Cyclone Alert: గత వారం రోజులుగా ఏపీ ప్రజలు ఎండలు, ఉక్కపోతతో విలవిల్లాడుతున్నారు. ఈ నేపధ్యంలో ఐఎండీ భారీ ఉపశమనం కలగనుంది. రానున్న వారం రోజులు ఏపీలోని దక్షిణ కోస్తా జిల్లాల్లో భారీ వర్షాలు, ఈదురుగాలులు ఉంటాయని ఐఎండీ తెలిపింది. దీనికి సంబంధించిన పూర్తి వివరాలు ఇలా ఉన్నాయి.
నైరుతి రుతు పవనాలు మందగించడంతో వారం రోజుల నుంచి ఏపీలో ఎండలు భారీగా ఉంటున్నాయి. పగటి ఉష్ణోగ్రత 41-42 డిగ్రీలు ఉండటమే కాకుండా తీవ్రమైన ఉక్కపోత బాధిస్తోంది. అంతకు ముందు నైరుతి రుతు పవనాలు ముందస్తుగా ప్రవేశించినప్పుడు రాష్ట్రంలో ఎండలు ఒక్కసారిగా తగ్గి రాష్ట్రమంతటా వర్షాలు నమోదయ్యాయి. ఇప్పుడు మళ్లీ పరిస్థితి మారుతోంది. ఏపీలోని పలు జిల్లాల్లో రానున్న రోజుల్లో భారీ వర్షాలు పడనున్నాయి. గంటకు 60 కిలోమీటర్ల వేగంతో ఈదురు గాలులు వీయనున్నాయి. అరేబియా సముద్రంలో తుపాను పరిస్థితులు నెలకొనడంతో వాతావరణం మారుతుందని వాతావరణ శాఖ వెల్లడించింది. అరేబియా సముద్రంలో తూర్పు మధ్య పశ్చిమ మద్య ప్రాంతంలో ఇలాంటి వాతావరణం ఉంటుంది. మున్ముందు మరింత బలపడే అవకాశముందని ఐఎండీ తెలిపింది.
ఫలితంగా రానున్న రోజుల్లో ఏపీలో భారీ వర్షాలు కురవనున్నాయి. ఈ నెల 12వ తేదీ నుంచి తిరుపతి, చిత్తూరు, నెల్లూరు జిల్లాలు కాకుండా నెల్లూరు, ప్రకాశం జిల్లాల్లో భారీ వర్షాలు పడనున్నాయి. కోస్తాంధ్ర జిల్లాల్లో మోస్తరు నుంచి భారీ వర్షాలు పడనున్నాయి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
మా సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter , Facebook
)