Sajjan Jindal: టాటా.. మిట్టల్‎ను వెనక్కు నెట్టిన జిందాల్ .. ప్రపంచంలోనే అత్యంత విలువైన ఉక్కు కంపెనీగా అవతరించిన JSW స్టీల్

JSW Steel creates history: సజ్జన్ జిందాల్ నేతృత్వంలోని జెఎస్‌డబ్ల్యు స్టీల్ ప్రపంచంలోనే అత్యంత విలువైన ఉక్కు కంపెనీగా అవతరించింది. మంగళవారం, దాని షేరు ధర BSEలో రికార్డు స్థాయిలో రూ. 1,074.15కి చేరుకుంది. దీనితో, కంపెనీ మార్కెట్ క్యాప్ 30 బిలియన్ డాలర్లను దాటింది. గత ఒక నెలలో ఈ స్టాక్ దాదాపు 11శాతం గత ఒక వారంలో 4శాతం కంటే ఎక్కువ లాభపడింది. అమెరికాకు చెందిన నూకోర్ కార్ప్‌ను ఓడించడం ద్వారా జెఎస్‌డబ్ల్యు స్టీల్ ప్రపంచంలోనే అత్యంత విలువైన ఉక్కు కంపెనీగా అవతరించింది. నూకోర్ కార్ప్ మార్కెట్ క్యాప్ $29.92 బిలియన్లు. యూరప్‌కు చెందిన ఆర్సెలర్ మిట్టల్, జపాన్‌కు చెందిన నిప్పాన్ స్టీల్ కార్ప్, చైనాకు చెందిన బావోషన్ ఐరన్ వంటి ప్రధాన ఉక్కు కంపెనీల మార్కెట్ క్యాప్‌లు $21 బిలియన్ల నుండి $27 బిలియన్ల మధ్య ఉన్నాయి.

Add Zee News as a Preferred Source

టాటా స్టీల్, జిందాల్ స్టీల్ & పవర్, స్టీల్ అథారిటీ ఆఫ్ ఇండియా (SAIL) వంటి ఇతర భారతీయ కంపెనీల కంటే JSW స్టీల్ విలువ ఎక్కువ. టాటా స్టీల్ భారతదేశంలో రెండవ, ప్రపంచంలో ఐదవ అత్యంత విలువైన ఉక్కు కంపెనీగా ఉంది. దీని మార్కెట్ క్యాప్ సుమారు $23.09 బిలియన్లు. జిందాల్ స్టీల్ మార్కెట్ క్యాప్ $10.81 బిలియన్లు కాగా, ప్రభుత్వ యాజమాన్యంలోని SAIL మార్కెట్ క్యాప్ $5.5 బిలియన్లు. గత వారం రోజుల్లో టాటా స్టీల్, సెయిల్ షేర్లు 1 నుంచి 5శాతం వరకు పెరిగాయి. జిందాల్ స్టీల్, పవర్ షేర్లు పడిపోయాయి.

Also Read: EPFO Rules: ఈపీఎఫ్ ఉద్యోగులకు గుడ్ న్యూస్...జూన్ నుంచి యూపీఐ, ఏటీఎం ద్వారా పీఎఫ్ విత్ డ్రా

కొంతకాలం క్రితం, చౌకైన ఉక్కు దిగుమతిని ఆపడానికి ప్రభుత్వం కొన్ని చర్యలు తీసుకుంటుందని తెలిపింది. దీని వల్ల భారతీయ ఉక్కు కంపెనీలు లాభపడ్డాయి. JSW స్టీల్ మా ఎంపిక అని ఇన్వెస్టెక్ విశ్లేషకుడు రితేష్ షా అన్నారు. కంపెనీ స్థిరంగా మంచి వృద్ధిని కనబరుస్తోందని.. EBITDA కూడా బాగుందని తెలిపారు. దీని 52 వారాల గరిష్ట ధర రూ. 1,074.15 అత్యల్ప ధర రూ. 815.70. బుధవారం నాడు కంపెనీ షేర్లు ఫ్లాట్‌గా ట్రేడవుతున్నాయి. ఉదయం 11 గంటలకు, ఇది 0.03% తగ్గి రూ.1061.50 వద్ద ఉంది.

Also Read: Money: 60ఏళ్లు దాటిన వారిని ఈ ప్లాన్‌లో చేర్చండి.. 5 వేల పెన్షన్ వస్తుంది

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి

About the Author

Bhoomi

మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు.