Tim Cook: కుక్ మావా నువ్వు మాములోడివి కాదు.. ట్రంప్‎ను పక్కన పడేసి ఇండియాతో దోస్తీ.. అట్లుంటది మనతోని..!!

Apple CEO Tim Cook confirms: అమెరికా అధ్యక్షుడు డొనాల్ట్ ట్రంప్ నకు తిక్కరేగే విషయాన్ని చెప్పారు యాపిల్ సీఈఓ టిమ్ కుక్. భారత్ లో ఐఫోన్ల తయారీ చేపట్టడంపై ట్రంప్ తన అసహనం వ్యక్తం చేశారు. ట్రంప్ వ్యాఖ్యలను కుక్ ఏమాత్రం పట్టించుకోలేదు. అమెరికాలో ఈ ఏడాది రెండో త్రైమాసికంలో అమ్ముడుపోయిన ఐఫోన్లలో మెజార్టీ ఫోన్లు భారత్ లో తయారైనవేనని తెలిపారు. ఇక ముందు కూడా యాపిల్ తయారీ భారత్ లోనే కొనసాగుతుందని కుక్ స్పష్టం చేశారు. యాపిల్ త్రైమాసిక ఫలితాల తర్వాత ఈ విషయాన్ని వెల్లడించారు కుక్. 

భారత్ లో ఐఫోన్ల తయారీ చేపట్టేందుకు అమెరికా అధ్యక్షుడు ట్రంప్ తప్పుబట్టిన విషయం తెలిసిందే. మే నెలలో దోహా పర్యటన సందర్భంగా తన మనసులోని మాటను ట్రంప్ బయటపెట్టారు. భారత్ లో తయారీ చేపట్టడం తనకే మాత్రం ఇష్టం లేదంటూ టిమ్ కుక్ సమక్షంలోనే తెలిపారు. మరోవైపు ట్రేడ్ డీల్ విషయంలో గుర్రుగా ఉన్న అమెరికా అధ్యక్షుడు ..భారత్ పై 25శాతం సుంకాలను విధించారు. అయితే అందులో స్మార్ట్ ఫోన్లు, కంప్యూటర్లు, ఎలక్ట్రానిక్ పరికరాలకు మినహాయింపు ఇచ్చారు. దీంతో ప్రస్తుతానికి ఐఫోన్లపై టారిఫ్ ఎఫెక్ట్ లేదనే చెప్పాలి. అయితే రానున్న కాలంలో పరిస్థితి ఇలాగే ఉంటుందని కచ్చితంగా చెప్పలేమని విశ్లేషకులు చెబుతున్నారు. 

Also Read:  Golden States: గోల్డెన్ స్టేట్స్ లో ఇల్లు కొనడం అంత ఈజీ కాదు బాస్.. ఆస్తులన్నీ అమ్మినా.. జీవితాంతం సంపాదించినా సరిపోదు..!!   

యాపిల్ రెండో త్రైమాసిక ఫలితాలు వెల్లడి సందర్బంగా టిమ్ కుక్ మాట్లాడారు. గత త్రైమాసికంలో కొనసాగిన వైఖరే రానున్న కాలంలో కొనసాగుతుందని స్పష్టం చేశారు. అమెరికాలో విక్రయించే ఫోన్లు దాదాపుగా మేడిన్ భారత్ కు చెందినవే. అమెరికాలో వినియోగించే ఇతర యాపిల్ ఉత్పత్తులైన మ్యాక్ బుక్స్, ఐప్యాడ్స్, యాపిల్ వాచులను వియత్నాంలో తయారు చేస్తున్నాము. ఇతర దేశాలకు చైనా నుంచి ఎగుమతి చేస్తున్నామని కుక్ వివరించారు. 

Also Read: TCS Layoffs: TCSలో 12,000 మంది ఉద్యోగుల తొలగింపు రియల్ ఎస్టేట్ రంగాన్ని ఎలా ప్రభావితం చేస్తుంది?   

తయారీ పరంగానే కాదు..ఆదాయం పరంగానూ యాపిల్ కు భారత్ కలిసి వచ్చింది. ఐఫోన్ల విక్రయం ద్వారా భారత్ లో రికార్డు రెవెన్యూ వచ్చిందని కుక్ తెలిపారు. భారత్, పశ్చిమాసియా, దక్షిణాసియా, బ్రెజిల్ లో రెండెంకెల వృద్ధి నమోదు చేసినట్లు వెల్లడించారు. ప్రపంచవ్యాప్తంగా సగటున పదిశాతం వృద్ధి నమోదు అయ్యిందని పేర్కొన్నారు. అంతేకాదు భారత్ లో రిటైల్ విక్రయాలు పెంచడానికి మరిన్ని ఫిజికల్ స్టోర్లు తెరవనున్నట్లు నిపుణుల కాల్లో టిమ్ కుక్ వివరించారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి