Thalliki Vandanam: తల్లికి వందనం అమలు.. రేపే తల్లుల బ్యాంకు ఖాతాల్లోకి రూ.15 వేలు

Rs 15k In Bank Accounts: పాఠశాలలకు వెళ్లే విద్యార్థుల తల్లులకు ఆంధ్రప్రదేశ్‌ ప్రభుత్వం శుభవార్త ప్రకటించింది. సూపర్‌ సిక్స్‌ హామీల్లో మరో కీలకమైన హామీని ముఖ్యమంత్రి చంద్రబాబు నాయుడు నెరవేర్చబోతున్నారు. రేపటి నుంచి విద్యా సంవత్సరం ప్రారంభం కానుండగా ఆ రోజే ‘తల్లికి వందనం’ పథకానికి శ్రీకారం చుట్టనున్నారు. విద్యార్థుల తల్లులకు రూ.15 వేల ఆర్థిక సహాయం అందించనున్నట్లు సీఎం చంద్రబాబు ప్రకటించారు.

Also Read: AP Rains: సముద్రంలో తుపాను? రానున్న రోజుల్లో ఆంధ్రప్రదేశ్‌లో భారీ వర్షాలు

కూటమి ప్రభుత్వం ఏర్పడి ఏడాది అవుతున్న సందర్భంగా గురువారం విద్యార్థుల తల్లుల ఖాతాల్లోకి 'తల్లికి వందనం' నిధులు జమ చేయనున్నారు. ఒక్కొక్క విద్యార్థికి రూ.15 వేలు చొప్పున తల్లికి వందనం కింద ఏపీ ప్రభుత్వం చెల్లించనుంది. 1వ తరగతిలో అడ్మిషన్ పొందే పిల్లలతో పాటు ఇంటర్ ఫస్టియర్ విద్యార్థులకూ తల్లికి వందనం అమలు చేయనున్నారు. ఏపీలో 67,27,164 మంది విద్యార్థులకు తల్లికి వందనం పథకం వర్తింపచేస్తున్నారు. అంతమంది విద్యార్థులకు కలిపి తల్లుల ఖాతాల్లో రూ.8,745 కోట్లు తల్లికి వందనం కింద ప్రభుత్వం జమ చేయనుంది. సూపర్ సిక్స్ హామీల్లో ఇప్పటికే పింఛన్ల పెంపు, అన్న క్యాంటీన్, మెగా డీఎస్సీ, దీపం-2 పథకాలు అమలు చేసిన ఎన్డీయే ప్రభుత్వం తాజాగా తల్లికి వందనం పథకం అమలు చేస్తుండడంతో ఎన్టీయే పక్షాలు ఆనదంలో మునిగాయి.

Also Read: Chandrababu: సీఎం చంద్రబాబు సంచలన నిర్ణయం.. మహిళల అఘాయిత్యాలపై పోలీసులకు పూర్తి స్వేచ్ఛ

ఎన్నికల ప్రచారంలో భాగంగా చదువుకుంటున్న ప్రతి ఒక్క పిల్లలకు రూ.15 వేలు అందిస్తామని నాడు టీడీపీ అధినేతగా చంద్రబాబు మాట ఇచ్చారు. ఇచ్చిన హామీలో భాగంగా సూపర్‌ సిక్స్‌ హామీల్లో కీలకమైన తల్లికి వందనం పథకాన్ని అధికార టీడీపీ ప్రభుత్వం అమలు చేయనుంది. అయితే ఈ పథకం పొందాలంటే కొన్ని అర్హతలు.. కొన్ని ధ్రువపత్రాలు ఉండాలి. అవి తెలుసుకుందాం.

ఒకటో తరగతి నుంచి 12 వ తరగతి వరకు చదువుతున్న విద్యార్థుల తల్లులకు ప్రతీ సంవత్సరం రూ.15,000 ఆర్థిక సహాయం అందించనున్నారు. పిల్లలకు స్థిర విద్య కొనసాగించేందుకు తల్లులకు ఆర్థిక సహాయం ప్రభుత్వం అందించనుంది. ఈ పథకానికి దరఖాస్తు చేసుకునే దరఖాస్తుదారులు ఆంధ్రప్రదేశ్ రాష్ట్ర నివాసితులై ఉండాలి. ప్రభుత్వ గుర్తింపు పొందిన పాఠశాలలో చదువుతున్న వారికి ఈ పథకం అందిస్తారు. కనీసం 75 శాతం హాజరు కలిగి ఉన్న విద్యార్థులకు తల్లి పేరు మీద బ్యాంక్ ఖాతా కలిగి ఉంటే తల్లికి వందనం పథకం కింద రూ.15 వేలు అందుతాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook