Gold Rate Today: భారీగా తగ్గిన బంగారం ధర.. అక్షయ తృతీయ ముందు ఊరిస్తున్న పసిడి.. ఏప్రిల్ 26, శనివారం ఎంత తగ్గింది అంటే?

Gold Rate Today: బంగారం ధరలు ఏప్రిల్ 26వ తేదీ శనివారం భారీగా తగ్గాయి. నిన్నటితో పోల్చి చూసినట్లయితే బంగారం ధర భారీగా తగ్గుముఖం పట్టినట్లు గమనించవచ్చు. 24 క్యారెట్ల 10 గ్రాముల బంగారం ధర నేడు రూ. 98090  పలికింది. 22 క్యారెట్ల 10 గ్రాముల బంగారం ధర రూ. 90450  గా ఉంది.  ఒక కేజీ వెండి ధర రూ. 99248గా ఉంది. 

బంగారం ధరలు తగ్గడానికి ప్రధానంగా అంతర్జాతీయంగా ఉన్నటువంటి పరిస్థితులు ఒక ప్రధాన కారణంగా చెప్పవచ్చు.  అమెరికాలోని కామెక్స్  కమోడిటీ  ఎక్స్చేంజిలో మార్కెట్లో బంగారం ధర ఒక ట్రాయ్ ఔన్స్ ధర 3250 డాలర్ల వద్ద ఉంది. బంగారం ధర తగ్గడానికి ప్రధానంగా, అమెరికా అధ్యక్షుడు డోనాల్డ్ ట్రంప్  చైనాతో వాణిజ్య యుద్ధానికి  తెరదించేందుకు చర్చలు జరుపుతానని ప్రకటించారు.  

అలాగే చైనా సైతం అమెరికాపై విధించిన 125% సుంకాల పైన పునరాలోచన చేస్తానని ప్రకటించింది.  ఈ నేపథ్యంలో  బంగారం ధరలు భారీగా తగ్గుతున్నాయి.  పసిడి ధరలు తగ్గడానికి మరో ప్రధాన కారణం స్టాక్ మార్కెట్లలో ఇన్వెస్టర్లు పెట్టుబడులు పెంచడం కూడా ఒక కారణం అని చెప్పవచ్చు.  ఇన్వెస్టర్లు స్టాక్ మార్కెట్లో డబ్బులు పెట్టే కొద్దీ బంగారం డిమాండ్ తగ్గుతుంది.  

ఎందుకంటే స్టాక్ మార్కెట్లో డబ్బులు పెట్టడానికి ఇన్వెస్టర్లు బంగారంలో నుంచి డబ్బును స్టాక్ మార్కెట్ వైపు తరలించాల్సి ఉంటుంది.  దీంతో బంగారం డిమాండ్ తగ్గి ధరలు తగ్గుతాయి.  ఇలా ఉంటే బంగారం ధరలు భవిష్యత్తులో మరింత తగ్గుతాయా లేక పెరుగుతాయా అనే సందేహం చాలా మందికి కలుగుతుంది.  ముఖ్యంగా బంగారు ఆభరణాలు కనుగొని చేసే పసిడి ప్రియులు బంగారం ధరలు తగ్గాలని ఆశిస్తున్నారు.  బంగారం ధరలు భారీగా పెరిగిన నేపథ్యంలో బంగారు ఆభరణాలు కొనుగోలు చేయాలంటే కష్టమైన పనిగా మారిపోయింది.  

Also Read: BLA Attack Video: పాకిస్తాన్‌కు బిగ్ షాక్.. 10 మంది సైనికులు హతం, ఉక్కిరిబిక్కిరి అవుతున్న దాయాది లైవ్‌ వీడియో విడుదల..  

24 క్యారెట్ల 10 గ్రాముల బంగారం ధర ఏకంగా ఒక లక్ష రూపాయల సమీపానికి చేరుకోవడంతో ఈ అక్షయ తృతీయ కు బంగారం కొనుగోలు చేయాలంటే  జేబు పై భారం భారీగా పెరిగింది అని చెప్పవచ్చు.  గత సంవత్సరం అక్షయ తృతీయకు బంగారం ధర 70 వేల రూపాయల సమీపంలో ఉంది ఈ అక్షయ తృతీయ నాటికి బంగారం ధర లక్ష రూపాయల సమీపానికి చేరుకుంది అంటే దాదాపు 30 వేల రూపాయలు బంగారం ధర పెరిగింది.  

బంగారం ధరలు భారీగా పెరిగిన నేపథ్యంలో పసిడి ప్రియులు బంగారం కొనుగోలు చేసే సమయంలో తక్కువ బరువున్న బంగారు ఆభరణాలను కొనుగోలు చేస్తున్నారని దుకాణదారులు చెబుతున్నారు.

Also Read: Pahalgam Attack: సింధులో భారతీయుల రక్తం పారిస్తాం.. ! భారత్ పై బిలావల్ భుట్టో పిచ్చి వాగుడు

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.