Gold Rate Today: పసిడి ముట్టుకుంటే షాక్ తగలడం ఖాయం..ఏప్రిల్ 23, బుధవారం ధరలు ఇవే

Gold Rate Today:  బంగారం ధర ఏప్రిల్ 23 బుధవారం రాకెట్ కన్న వేగంగా దూసుకెళ్లింది అని చెప్పవచ్చు. 24 క్యారెట్ల 10 గ్రాముల బంగారం ధర రూ. 1,01,360 పలికింది. 22 క్యారెట్ల 10 గ్రాముల బంగారం ధర రూ. 92910  పలికింది. ఒక కేజీ వెండి ధర రూ.1,10,900 పలికింది.  బంగారం ధరలు గత నెల రోజులుగా భారీగా పెరుగుతున్నాయి.  ఏప్రిల్ ఒకటో తేదీ నుంచి చూసినట్లయితే బంగారం ధర దాదాపు 12 వేల రూపాయలు పెరిగింది.  ఈనెల ప్రారంభంలో బంగారం ధర 89 వేల రూపాయల వద్ద ఉంది.  అక్కడ నుంచి అత్యంత వేగంతో పసిడి ధర లక్ష రూపాయలు దాటి ముందుకు దూసుకెళ్లింది.  బంగారం ధర భారీగా పెరుగుతున్న నేపథ్యంలో  పసిడిప్రియలు బంగారం కొనుగోలు చేయాలంటే భయపడే పరిస్థితి ఏర్పడింది.  అటు అంతర్జాతీయంగా చూసినప్పటికీ కూడా బంగారం ధర భారీగా పెరుగుతోంది. ఒక ఔన్స్  బంగారం ధర 3375 డాలర్ల వద్ద ట్రేడ్ అవుతోంది. 

బంగారం ధరలు పెరగడానికి ప్రధానంగా అమెరికాలో నెలకొన్నటువంటి ఆర్థిక మాంధ్యం భయాలు  ప్రధానంగా చెప్పవచ్చు. దీనికి తోడు డాలర్ విలువ పతనం అవడం కూడా బంగారం వైపు  పెట్టుబడులు పెంచడానికి దోహదపడుతుంది అని చెప్పవచ్చు.  ముఖ్యంగా స్టాక్ మార్కెట్లో గడచిన కొంతకాలంగా భారీగా పతనం నమోదైన నేపథ్యంలో ఇన్వెస్టర్లు తమ పెట్టుబడులను సురక్షితంగా ఉంచుకునేందుకు బంగారంలో పెద్ద ఎత్తున పెట్టుబడి పెడుతున్నారు.  ఇప్పటికే బంగారం ఈటీఎఫ్ స్కీం లలో రికార్డు స్థాయిలో  పెట్టుబడులు నమోదు అయినట్లు సమాచారం అందుతోంది.  

Also Read: Gold Rate: వామ్మో.. వాయ్యో.. లక్ష మార్క్‌ను టచ్‌ చేసిన బంగారం.. ధర ఇంకా పెరుగుతుందా?  

బంగారం ధరలు భారీగా పెరిగిన నేపథ్యంలో అటు రిటైల్ మార్కెట్లో బంగారు ఆభరణాల ధరలు కూడా భారీగా పెరిగాయి.  22 క్యారెట్ల ఆర్నమెంట్ బంగారం సైతం దాదాపు 93 వేల రూపాయలు ఉండటంతో  బంగారు ఆభరణాలు కొనుగోలు చేయడం అనేది ఖరీదైన వ్యవహారంగా మారిపోయింది.  సామాన్యులకు బంగారం అందనంత ఎత్తుకు చేరుకుంది.  ప్రస్తుతం ఒక తులం బంగారు ఆభరణం కొనుగోలు చేయాలి అంటే జిఎస్టి మేకింగ్ చార్జీలు అన్నీ కలుపుకొని 1,10,000 రూపాయలు అయ్యే అవకాశం కనిపిస్తోంది.  బంగారం ధరలు గడచిన ఏడాది కాలంగా పెరుగుతున్నప్పటికీ గత నెల రోజుల వ్యవధిలోనే భారీగా పెరిగాయి.  అయితే భవిష్యత్తులో బంగారం ధరలు తగ్గుతాయా లేక పెరుగుతాయా అనే సందేహం చాలా మందిలో కలుగుతోంది.  ప్రస్తుతం ఉన్నటువంటి అంతర్జాతీ వాణిజ్య ఉద్రిక్త పరిస్థితులు  చల్లబడినట్లైతే  బంగారం ధరలు  స్వల్ప రిలీఫ్ ఇచ్చే అవకాశం ఉందని నిపుణులు అంచనా వేస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.