AP 10th SSC Results 2025 LIVE: విద్యార్థులకు బిగ్ అలర్ట్.. పదో తరగతి సప్లిమెంటరీ పరీక్షలు ఆ రోజు నుంచే..

Andhra Pradesh SSC Results 2025 LIVE Updates: ఏపీ పదో తరగతి ఫలితాలు బుధవారం ఉదయం పది గంటలకు మంత్రి నారా లోకేష్‌ వెల్లడించనున్నారు. విద్యార్థులు ఫలితాల కోసం https://bse.ap.gov.in, https://apopenschool.ap.gov.in/ వెబ్‌సైట్స్‌ను సందర్శించండి. లైవ్ అప్‌డేట్స్ కోసం ఇక్కడ క్లిక్ చేయండి.

Andhra Pradesh SSC Results 2025 LIVE Updates: ఆంధ్రప్రదేశ్‌ పదో తరగతి ఫలితాలు బుధవారం విడుదల కానున్నాయి. నేడు ఉదయం 10 గంటలకు విద్యాశాఖ మంత్రి నారా లోకేష్‌ ఫలితాలను ప్రకటించనున్నారు. ఈ ఏడాది పదో తరగతి పరీక్షలకు దాదాపు 6 లక్షల మందికి పైగా విద్యార్థులు హాజరయ్యారు. టెన్త్ ఫలితాలతోపాటు ఓపెన్‌ స్కూల్‌ ఇంటర్‌ పరీక్షల రిజల్ట్స్‌ను కూడా వెల్లడించనున్నారు. ఈ మేరకు పూర్తి ఏర్పాట్లు చేసినట్లు ప్రభుత్వ పరీక్షల విభాగం డైరెక్టర్‌ కేవీ శ్రీనివాసులు రెడ్డి తెలిపారు. ట్విట్టర్ వేదికగా మంత్రి నారా లోకేష్‌ ఫలితాలను ప్రకటిస్తారు. విద్యార్థులు https://bse.ap.gov.in, https://apopenschool.ap.gov.in/ వెబ్‌సైట్స్‌ ద్వారా ఫలితాలు తెలుసుకోవచ్చు. మనమిత్ర వాట్సాప్‌ నెంబర్‌ 95523 00009 ద్వారా కూడా రిజల్ట్స్‌ అందుబాటులో ఉండనున్నాయి. పదో తరగతి ఫలితాల లైవ్‌ అప్‌డేట్స్‌ కోసం ఇక్కడ ఫాలో అవ్వండి.

• 11:35 AM

  AP SSC Results 2025 LIVE Updates: టెన్త్ పబ్లిక్ పరీక్షల చరిత్రలో అరుదైన రికార్డు నమోదైంది. కాకినాడలోని ఓ ప్రైవేట్ స్కూల్ విద్యార్థిని యల్ల నేహాంజని 600కు 600 మార్కులు సాధించింది. పదో తరగతిలో 600 మార్కులు సాధించడం ఇదే తొలిసారని అధికారులు చెబుతున్నారు. దీంతో నేహాంజనిపై ప్రశంసలు వెల్లువెత్తుతున్నాయి.

• 10:57 AM

  AP SSC Results 2025 LIVE Updates: టెన్త్ సప్లిమెంటరీ పరీక్షలు మే 19 నుంచి 28వ తేదీ వరకు జరగనున్నాయి. https://www.bse.ap.gov.in/ సైట్‌లో హెడ్ మాస్టర్ లాగిన్ ద్వారా ఈనెల 24 నుంచి 30వ తేదీ వరకు ఎగ్జామ్ ఫీజు చెల్లించవచ్చు. లేటు ఫీజు రూ.50తో మే 19 వరకు అప్లై చేయవచ్చు. రీకౌంటింగ్, రీవెరిఫికేషన్‌కు దరఖాస్తు చేసుకోవడానికి రేపటి నుంచి మే 1 వరకు అవకాశం ఉంది. రీకౌంటింగ్‌కు ఫీజు ఒక్కో సబ్జెక్టుకు రూ.500, రీ వెరిఫికేషన్‌కు రూ.1000 చెల్లించాలి.

• 10:55 AM

  AP SSC Results 2025 on https://bse.ap.gov.in: టెన్త్ ఫలితాల్లో 1,680 స్కూళ్లలో 100 శాతం పాస్ రేట్ ఉండగా.. 19 స్కూల్స్ (ఇందులో 9 ప్రైవేట్)లోని విద్యార్థులంతా ఫెయిలయ్యారు. ఓవరాల్‌గా 65.36 శాతం మంది ఫస్ట్, 10.69 శాతం మంది సెకెండ్, 5.09 శాతం మంది థర్డ్ డివిజన్‌లో పాస్ అయ్యారు. ఫలితాల్లో బాలికలు హవా కొనసాగించారు. 3,01,202 మంది బాలికలు పరీక్షలు రాయగా.. 2,53,278 మంది (84.09%) మంది ఉత్తీర్ణులయ్యారు. 3,13,257 మంది బాలురు ఎగ్జామ్స్ రాయగా.. 2,45,307 మంది (78.31%) ఉత్తీర్ణత సాధించారు.

