాల్గొన్నారు.

ఇదీ చదవండి: బడా స్టార్స్ సహా 900 సినిమాల్లో నటించిన నటి.. భర్త చనిపోవడంతో తాగుడుకు బానిసై జీవితం నాశనం..

ఇదీ చదవండి:  ఈ చెట్లు ఉంటే.. పాములకు మీ ఇంట్లోకి రెడ్ కార్పెట్ పరిచినట్టే.. తస్మాత్ జాగ్రత్త..!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.