 "Pawan Kalyan: డిప్యూటీ సీఎం పవన్ కల్యాణ్కు జాక్పాట్.. అక్కడ జనసేనకు తొలి విజయం")
)
Pawan Kalyan First Victory: రాజకీయాల్లో అడుగుపెట్టిన దాదాపు దశాబ్దం తర్వాత భారీ విజయాన్ని అందుకున్న జనసేన పార్టీ అధినేత, డిప్యూటీ సీఎం పవన్ కల్యాణ్కు మరో విజయం అందింది. అధికారంలోకి వచ్చిన ఏడాది తర్వాత రాజకీయంగా సంచలనం విజయం అందుకున్నారు. వందకు శాతం ఫలితాలను పొందిన జనసేన పార్టీ అధికారంలోకి వచ్చిన మరో విజయాన్ని ఖాతాలో వేసుకుంది. ఈ విజయంతో జనసేన శ్రేణులు సంబరాల్లో మునిగాయి. ఆ వివరాలు ఇలా ఉన్నాయి.
తూర్పుగోదావరి జిల్లా నిడదవోలు మున్సిపాలిటీ ఉప ఎన్నికలు జరిగాయి. వైస్ చైర్మన్ ఎన్నికలో జనసేన పార్టీ అభ్యర్థి షేక్ వజీరుద్దీన్ ఏకగ్రీవంగా విజయం సాధించారు. మొత్తం 29 మంది కౌన్సిలర్లు ఉండగా గతేడాది ప్రభుత్వం కూటమి ప్రభుత్వం అధికారంలోకి వచ్చాక చైర్మన్ భూపతి ఆదినారాయణ సహా 13 మంది వైఎస్సార్సీపీ నుంచి జనసేన పార్టీలోకి ఫిరాయించారు. మంగళవారం జరిగిన ఎన్నికకు వైఎస్సార్ కాంగ్రెస్ పార్టీ సభ్యులు గైర్హాజరయ్యారు.
ఈ ఎన్నికలో నిడదవోలు ఎమ్మెల్యే, మంత్రి కందుల దుర్గేశ్ సహా మొత్తం 15 మంది సభ్యులు పాల్గొన్నారు. దీంతో ఏకగ్రీవంగా జనసేన పార్టీ వైస్ చైర్మన్ పదవిని సొంతం చేసుకుంది. నిడదవోలులో ముస్లిం మైనార్టీలకు ప్రాధాన్యం కల్పిస్తూ షేక్ వజీరుద్దీన్ వైస్ చైర్మన్గా ఎన్నిక చేసినట్లు మంత్రి దుర్గేష్ వెల్లడించారు. తమ పార్టీ స్థానిక సంస్థల్లో సాధించబోయే విజయాలకు ఇది ప్రారంభమని మంత్రి దుర్గేశ్ ప్రకటించారు. ఆంధ్రప్రదేశ్లో జనసేన పార్టీ తొలి మున్సిపాలిటీని దక్కించుకోవడం విశేషం.
రాష్ట్రంలో జరుగుతున్న మున్సిపాలిటీ ఎన్నికల్లో ఎన్డీయే కూటమిలో టీడీపీ మాత్రమే అన్ని స్థానాలు సొంతం చేసుకుంటోంది. ఎక్కడా కూడా బీజేపీకి, జనసేన పార్టీకి అవకాశం ఇవ్వడం లేదు. నామినేటెడ్ పదవుల్లో కూడా మిత్రపక్షాలను టీడీపీ గుర్తించడం లేదు. అయితే నిడదవోలులో జనసేన పార్టీ నుంచి ఎమ్మెల్యేగా ఎన్నికైన దుర్గేశ్ మంత్రిగా ఉండడంతో ఎట్టకేలకు ఈ మున్సిపాలిటీని కైవసం చేసుకుంది. భవిష్యత్లో కూడా ఇలాంటి విజయం పొందాలని పవన్ కల్యాణ్ అభిమానులు, జనసేన శ్రేణులు కోరుతున్నాయి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
