 "YS Sharmila: విద్యాశాఖ మంత్రిగా నారా లోకేష్ ఫెయిల్.!. టెన్త్ రీకౌంటింగ్పై వైఎస్ షర్మిల సంచలన వ్యాఖ్యలు..")
YS Sharmila fires on education minister nara Lokesh and ys jagan: ఆంధ్ర ప్రదేశ్ లో ఇటీవల టెన్త్ పేపర్ రిజల్ట్ రిలీజ్ అయ్యాయి. దీనిలో చాలా మంది ఫెయిల్ అయినట్లు తొలుత రిజల్ట్ వచ్చింది. దీంతో విద్యార్థులు రీకౌంటింగ్ లకు పెట్టుకున్నారు. దీంతో ఫెయిల్ అయిన విద్యార్థులు చాలా మంది ఫస్ట్ క్లాస్ మార్కులతో పాస్ అయ్యారు. ఈ అంశం ప్రస్తుతం ఏపీ రాజకీయాల్లో హాట్ టాపిక్ గా మారింది. ఏపీ కాంగ్రెస్ చీఫ్ వైఎస్ షర్మిల దీనిపై మండిపడింది.
10వ తరగతి పరీక్ష ఫలితాల రీ కౌంటింగ్ పై జగన్ , లోకేష్ గార్ల మధ్య వాదనలు దెయ్యాలు వేదాలు వర్ణించినట్లే ఉందని ఇద్దర్ని ఏకీపారేసింది. వైసీపీ హయంలో ప్రతి ఏటా రీ కౌంటింగ్ లో ఫెయిల్ అయిన విద్యార్థుల్లో.. 20 శాతం మంది తిరిగి అధిక మార్కులతో పాస్ అయ్యారని షర్మిల గుర్తు చేసింది.
మరోవైపు ఇప్పుడు కూటమి ప్రభుత్వంలో దరఖాస్తు చేసుకున్న 30 వేల మందిలో 11 వేల మందికి తిరిగి ఫస్ట్ క్లాస్ మార్కులు వచ్చాయంటే, పేపర్ల మూల్యాంకనంపై ఎంత చిత్తశుద్ధి ఉందో క్లియర్ గా అర్థం అవుతుందని షర్మిల మండిపడ్డారు.
ఉపాధ్యాయులు, విద్యార్థుల జీవితాలతో ఆడుకుంటున్నారని చెప్పడానికి ఇంతకన్నా.. మరో నిదర్శనం కావాలా..?.. అంటూ వైఎస్ షర్మిలా సీరియస్ అయ్యారు. ఫలితాల్లో పారదర్శకత లేదని స్పష్టం అయ్యిందని తీవ్ర స్థాయిలో ధ్వజమెత్తింది. వాస్తవానికి ఫెయిల్ అయ్యింది విద్యార్థులు కాదు..
పేపర్లు సరిగ్గా దిద్దలేని వైసీపీ, కూటమి ప్రభుత్వాలే రాష్ట్రంలో గత 10 ఏళ్లుగా ఫెయిల్ అవుతునే ఉన్నాయని షర్మిల తీవ్రమైన ఆరోపణలు చేశారు. పిల్లల భవిష్యత్ ను నిర్ణయించడంలో ఫెయిల్ అయిన వీళ్ళు రాష్ట్రాన్ని ఏం ఉద్ధరిస్తారని.. చదువులతో చెలగాటం, అమాయకుల ప్రాణాలతో ఆటలు ఆడుకుంటున్నారని షర్మిల ఎద్దేవా చేశారు. ధనదాహం మీద ఉన్న శ్రద్ధ.. విద్యావ్యవస్థను ఉద్ధరించడం మీద లేదని షర్మిల అన్నారు.
30 వేల మంది విద్యార్థులకు సంబంధించి.. 60 వేల పేపర్ల రీ కౌంటింగ్ కు వస్తే అందులో 11 వేల మందికి అత్యున్నత మార్కులు వచ్చాయంటే పూర్తిగా మీ ప్రభుత్వ వైఫల్యమే అంటూ షర్మిల తీవ్రమైన ఆరోపణలు చేశారు.
దీన్ని బట్టి చూస్తే.. విద్యాశాఖ మంత్రిగా లోకేష్ గారు ఫెయిల్ అయినట్లేనంటూ ఏపీ కాంగ్రెస్ చీఫ్ షర్మిల తీవ్రస్థాయిలో ధ్వజమెత్తారు. దీనిపై వెంటనే విచారణ చేయాలని, పరీక్ష రాసిన ప్రతి విద్యార్థి పేపర్ మళ్ళీ రీ వెరిఫికేషన్ ఉచితంగా అందజేయాలని కూడా కాంగ్రెస్ పార్టీ తరపున డిమాండ్ చేస్తున్నట్లు వైఎస్ షర్మిల పేర్కొన్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండిTwitter, Facebook
)