• 10:31 AM

  AP SSC Results 2025 LIVE Updates: ఉత్తీర్ణత సాధించిన 4,98,585 మంది విద్యార్థులు

  ==> 81.14శాతం మంది విద్యార్థుల ఉత్తీర్ణత

  ==> పరీక్షలకు హాజరైన 6,14,459 మంది విద్యార్థులు

  ==> 93.90శాతం ఉత్తీర్ణతతో మొదటిస్థానంలో మన్యం జిల్లా

  ==>  100 శాతం ఫలితాలు సాధించిన 1680 పాఠశాలలు.

• 10:08 AM

  AP SSC Results 2025 on https://bse.ap.gov.in: "ఈ సంవత్సరం 6,14,459 మంది విద్యార్థులు పరీక్ష రాయగా 4,98,585 మంది ఉత్తీర్ణులయ్యారు. 81.14% మంది ఉత్తీర్ణత సాధించారు. పార్వతీపురం మన్యం జిల్లా 93.90% ఉత్తీర్ణత రేటుతో అగ్రస్థానంలో ఉండటం చూసి నేను సంతోషంగా ఉన్నాను. 1,680 పాఠశాలలు 100 శాతం ఫలితాలను సాధించాయి. ఉత్తీర్ణులైన విద్యార్థులందరికీ నా హృదయపూర్వక అభినందనలు. ఫెయిల్ అయిన వారు నిరుత్సాహపడకండి. జీవితం రెండవ అవకాశాలను అందిస్తుంది. సప్లిమెంటరీ పరీక్షలు మే 19 నుంచి 28వ తేదీ వరకు జరుగుతాయి. విజయం సాధించడానికి మరొక అవకాశాన్ని అందిస్తుంది." అని మంత్రి నారా లోకేష్‌ ట్వీట్ చేశారు.

• 10:03 AM

  AP SSC Results 2025 on https://bse.ap.gov.in:  పదో తరగతి పరీక్షల ఫలితాలను మంత్రి నారా లోకేష్ వెల్లడించారు.

  ? The SSC Public Examinations results for March 2025 have been announced. ?

  This year, out of 6,14,459 students who appeared, 4,98,585 have passed, achieving a pass percentage of 81.14%???. I'm delighted to see that Parvathipuram Manyam district has topped the list with an…

  — Lokesh Nara (@naralokesh) April 23, 2025

• 09:49 AM

  AP SSC Results 2025 LIVE Updates: పదో తరగతి ఫలితాలో పాటు ఓపెన్‌ స్కూల్‌ టెన్త్‌, ఇంటర్‌ ఫలితాలను కూడా నేడే విడుదల చేయనున్నారు. రిజల్ట్స్ కోసం https://apopenschool.ap.gov.in/ వెబ్‌సైట్‌ను సందర్శించండి.

• 09:29 AM

  How to check AP SSC results via Digilocker: డిజిలాకర్ ద్వారా ఫలితాలను ఇలా తెలుసుకోండి.

  ==> డిజిలాకర్ అధికారిక వెబ్‌సైట్ https://www.digilocker.gov.in/ లేదా మీ మొబైల్‌లో డిజిలాకర్ యాప్‌ను డౌన్‌లోడ్ చేసుకోండి.
  ==> మీ ఆధార్ కార్డు వివరాలను అందించి సైన్ అప్ చేయండి.
  ==> లాగిన్ అయిన తర్వాత ఎడ్యుకేషన్ విభాగానికి వెళ్లండి.
  ==> ఆంధ్రప్రదేశ్ బోర్డ్ ఆఫ్ సెకండరీ ఎడ్యుకేషన్ (BSEAP) లేదా  ఏపీ టెన్త్ ఫలితాలకు సంబంధించిన ఆప్షన్‌ను ఎంచుకోండి.
  ==> SSC హాల్ టికెట్ నంబరు, పుట్టిన తేదీ మొదలైన అవసరమైన వివరాలను ఎంటర్ చేసి సబ్మిట్ చేయండి.
  ==> 10వ తరగతి ఫలితాలు స్క్రీన్‌పై ప్రత్యక్షమవుతాయి.

• 09:25 AM

  AP SSC Results 2025 LIVE Updates: ప్రెస్‌మీట్స్ ద్వారా ఫలితాలను వెల్లడించే విధానానికి మంత్రి నారా లోకేష్‌ ఈ ఏడాది స్వస్తి పలికారు. ఇంటర్ ఫలితాల తరహాలోనే పదో తరగతి ఫలితాలను కూడా ట్విట్టర్ ద్వారానే వెల్లడించనున్నారు. అనుకున్న సమయానికి ఫలితాలు రావడంతోపాటు ఖర్చు కూడా తగ్గుతుందని మంత్రి ఈ నిర్ణయం తీసుకున్నారు.

• 08:59 AM

  AP SSC Results 2025 LIVE Updates: మరో గంటలో ఏపీ పదో తరగతి పరీక్షల ఫలితాలు వెల్లడించనున్నరు. విద్యార్థులతోపాటు తల్లిదండ్రులు ఎంతో ఉత్కంఠగా చూస్తున్నారు. ఫలితాల కోసం https://bse.ap.gov.in వెబ్‌సైట్‌ను సందర్శించండి.

• 08:49 AM

  AP SSC Results 2025 on https://bse.ap.gov.in: పదో తరగతి పబ్లిక్‌ పరీక్షల ఫలితాలు ఉదయం 10 గంటలకు రిలీజ్‌ చేయనున్నారు. రాష్ట్ర వ్యాప్తంగా మార్చి 17 నుంచి ఏప్రిల్ 1వ తేదీ వరకు పదో  తరగతి పబ్లిక్‌ పరీక్షలు నిర్వహించారు. దాదాపు 6 లక్షల 49 వేల 884 మంది విద్యార్థులు హాజరవ్వగా.. ఏప్రిల్ 3 నుంచి ఏప్రిల్ 9వ తేదీ వరకు జవాబు పత్రాల మూల్యాంకనం నిర్వహించారు.

• 08:44 AM

  AP SSC Results 2025 on https://bse.ap.gov.in: 2024 పదో తరగతి పరీక్షల్లో అబ్బాయిల కంటే బాలికలే మెరుగైన ఫలితాలు సాధించారు. 89.17% బాలికలు ఉత్తీర్ణులైతే.. బాలురు 84.32% మంది ఉత్తీర్ణులయ్యారు. ఏపీ రెసిడెన్షియల్, BC వెల్ఫేర్ పాఠశాలలు 98.43 శాతంతో అత్యధిక ఉత్తీర్ణత రేటును సాధించాయి. 2,803 పాఠశాలలు 100 శాతం ఉత్తీర్ణత శాతాన్ని సాధించాయి. అయితే 17 పాఠశాలలో ఒక్కరు కూడా పాస్ కాలేదు.

• 08:37 AM

  AP SSC Results 2025 on https://bse.ap.gov.in: గతేడాది 10వ తరగతి ఫలితాలు ఏప్రిల్ 22న ప్రకటించారు. మొత్తం మీద 86.69 శాతం ఉత్తీర్ణత నమోదైంది. ఈసారి గతంలో కంటే మెరుగైన ఫలితాలు వస్తాయని అధికారులు భావిస్తున్నారు. 

• 08:19 AM

  AP SSC Results 2025 on https://bse.ap.gov.in: విద్యార్థులు 10వ తరగతి పరీక్షలలో అర్హత సాధించడానికి కనీసం 35 శాతం మార్కులు సాధించాలి. ప్రతి సబ్జెక్టులో 35 మార్కులు తెచ్చుకుంటే పాస్ అవుతారు. ఫెయిల్ అయిన విద్యార్థులకు సప్లిమెంటరీ పరీక్షలు నిర్వహిస్తారు.

• 08:11 AM

  How to Check 10th Class Results: పదో తరగతి ఫలితాలను ఇలా తెలుసుకోండి..

  ==> ముందుగా https://bse.ap.gov.in అధికారిక వెబ్‌సైట్‌ను సందర్శించండి.
  ==> SSC ఫలితాలపై క్లిక్ చేయండి.
  ==> మీ హాల్ టికెట్ నంబరును ఎంటర్ చేసి.. సబ్మిట్ బటన్‌పై క్లిక్ చేయండి.
  ==> ఏపీ 10వ తరగతి ఫలితాలు స్క్రీన్‌పై ప్రత్యక్షమవుతాయి. 
  ==> విద్యార్థులు AP SSC ఫలితాల కాపీని డౌన్‌లోడ్ చేసుకుని సేవ్ చేసుకోవాలి.

• 08:06 AM

  AP SSC Results 2025 LIVE Updates: పదో తరగతి పరీక్షలు మార్చి 17వ తేదీ నుంచి మార్చి 31వ తేదీ వరకు రాష్ట్రవ్యాప్తంగా 3,450 పరీక్షా కేంద్రాల్లో జరిగాయి. మొత్తం 6,19,275 మంది విద్యార్థులు పరీక్షలు రాశారు. వీరిలో 3,17,939 మంది అబ్బాయిలు ఉండగా.. 3,05,153 మంది అమ్మాయిలు ఉన్నారు.

• 07:58 AM

• 07:55 AM

  SSC Results 2025 on https://bse.ap.gov.in: పదో తరగతి విద్యార్థులు 95523 00009 నంబరుకు వాట్సాప్‌లో "Hi" అని మెసేజ్ పంపాలి. విద్యా సేవలు ఆప్షన్ ఎంచుకుని.. SSC పబ్లిక్ పరీక్షల ఫలితాలను ఎంచుకోవాలి. హాల్ టికెట్ నంబరు ఎంటర్ చేస్తే.. ఫలితాలు PDF రూపంలో వస్తాయి.