 "JanaSena Party: జనసేన పార్టీ @ 13 ఏళ్లు.. పవన్ కల్యాణ్ రాజకీయ ప్రస్థానం ఇలా..")
JanaSena Party Jayaketana Sabha: ఉమ్మడి ఆంధ్రప్రదేశ్లో జనసేన పార్టీని స్థాపించిన పవన్ కల్యాణ్ ప్రస్తుతం ఆంధ్రప్రదేశ్కు పరిమితమయ్యారు. పార్టీ స్థాపించిన పుష్కర కాలం తర్వాత చట్టసభలోకి పవన్ కల్యాణ్ ప్రవేశించగా.. ఆ పార్టీ ఆశించిన స్థానాలు సాధించింది. అధికారంలోకి వచ్చిన తర్వాత తొలిసారి పార్టీ ఆవిర్భావ వేడుకలను జనసేన జరుపుకుంటోంది. తాను ప్రాతినిధ్యం వహిస్తున్న పిఠాపురం వేదికగా జనసేన గర్జన నిర్వహించనుంది. జనసేన పార్టీ 13 ఏళ్లు పూర్తి చేసుకుంటున్న సందర్భంగా పవన్ కల్యాన్ రాజకీయ ప్రస్థానం తెలుసుకుందాం.
పుష్కర కాలం తర్వాత విజయం
సినీ హీరోగా రాణిస్తున్న పవన్ కల్యాణ్ హైదరాబాద్ వేదికగా జనసేన పార్టీని స్థాపించారు. 14 మార్చి 2014న జనసేనను రాజకీయ పార్టీగా పవన్ కల్యాణ్ ప్రకటించారు. ఆంధ్రప్రదేశ్ రెండు రాష్ట్రాలుగా విడిపోతున్న సమయంలో 2014 సార్వత్రిక ఎన్నికలు జరగగా జనసేన పార్టీ పోటీ చేయలేదు. 2019 ఎన్నికలలో నేరుగా ఆంధ్రప్రదేశ్లో పోటీ చేసి ఘోర వైఫల్యం ఎదుర్కొన్నది. పవన్ కల్యాణ్ పోటీ చేసిన రెండు స్థానాల్లో ఓడిపోయారు. కేవలం ఒక సీటు మాత్రమే గెలుచుకోగా ఆ ఎమ్మెల్యే కాస్త వైఎస్సార్సీపీకి మద్దతుగా నిలిచారు.
విభజన సమయంలో పోటీకి దూరం
ఆంధ్రప్రదేశ్కు కీలకమైన 2024 సమయంలో జరిగిన ఎన్నికల్లో జనసేన పార్టీ తెలుగుదేశం, బీజేపీతో పొత్తు పెట్టుకుని పోటీ చేసింది. పొత్తులో భాగంగా పోటీ చేసిన 21 అసెంబ్లీ స్థానాలతోపాటు రెండు ఎంపీ స్థానాల్లో గెలుపొందింది. పవన్ కల్యాణ్ పిఠాపురం నుంచి ఎమ్మెల్యేగా భారీ మెజార్టీతో విజయం సాధించారు. అనంతరం ఎన్డీయే కూటమి అధికారంలోకి రావడంతో జనసేన పార్టీ తొలిసారి ప్రభుత్వంలో భాగమైంది. పార్టీ అధినేతగా ఉన్న పవన్ కల్యాణ్కు ఉప ముఖ్యమంత్రిగా బాధ్యతలు చేపట్టగా.. ఆ పార్టీకి కీలకమైన నాయకుడిగా ఉన్న నాదెండ్ల మనోహర్ ఎమ్మెల్యేగా గెలవడంతో అతడికి మంత్రి పదవి దక్కింది. తాజాగా పవన్ కల్యాణ్ సోదరుడు ఎమ్మెల్సీగా ఎంపికవడంతో అతడికి త్వరలోనే మంత్రి పదవి దక్కే అవకాశం ఉంది.
