 "AP RERA Warning: ఏపీలో ప్లాట్లు, అపార్ట్మెంట్లు కొంటున్నారా? ప్రభుత్వం జారీ చేసిన హెచ్చరిక ఇదే!")
AP RERA Annoucement: ఆంధ్రప్రదేశ్ రాష్ట్రంలో రియల్ ఎస్టేట్ ఇప్పుడిప్పుడే గాడీన పడుతోంది. ఈ సమయంలో కొందరు అక్రమంగా ప్లాట్లు, అపార్ట్మెంట్లు విక్రయించేందుకు సిద్ధమవుతున్నారు. అనుమతి లేని నిర్మాణాలను కొనుగోలు చేస్తే భవిష్యత్లో ఇబ్బందులు తలెత్తుతాయి. ఈ విషయంపై ఏపీ రియల్ ఎస్టేట్ రెగ్యులేటరీ అథారిటీ (రెరా) కీలక ప్రకటన చేసింది. ఏపీ రెరాలో రిజిస్టర్ కాని ప్లాట్లు, అపార్ట్మెంట్లు కొనుగోలు చేయరాదని సూచించింది.
ఏపీ రియల్ ఎస్టేట్ రెగ్యులేటరీ అథారిటీ (రెరా)లో నమోదు చేసుకోకుండా కస్టమర్ల వద్ద డిపాజిట్లు తీసుకోవడం చట్ట విరుద్ధమని ఏపీ రెరా చైర్మన్ సురేశ్ కుమార్ ప్రకటించారు. ప్రీ లాంచ్ పేరుతో కొనుగోలుదారుల నుంచి కొంతమంది డెవలపర్లు, ప్రమోటర్లు, బిల్డర్లు డిపాజిట్లు సేకరణ చేస్తున్నారని తమ దృష్టికి వచ్చినట్లు తెలిపారు. రెరా ఆమోదం పొందక ముందే డిపాజిట్లు సేకరిస్తే చట్టపరమైన చర్యలు ఉంటాయని ఏపీ రెరా హెచ్చరించింది.
బిల్డర్స్, ప్రమోటర్స్, డెవలపర్లు ఎలాంటి ప్రకటనలు, మార్కెటింగ్, బుకింగ్ వంటివి చేయకూడదని రెరా సూచించింది. ప్రాజెక్టులలో జాప్యాలు, నిర్మాణ నాణ్యత సమస్యలపై కొనుగోలుదారులు రెరాను సంప్రదించవచ్చని ఏపీ రెరా చైర్మన్ సురేశ్ కుమార్ సూచించారు. ఏపీ రియల్ ఎస్టేట్ రెగ్యులేటరీ అథారిటీలో నమోదు చేసుకోకుండా కస్టమర్ల వద్ద డిపాజిట్లు తీసుకోవడం చట్ట విరుద్ధమని స్పష్టం చేశారు. అమరావతితోపాటు ఇతర ప్రాంతాల్లో రియల్ ఎస్టేట్ ఇప్పుడిప్పుడే రియల్ ఎస్టేట్ వృద్ధి చెందుతోంది. రియల్ ఎస్టేట్ గాడీన పడడంతో కొందరు అక్రమార్కులు రెచ్చిపోతున్నారు. రెరాలో రిజస్టర్ చేసుకోకుండా ప్లాట్లు, అపార్ట్మెంట్లను అమాయకులైన వారికి విక్రయించే ప్రయత్నం చేస్తున్నారు. ఈ క్రమంలో డిపాజిట్లు సేకరిస్తుండడంపై రెరా రంగంలోకి దిగింది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
)