 "Banakacherla Project: బనకచర్ల ప్రాజెక్టుపై చంద్రబాబుకు భారీ షాకిచ్చిన మేధావులు")
Krishna Godavari Linkage: ఏపీ ప్రభుత్వం ప్రతిష్టాత్మకంగా చేపట్టిన బనకచర్ల ప్రాజెక్టుపై కొందరు మేధావులు తప్పుబట్టారు. ఈ ప్రాజెక్టు చేపట్టవద్దని సొంత రాష్ట్ర మేధావులు డిమాండ్ చేశారు. బనకచర్ల ప్రాజెక్టుకు విరమించుకోవాలని విజ్ఞప్తి చేశారు. ప్రాజెక్టులు ప్రజల కోసం నిర్మించాలని.. అది కాంట్రాక్టర్లు, నేతలకు కాసుల పంట మాత్రమేనని తెలిపారు. పాత, కొత్త ప్రభుత్వాలను అనుసంధానించే ఏకైక శక్తి మెగా ఇంజనీరింగ్ సంస్థ అని.. ఏపీకి బనకచర్ల ప్రాజెక్టు ఒక గుదిబండగా అభివర్ణించారు. కృష్ణా- గోదావరి నదీ జలాలలో ఆంధ్రప్రదేశ్ ప్రజల హక్కుల కోసం పోరాటం చేయాలని సూచించారు. పోలవరం(గోదావరి)- సోమశిల (పెన్నా) అనుసంధానం చేయాలని విజ్ఞప్తి చేశారు. రాష్ట్ర దీర్ఘకాలిక ప్రయోజనాలను ప్రజలే రక్షించుకోవాలని ఆదేశించారు.
బనకచర్ల ప్రాజెక్టును అడ్డుకోవాలంటూ విజయవాడ వేదికగా మేధావులు రంగంలోకి దిగారు. దీనికోసం త్వరలో కార్యాచరణ రూపొందిస్తామని, దీనిని ప్రజల్లోకి తీసుకువెళతామని స్పష్టం చేశారు. ఇది కచ్చితంగా మెగా కృష్ణారెడ్డి కంపెనీ ప్రయోజనాల కోసం చేపట్టే ప్రాజెక్టేనని వెల్లడించారు. ఆలోచనాపరుల వేదిక పేరుతో ఏర్పాటయిన ఈ సంస్థ.. బనకచర్ల ప్రాజెక్టు కేవలం కాంట్రాక్టర్లు, రాజకీయ నాయకుల కడుపునింపేందుకు తప్ప, రాష్ట్ర ప్రజలకు ఎలాంటి ప్రయోజనం చేకూర్చని గుదిబండ ప్రాజెక్టుగా మేధావులు కుండబద్దలు కొట్టి చెప్పారు.
ఆలోచనాపరుల వేదికలో మాజీ డీజీపీ ఏబీ వెంకటేశ్వరరావు, కంభంపాటి పాపారావు, అక్కినేని భవానీ ప్రసాద్, టి.లక్ష్మీనారాయణ తదితరులు పాల్గొని మాట్లాడారు. 'ముఖ్యమంత్రుల వద్ద పలుకుబడి ఉండి.. పాత-కొత్త ప్రభుత్వాలకు అనుసంధానకర్తగా ఉన్న మెగా కంపెనీ అధినేత కృష్ణారెడ్డి కంపెనీ కోసమే బనకచర్ల ప్రాజెక్టు అన్న అనుమానం తెరపైకి తెచ్చింది' అని తెలిపారు. ఈ ప్రాజెక్టుపై మెగా కృష్ణారెడ్డి సీఎం చంద్రబాబుకు తాజాగా పవర్పాయింట్ ప్రజెంటేషన్ ఇచ్చినట్లు తెలిసిందని వక్తలు వెల్లడించారు.
ప్రధాన ప్రతిపక్షం కాంట్రాక్టు కంపెనీతో కుమ్మక్కు కావడంతో దీనిని అడ్డుకోవాల్సిన బాధ్యత ప్రజలేదనని పిలుపునిచ్చారు. 'పోలవరం - బనకచర్ల అనే ప్రాజెక్టు సీఎం చంద్రబాబు నాయుడు ఆలోచనగా ముందుకు వచ్చి దాన్ని అత్యంత వేగంగా కేంద్ర జల సంఘంతో ఆమోదింపజేసుకోవాలని, కేంద్ర ఆర్ధిక సాయంతో నిర్మించాలని అంటూ పరుగుఎత్తుతున్నాయి. ఇది తెలంగాణాలో రాజకీయ పార్టీల మధ్య ఒక ఫుట్ బాల్గా మారింది' అని మాజీ డీజీపీ ఏబీ వెంకటేశ్వర రావు తెలిపారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
)