)
Teachers MLC Elections: సీఎం చంద్రబాబు నాయుడు, ఉప ముఖ్యమంత్రి పవన కల్యాణ్కు భారీ షాక్ తగిలింది. అధికారంలోకి వచ్చిన తర్వాత తొలిసారి భారీ ఎదురుదెబ్బ తగిలింది. భారీ విజయం సాధిస్తామనుకున్న చోట అనూహ్యంగా తెలుగుదేశం పార్టీ, జనసేన, బీజేపీ కూటమి పరాజయం పొందింది. ఈ ఫలితం ఏపీ రాజకీయాల్లో సంచలనం సృష్టించింది. అధికారంలో ఉన్న కూటమికి వ్యతిరేకంగా ప్రభుత్వ ఉపాధ్యాయులు తీర్పునివ్వడం కలకలం రేపుతోంది.
ఆంధ్రప్రదేశ్లో మూడు ఎమ్మెల్సీ ఎన్నికలు జరుగుతున్నాయి. ఒక పట్టభద్రుల ఎమ్మెల్సీ కాగా రెండు పట్టభద్ర ఎమ్మెల్సీ స్థానాలకు ఎన్నికలు జరగ్గా.. తాజాగా ఎన్నికల ఫలితాలు విడుదలవుతున్నాయి. ఉత్తరాంధ్రలో కీలకమైన టీచర్ ఎమ్మెల్సీ ఎన్నికల ఫలితాల్లో టీచర్లు సంచలన తీర్పునిచ్చారు. విశాఖపట్టణం, విజయనగరం, శ్రీకాకుళం టీచర్ల ఎమ్మెల్సీ ఎన్నికల్లో కూటమి అభ్యర్థి పాకాలపాటి రఘువర్మ పోటీ చేశారు. పీఆర్టీయూ తరఫున ఉత్తరాంధ్ర ఉపాధ్యాయ ఎమ్మెల్సీగా డాక్టర్ గాదె శ్రీనివాసులు నాయుడు పోటీ చేశారు.
ప్రభుత్వానికి వ్యతిరేకంగా ఓటు
అయితే ఎన్నికల్లో అనూహ్యంగా ప్రభుత్వ ఉపాధ్యాయులు కూటమి ప్రభుత్వానికి వ్యతిరేకంగా ఓటు వేశారు. మొదటి నుంచి పీఆర్టీయూ అభ్యర్థి గాదె శ్రీనివాసులు నాయుడు ముందంజలో కొనసాగుతూ వచ్చారు. ఎక్కడ కూడా తెలుగుదేశం, జనసేన కూటమి అభ్యర్థి పోటీనివ్వలేదు. మొత్తం 11 గంటల పాటు నిరంతరాయంగా కొనసాగిన ఓట్ల లెక్కింపులో కూటమి బలపరిచిన ఏపీటీఎఫ్ అభ్యర్థి, సిట్టింగ్ ఎమ్మెల్సీ రఘువర్మపై రెండో ప్రాధాన్య ఓట్లతో విజయం సాధించారు.
ఖంగుతిన్న కూటమి
ఉత్తరాంధ్ర టీచర్ ఎమ్మెల్సీ స్థానంలో మొత్తం 10 మంది పోటీ చేశారు. 8 మందిని ఎలిమినేట్ేసిన తర్వాత మూడో స్థానంలో నిలిచిన పీడీఎఫ్ అభ్యర్థి విజయగౌరి ఎలిమినేషన్ చేస్తుండగా గాదె శ్రీనివాసులు నాయుడు మ్యాజిక్ ఫిగర్ సాధించారు. దీంతో అతడి విజయం ఖాయమైంది. కొన్ని నిమిషాల్లో గాదె శ్రీనివాసులు నాయుడు విజయాన్ని అధికారులు అధికారికంగా ప్రకటించనున్నారు. గాదె విజయం ఖాయం కావడంతో అతడి మద్దతుదారులు, పీఆర్టీయూ ఉపాధ్యాయులు సంబరాల్లో మునిగాయి. అయితే తాము బలపర్చిన రఘువర్మ ఓటమితో తెలుగుదేశం, జనసేన పార్టీలు ఖంగుతిన్నాయి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
