 "AP Rains: సముద్రంలో తుపాను? రానున్న రోజుల్లో ఆంధ్రప్రదేశ్లో భారీ వర్షాలు")
AP Heavy Rains: ఎండలతో అల్లాడిపోతున్న ఆంధ్రప్రదేశ్ రాష్ట్రానికి ఊరట లభించింది. అరేబియా సముద్రంలో తుపాను తరహా వాతావరణ పరిస్థితులు ఏర్పడ్డాయని వాతావరణ శాఖ ప్రకటించింది. దీని ప్రభావంతో జూన్ 12వ తేదీ నుంచి ఏపీలో భారీ వర్షాలు కురిసే అవకాశం ఉందని అమరావతిలోని వాతావరణ శాఖ (ఐఎండీ) వెల్లడించింది. దక్షిణ కోస్తాలో ఈదురుగాలులతో కూడిన వర్షాలు పడొచ్చని ఐఎండీ హెచ్చరికలు జారీ చేసింది. గంటకు 60 కిలోమీటర్ల వేగంతో గాలులు వీచే అవకాశం ఉందని తెలిపింది. తుపాను ప్రభావంతో నెల్లూరు, ప్రకాశం జిల్లాల్లో భారీ వర్షాలు పడే అవకాశం ఉందని వాతావరణ శాఖ వెల్లడించింది.
బంగాళాఖాతంలో ఉపరితల ఆవర్తనాలు కొనసాగుతుండడంతో వాటి కారణంగా రుతు పవనాల్లో మళ్లీ కదలికలు వస్తున్నాయి. ఈ ప్రభావం కారణంగా ఈ నెల 12వ తేదీ నుంచి రుతుపవనాలు చురుగ్గా కదిలి దక్షిణ భారతదేశంలో వర్షాలు కురుస్తాయని వాతావరణ శాఖ తెలిపింది. రాయలసీమలో మంగళవారం వర్షాలు కురుస్తాయని చెప్పగా.. బుధవారం నుంచి కోస్తా జిల్లాల్లో పలు చోట్ల భారీ వర్షాలు కురుస్తాయని వాతావరణ శాఖ తెలిపింది. విజయనగరం, మన్యం, అల్లూరి, కాకినాడ, ఉభయ గోదావరి, ఏలూరు, కృష్ణా, గుంటూరు, ఎన్టీఆర్, నెల్లూరు, బాపట్ల, పల్నాడు, ప్రకాశం జిల్లాల్లో కొంత వాతావరణం వేడిగానే ఉంటుందని.. గరిష్టంగా ఉష్ణోగ్రతలు నమోదయ్యే అవకాశం ఉందని వాతావరణ శాఖ వెల్లడించింది.
మే నెలాఖరుకే నైరుతి రుతు పవనాలు ఆంధ్రప్రదేశ్ వ్యాప్తంగా వ్యాపించిన విషయం తెలిసిందే. రుతు పవనాల రాకతో దాదాపు ఐదు రోజుల పాటు వర్షాలు కురిశాయి. అనంతరం మళ్లీ వేసవి మాదిరి ఎండలు దంచికొట్టడమే కాకుండా ఉక్కపోత తీవ్రంగా ఉంది. ప్రస్తుతం వాతావరణ శాఖ తెలిపిన ప్రకటనతో కొంత ఏపీకి ఊరట లభించనుంది. మృగశిర కార్తె రావడంతో ఇక వర్షాలు భారీగా పడుతాయని రైతులు భావిస్తున్నారు. ఎరువాక పౌర్ణమికి కొన్ని జిల్లాల్లో వ్యవసాయ పనులు మొదలుపెట్టారు. దీంతో మళ్లీ రైతులు వ్యవసాయ పనుల్లో బిజీ కానున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
)