 "Chandrababu: 'అడ్డువస్తే తొక్కుకుంటూ వెళ్తాం, వదిలిపెట్టం'.. డ్రగ్స్పై సీఎం చంద్రబాబు యుద్దం")
)
AP Govt War On Drugs: మాదక ద్రవ్యాలకు వ్యతిరేకంగా కఠిన చర్యలు తీసుకుంటామని.. ఏమాత్రం నిర్లక్ష్యం వహించమని సీఎం చంద్రబాబు ప్రకటించారు. యాంటీ డ్రగ్స్ రాబోయే రోజుల్లో ముఠా కక్షలు ఉండేందుకు వీలులేదని స్పష్టం చేశారు. రాయలసీమలో ముఠాలను అణచివేసిన పార్టీ టీడీపీ.. మత విద్వేషాల రెచ్చగొట్టి రాజకీయ మనుగడ సాగించాలని యత్నం చేస్తున్నారని మండిపడ్డారు. మత సామరస్యం కాపాడి విద్వేషాలు రెచ్చగొట్టేవారిని అణచివేస్తామని హెచ్చరించారు.
ఏపీ బ్రాండ్ పోతోందని ఆందోళన
గుంటూరులో గురువారం జరిగిన అంతర్జాతీయ మాదకద్రవ్యాల వ్యతిరేక దినోత్సవ సభలో సీఎం చంద్రబాబు సంచలన ప్రసంగం చేశారు. డ్రగ్స్ విక్రేతలతోపాటు డ్రగ్స్ వాడే వారికీ తీవ్ర హెచ్చరికలు జారీ చేశారు. డ్రగ్స్ విక్రయించినా.. వినియోగించినా.. తయారుచేసినా ఊరుకునేది లేదని ప్రకటించారు. 'ప్రతిపక్షంలో ఉన్నప్పుడు డ్రగ్స్కు వ్యతిరేకంగా ఉద్యమాలు చేశాం. ఏపీ బ్రాండ్ పోతోందని ఆందోళన వ్యక్తం చేస్తే స్పందించలేదు. డ్రగ్స్కు వ్యతిరేకంగా పోరాడితే టీడీపీ కార్యాలయంపై దాడులు చేశారు. ఎన్ని కష్టాలున్నా రాష్ట్రాన్ని బాగు చేస్తామని ఆరోజే చెప్పాం' అని సీఎం చంద్రబాబు గుర్తుచేశారు.
చైతన్యం తేవాలి
'గంజాయి, డ్రగ్స్పై యుద్ధాన్ని ప్రకటిస్తున్నా. అడ్డువస్తే తొక్కుకుంటూ వెళ్తాం.. వదిలిపెట్టం' అని సీఎం చంద్రబాబు సంచలన ప్రకటన చేశారు. 'గంజాయి బ్యాచ్కు సహకరించిన వారికి గుణపాఠం చెబుతాం. గంజాయి నిర్మూలన బాధ్యత కేవలం ప్రభుత్వానిదే కాదు.. ప్రతిపక్షాలు కూడా ముందుకు వచ్చి ప్రజల్లో చైతన్యం తేవాలి' అని సూచించారు. చైతన్యం తెచ్చి ఓట్లు కోరాలి తప్ప రాజకీయ లబ్ధి పొందుతామంటే కుదరదని చంద్రబాబు స్పష్టం చేశారు.
గంజాయిపై డేగ కన్ను
'మెడికల్ షాపుల్లోనూ మత్తు పదార్థాలు అమ్ముతున్నారు. ప్రత్యామ్నాయ పంటలతో గంజాయి నిర్మూలనకు చర్యలు. ఈగల్ పేరుతో గంజాయిపై రాష్ట్ర వ్యాప్తంగా డేగ కన్ను. మారకపోతే రాష్ట్రంలో ఉండేందుకు అర్హత లేదు' అని సీఎం చంద్రబాబు తెలిపారు. ఎవరైనా ఆడబిడ్డల జోలికి వస్తే అదే వారికి చివరి రోజు అవుతుందని హెచ్చరించారు. '26 జిల్లాల్లో నార్కోటిక్స్ సెల్స్ ఏర్పాటు చేశాం. ఈగల్ సెల్స్, టాస్క్ఫోర్స్ ఏర్పాటు చేశాం. పాఠశాలల్లో ఈగల్ క్లబ్లు ఏర్పాటు చేశాం. 1972 నంబరుకు మెసేజ్ పంపితే కాపాడే బాధ్యత తీసుకుంటాం' అని సీఎం చంద్రబాబు వివరించారు. మద్యం ఆదాయంలో 2 శాతాన్ని నిర్మూలనకు ఖర్చు చేస్తున్నామని.. రాష్ట్రంలో 3 ప్రాంతాల్లో 56 డీఅడిక్షన్ కేంద్రాలు ఏర్పాటు చేస్తున్నట్లు సీఎం చంద్రబాబు వెల్లడించారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
