 "Tirumala Employees: తిరుమల ఉద్యోగులకు టీటీడీ భారీ గిఫ్ట్.. ఏమిటో తెలుసా?")
Tirumala Employees Gift: తిరుమల తిరుపతి దేవస్థానంలో విధులు నిర్వహిస్తున్న ఉద్యోగులకు టీటీడీ భారీ గిఫ్ట్ ఇచ్చింది. భక్తులకు ఎలాంటి అంతరాయం లేకుండా పటిష్టంగా సేవలు అందిస్తున్న ఉద్యోగులకు టీటీడీ కానుకలు అందించింది. ఉద్యోగుల భద్రత ప్రాధాన్యం తీసుకుని తిరుమల తిరుపతి దేవస్థానం అధికారులు ఉద్యోగులకు హెల్మెట్లను పంపిణీ చేశారు. దాతలు ఇచ్చిన హెల్మెట్లను టీటీడీ పంపిణీ చేసింది. ఆ వివరాలు ఇలా ఉన్నాయి.
టీటీడీ ఉద్యోగులకు తిరుమలలోని చైర్మన్ క్యాంపు కార్యాలయంలో గురువారం టీటీడీ చైర్మన్ బీఆర్ నాయుడు, సీవీఎస్ఓ మురళీకృష్ణ కలిసి హెల్మెట్లు పంపిణీ చేశారు. ఈ సందర్భంగా చైర్మన్ నాయుడు మీడియాతో మాట్లాడుతూ.. టీటీడీ ఉద్యోగుల భద్రతను దృష్టిలో ఉంచుకుని హెల్మెట్ల పంపిణీ కార్యక్రమానికి శ్రీకారం చుట్టామని తెలిపారు. ఇటీవల 500 హెల్మెట్లు పంపిణీ చేశామని, అమలాపురానికి చెందిన నిమ్మకాయల సత్యనారాయణ, హైదరాబాద్కు చెందిన నాగేంద్ర ప్రసాద్ విరాళంగా ఇచ్చిన 2 వేల హెల్మెట్లు ప్రస్తుతం పంపిణీ చేస్తున్నట్లు వెల్లడించారు. రాబోయే రోజుల్లో మరో 7,500 హెల్మెట్లు టీటీడీ ఉద్యోగులకు అందిస్తామని ప్రకటించారు. ప్రతి ఒక్కరూ విధిగా హెల్మెట్లు ధరించాలని చైర్మన్ నాయుడు సూచించారు.
Sri B.R. Naidu, Chairman of TTD, distributed helmets to TTD employees at Tirumala, promoting safety and Security .
A thoughtful step towards safeguarding those who serve the devotees of Lord Venkateswara with dedication.#TTD #SafetyFirst #Tirumala #SevaWithCare pic.twitter.com/NtdCpEgp3K
— Tirumala Tirupati Devasthanams (@TTDevasthanams) June 26, 2025
తిరుమలకు భారీ విరాళం
తిరుమల దేవస్థానానికి మరో భారీ విరాళం అందింది. టీటీడీ ఎస్వీ ప్రాణదాన ట్రస్ట్కు ఓ భక్తుడు రూ.కోటి విరాళం అందించారు. టీటీడీ ఛైర్మన్ బీఆర్ నాయుడును కలిసి విరాళానికి సంబంధించిన చెక్కును అందించారు. విరాళం ఇచ్చింది ఎవరో కాదు గూగుల్ వైస్ ప్రెసిడెంట్ తోట చంద్రశేఖర్. అంతకుముందు స్వామివారిని ప్రత్యేకంగా దర్శించుకున్న చంద్రశేఖర్ మొక్కులు చెల్లించుకున్నారు. ఆయనకు ప్రత్యేక దర్శనం కల్పించిన ఆలయ అధికారులు తీర్థప్రసాదాలు అందించారు. అనంతరం విరాళం చెక్కును అందించిన దాతను టీటీడీ ఛైర్మన్ బీఆర్ నాయుడు అభినందించారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
)