VDCA Cricket Stadium Name Change: మరోసారి ఆంధ్రప్రదేశ్లో పాత వివాదం మళ్లీ రాజుకుంది. గతంలో తమకు ఎదురైన సంఘటనలను తిరిగి ఇచ్చేస్తున్నారు. దెబ్బకు దెబ్బ అన్నట్టు ఆంధ్రప్రదేశ్ రాజకీయం నడుస్తోంది. పథకాలు, భవనాలకు సంబంధించిన పేర్ల మార్పు వివాదం మొదలైంది. ఇప్పటికే కడప జిల్లాకు వైఎస్సార్ కడప జిల్లాగా మార్చగా.. తాడిగడప మున్సిపాలిటీకి వైఎస్సార్ పేరును తొలగించడం వివాదం రాజుకోగా.. తాజాగా మరో చోట కూడా పేరు మార్చేశారు. మాజీ ముఖ్యమంత్రి వైఎస్సార్ పేర్ల తొలగింపు ఆంధ్రప్రదేశ్లో తీవ్ర కలకలం రేపుతోంది.
అధికారంలోకి వచ్చిన ఎన్డీయే ప్రభుత్వం వైఎస్సార్ పేర్ల తొలగింపును మొదలుపెట్టింది. కడప జిల్లా, తాడిగడప మున్సిపాలిటీల పేర్లు మార్చివేయగా.. తాజాగా విశాఖపట్టణం క్రికెట్ స్టేడియానికి ఉన్న వైఎస్సార్ పేరును తొలగించారు. డాక్టర్ వైఎస్సార్ ఆంధ్ర క్రికెట్ సంఘం వీడీసీఏ క్రికెట్ స్టేడియంగా ఉన్న పేరును కేవలం ఏసీఏ వీడీసీఏ క్రికెట్ స్టేడియంగా మార్పు చేశారు. అంతేకాకుండా వైజాగ్ ఫిలింనగర్ క్లబ్లోని లాన్కు ఉన్న వైఎస్సార్ పేరును ఇటీవల అధికారులు తొలగించిన విషయం తెలిసిందే. ఏపీలో వరుసగా వైఎస్సార్ పేర్ల తొలగింపు రాజకీయ దుమారం రేపుతోంది. ఇప్పటికే ఈ పేర్ల తొలగింపుపై కాంగ్రెస్ పార్టీ ఏపీ అధ్యక్షురాలు వైఎస్ షర్మిల తప్పుబట్టారు. సీఎం చంద్రబాబు నాయుడి తీరుపై ఆగ్రహం వ్యక్తం చేశారు.
వైఎస్సార్ పేర్ల తొలగింపు అనేది కక్షపూరితంగా జరుగుతోందని చర్చ జరుగుతోంది. గతంలో ముఖ్యమంత్రిగా ఉన్న వైఎస్ జగన్ మోహన్ రెడ్డి విజయవాడలోని ఆరోగ్య విశ్వవిద్యాలయం పేరు మార్చారు. ఆరోగ్య విశ్వవిద్యాలయానికి ఉన్న ఎన్టీఆర్ పేరును తొలగించారు. ఆ పేరు మార్చి వైఎస్సార్ పేరు పెట్టడంతో ఆ సమయంలో తీవ్ర దుమారం రేపింది. తాము అధికారంలోకి వచ్చిన తర్వాత పేర్ల మార్పు చేస్తామని తెలుగుదేశం పార్టీ నాయకులు చెప్పిన విషయం తెలిసిందే. అనుకున్నట్టుగానే చంద్రబాబు అధికారంలోకి రావడంతో పేర్ల మార్పు మళ్లీ మొదలైంది. నాడు వైఎస్ జగన్ చేసిన పనికి తగిన బుద్ధి చెబుతున్నట్లు టీడీపీ నాయకులు చెబుతున్నారు. దెబ్బకు దెబ్బ అని ఎన్డీయే నాయకులు పేర్కొంటున్నారు. మరికొన్ని వాటి పేర్లు కూడా త్వరలో మార్చి వేసే అవకాశం ఉందని తెలుస్తోంది. అయితే ఈ పేర్ల మార్పుపై ఇప్పటివరకు వైఎస్సార్ కాంగ్రెస్ పార్టీ అధికారికంగా స్పందించలేదు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
)