){kind=logo}
){kind=logo}
){kind=logo}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=logo}
){kind=logo}
){kind=logo}
){kind=small}
){kind=logo}
)
YS Sharmila Emotional: ఆంధ్రప్రదేశ్లో మళ్లీ పేర్ల మార్పు వివాదం రేపింది. ఈ వివాదంపై కాంగ్రెస్ పార్టీ ఏపీ అధ్యక్షురాలు వైఎస్ షర్మిల స్పందిస్తూ సీఎం చంద్రబాబుపై విరుచుకుపడ్డారు. నాడు తన సోదరుడు, ఆనాటి సీఎం వైఎస్ జగన్ చేసినట్టు చేస్తున్నారని ఎద్దేవా చేశారు. వైఎస్సార్ పేరు చెరిపి ప్రతీకారం తీర్చుకుంటున్నారని మండిపడ్డారు. చంద్రబాబు చేసిన పని తన హృదయాన్ని గాయపరిచిందని ఆవేదన వ్యక్తం చేశారు.
అత్త మీద కోపం దుత్త మీద చూపినట్లు ముఖ్యమంత్రి చంద్రబాబు తీరు ఉంది. ఆనాటి సీఎం వైఎస్ జగన్ చేసిన తప్పే నేడు చంద్రబాబు చేస్తున్నారు. అధికారంలో ఉండగా మాజీ సీఎం ఎన్టీఆర్ పేరు మార్చి వైఎస్సార్ కాంగ్రెస్ పార్టీ ప్రభుత్వం అభిమానుల మనోభావాలు దెబ్బతినేలా చేసింది. ఇప్పుడు కూటమి ప్రభుత్వం మహానేత వైఎస్సార్ పేరు చెరిపి ప్రతీకారం తీర్చుకుంటుంది. కోట్లాది మంది తెలుగు ప్రజల హృదయాలను గాయపరిచింది' అని వైఎస్ షర్మిల ఆవేదన వ్యక్తం చేశారు.
'వైఎస్సార్ జిల్లాను తిరిగి వైఎస్సార్ కడప జిల్లా పేరుతో సవరించడంలో అభ్యంతరం లేకపోయినా.. కృష్ణా జిల్లా తాడిగడప మున్సిపాలిటీకి వైఎస్సార్ పేరును తీసెయ్యడాన్ని ఖండిస్తున్నా' అని వైఎస్ షర్మిల ప్రకటించారు. వైఎస్సార్ అంటే ఎందుకింత కక్ష అని అడుగుతున్నామని ప్రశ్నించారు. వైఎస్సార్ జిల్లాలో తిరిగి కడప పేరు చేర్చినప్పుడు విజయవాడ కేంద్రంగా ఉన్న ఎన్టీఆర్ జిల్లాకు ఎన్టీఆర్ విజయవాడ అని.. లేదంటే పాత కృష్ణ జిల్లాకు ఎన్టీఆర్ కృష్ణా జిల్లాగా పేరు ఎందుకు మార్చలేదని నిలదీశారు.
డాక్టర్ వైఎస్ రాజశేఖర రెడ్డి ఉమ్మడి ఆంధ్రప్రదేశ్ కాంగ్రెస్ పార్టీ ముఖ్యమంత్రి. దేశంలోనే సంక్షేమ పథకాలకు ఆధ్యుడు. ప్రజల గుండెల్లో చిరస్థాయిగా నిలిచిన గొప్ప నేత' అని వైఎస్ షర్మిల ప్రశంసలు కురిపించారు. ఆరోగ్య శ్రీ, ఫీజు రీయింబర్స్మెంట్, జలయజ్ఞం, ఉచిత విద్యుత్, ఇందిరమ్మ ఇండ్లు, పెన్షన్లు లాంటి ప్రజాకర్షక పథకాలకు రూపశిల్పి మహానేత వైఎస్సార్ అని తెలిపారు. తెలుగు వారు తమ గుండెల్లో గుడి కట్టుకొని ఇంట్లో దేవుడి పక్కన వైఎస్సార్ ఫొటో పెట్టుకొని పూజిస్తున్న గొప్ప నేతకు రాజకీయాలు ఆపాదించడం సరైంది కాదని హెచ్చరించారు. ఇది వైఎస్సార్కు ఇచ్చే గౌరవం అంతకన్నా కాదని పేర్కొన్నారు. 'వైఎస్సార్ అనే పేరు ప్రజల ఆస్తి. ఆయన ఏ ఒక్కరి సొత్తు కాదు. వైఎస్సార్ తెలుగు వారి సొత్తు' అని షర్మిల వివరించారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
