 "YS Jagan: 14 నెలలుగా ఆంధ్రప్రదేశ్లో అన్యాయమైన పాలన: మాజీ సీఎం వైఎస్ జగన్")
YS Jagan vs Chandrababu: చంద్రబాబు పాలన కలియుగానికి నిదర్శనమని వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి ప్రకటించారు. '14 నెలలుగా రాష్ట్రంలో అన్యాయమైన పాలన సాగుతోందని.. ఎక్కడా న్యాయం లేదు. ధర్మం అనేది లేదు' అని తెలిపారు. 'తమకు గిట్టని వారు, నచ్చని వారిపై దౌర్జన్యం. ఎవరైనా స్వరం గట్టిగా వినిపిస్తే తట్టుకోలేని వైనం. ఎలాగైనా తీసుకుని పోయి వారిని జైల్లో వేయాలి. ఎలాగైనా వారిని చిత్ర హింసలు పెట్టాలి. వారి పరువు తీయాలనే నీచమైన సంస్కృతి. అదే ఈరోజు ప్రత్యక్షంగా చూస్తున్నాం' అని మాజీ సీఎం వైఎస్ జగన్ వివరించారు.
తాడేపల్లిలోని వైఎస్సార్సీపీ కేంద్ర కార్యాలయంలో పార్టీ లీగల్ సెల్ సమావేశం మంగళవారం నిర్వహించగా.. ఉమ్మడి కృష్ణా, గుంటూరు జిల్లాలకు చెందిన పార్టీ లీగల్ సెల్ ప్రతినిధులు హాజరయ్యారు. ఈ సందర్భంగా పార్టీ నాయకులను ఉద్దేశించి మాజీ సీఎం వైఎస్ జగన్ కీలక ప్రసంగం చేశారు. ఒక మనిషిని జైల్లో పెట్టడం అత్యంత హేయంగా అభివర్ణించారు. అది వారి పరువు, ప్రతిష్టతో ఆడుకోవడమని.. అన్నీ తెలిసి కూడా ఇవన్నీ చేస్తున్నారని చంద్రబాబుపై వైఎస్ జగన్ ఆగ్రహం వ్యక్తం చేశారు. తప్పు చేయకపోయినా బురద వేస్తున్నారని మండిపడ్డారు.
'వైఎస్సార్సీపీ కార్యకర్తలకు వేధింపులు. తప్పుడు సాక్ష్యాలు, అక్రమ కేసులతో కష్టాలు. వారికి తోడుగా నిలబడుతున్న పార్టీ లాయర్ల సేవలు అభినందనీయం' అని మాజీ సీఎం వైఎస్ జగన్ ప్రశంసించారు. పార్టీకి పెద్దన్నల్లా న్యాయవాదులు పని చేస్తున్నారని.. కష్టకాలంలో పార్టీకి ఎంతో అండగా ఉన్నారని తెలిపారు. జగన్ 2.0లో వారందరికీ పూర్తి న్యాయం చేస్తామని ప్రకటించారు. 'కలియుగం అంటే ఏమిటన్నది ఈ 14 నెలల చంద్రబాబు పాలన చూస్తే అర్ధమవుతుంది. ఈ కాలంలో ఎక్కడా న్యాయం, ధర్మం లేదు' అని మాజీ సీఎం వైఎస్ జగన్ వెల్లడించారు. 'అడగకపోతే అమ్మ అయినా అన్నం పెట్టదు అన్నట్లుగా.. కోరకపోతే దేవుడు కూడా దేవుడు కూడా వరమివ్వడు అన్నట్లుగా.. పిటిషన్లు వేసి, మీరు న్యాయస్థానంలో నిలబడకపోతే, న్యాయం కూడా దక్కదు' అని వైఎస్సార్సీపీ అధినేత వైఎస్ జగన్ తెలిపారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
)