ఎప్పుడూ చంద్రబాబుకు తోడుగా..
జనసేన పార్టీని స్థాపించిన 2014లోనే తెలంగాణ, ఆంధ్రప్రదేశ్గా తెలుగు రాష్ట్రాలు ఏర్పడ్డాయి. ఈ సమయంలో తెలంగాణలో నామమాత్రంగా ఉండగా.. ఆంధ్రప్రదేశ్పైనే ప్రధాన దృష్టి సారించింది. మొదటి నుంచి బీజేపీ, తెలుగుదేశం పార్టీకి మద్దతుగా జనసేన పార్టీ రాజకీయం.. పవన్ కల్యాణ్ ధోరణి ఉంది. 12 ఏళ్లుగా చంద్రబాబు చెప్పినట్టు వింటూ పవన్ కల్యాణ్ రాజకీయం చేశారనే విమర్శలు ఉన్నాయి. తాజాగా సనాతన ధర్మం పేరిట పవన్ చేస్తున్న రాజకీయం వెనుక బీజేపీ ఉందనే ఆరోపణలు వస్తున్నాయి. పవన్ కల్యాణ్ ఏది చేసినా రాజకీయంగా హాట్ టాపిక్గా మారుతోంది.
ఉమ్మడి తూర్పుగోదావరి జిల్లా జనసేన పార్టీ వెన్నుదన్నుగా నిలుస్తోంది. ఆ జిల్లాలను అడ్డాగా చేసుకుని పవన్ కల్యాణ్ రాజకీయం నడిపిస్తున్నారు. జనసేన 21 మంది ఎమ్మెల్యేల్లో 10 మంది ఉభయ గోదావరి జిల్లాల నుంచే ఉండడం విశేషం. జనసేన పార్టీకి సెంటిమెంటు జిల్లాగా తూగో జిల్లా మారింది. ఏపీ రాజకీయాల దశదిశను పవన్ మార్చాడు. 13 ఏళ్లుగా అనేక ఆటుపోట్లను ఎదుర్కొని తొలిసారిగా విజయం సాధించి ప్రభుత్వంలో భాగమవడం విశేషం.
జయకేతన సభ ఏర్పాట్లు
జనసేన పార్టీ అధినేత పవన్ కల్యాణ్ ఎమ్మెల్యేగా గెలిచి ఉప ముఖ్యమంత్రి అయిన తర్వాత జరుగుతున్న మొదటి విజయోత్సవ సభ నిర్వహిస్తున్నారు. ఆ పార్టీ 12వ ఆవిర్భావ సభకు పిఠాపురం నియోజకవర్గంలోని చిత్రాడలో ఏర్పాట్లు పూర్తయ్యాయి. మయసభను తలపించే రీతిలో సర్వాంగ సుందరంగా వేదికను తీర్చిదిద్దారు. వేదికపై 250 మంది ఆసీనులయ్యేలా ఏర్పాట్లు చేశారు. డ్రోన్లతో ఎప్పటికప్పుడు పర్యవేక్షణ చేస్తున్నారు. ఇతర రాష్ట్రాలకు చెందిన వారు ఇప్పటికే కాకినాడ, పిఠాపురం చేరుకున్నారు. ఈ సభకు తెలంగాణ నుంచి కూడా జనసేన పార్టీ నాయకులు హాజరయ్యే అవకాశం ఉంది.
వసంతకాలం
మహోన్నత ఆశయ సాధన కోసం..
నిజాయతీ నీడలో నాయకుడి అడుగు జాడలో మమేకమవుదాం..పిఠాపురం వేదికగా "జయకేతనం" ఎగురవేద్దాం...
మరో చారిత్రక సంగ్రామానికి శ్రీకారం చూడదాం...రండి పిఠాపురం లో కలుద్దాం✊#ChaloPithapuram #JanaSenaFormationDay pic.twitter.com/I4TwMNqp37
— JanaSena Party (@JanaSenaParty) March 13, 2025
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)