Kia: కియా తన 3 ఎలక్ట్రిక్ కార్లను భారతదేశంలో విడుదల చేయబోతోంది. కంపెనీ EV విభాగంలో తన పట్టును బలోపేతం చేసుకోవాలనుకుంటోంది. కంపెనీ రాబోయే కొద్ది రోజుల్లో ఫేస్లిఫ్టెడ్ EV6 ను మొదట విడుదల చేయనుంది. మిగిలిన రెండు మోడళ్లు రాబోయే 12 నుండి 18 నెలల్లో ఇండియాలో లాంచ్ అవుతాయని భావిస్తున్నారు. కియా కార్లు డిజైన్ పరంగా అంతగా ఆకట్టుకోవడం లేదు. మీరు కూడా కియా EV కొనాలని ఆలోచిస్తుంటే పూర్తి వివరాలు తెలుసుకోండి.
కియా సైరోస్ EV:
పరిధి: 450 కి.మీ (అంచనా)
భారత్ లో కియా తన ప్రస్తుత SUV సైరోస్ ఎలక్ట్రిక్ వెర్షన్ను తీసుకువస్తోంది. కంపెనీ దాని డిజైన్, ఇంటీరియర్లో పెద్దగా మార్పులు చేయదు. డిజైన్ పరంగా, సైరోస్ కంపెనీ అత్యంత చెత్తగా కనిపించే కారు. ఈ కారు పరిధి 450 కిలోమీటర్ల వరకు వెళ్లగలదు. భారత్ లో ఇది టాటా పంచ్ EV, నెక్సాన్ EV లతో పోటీ పడనుంది. సేఫ్టీకోసం ఇందులో 6 ఎయిర్బ్యాగులు, యాంటీ-లాక్ బ్రేకింగ్ సిస్టమ్ EBD సౌకర్యం ఉంటుంది. సైరోస్ EV ధర దాదాపు రూ. 10 లక్షలు ఉండవచ్చు.
కియా EV6:
పరిధి: 650 కి.మీ (అంచనా)
కియా ఈ నెలలో భారత్ లో తన లగ్జరీ ఎలక్ట్రిక్ కారు EV6 ఫేస్లిఫ్ట్ వెర్షన్ను విడుదల చేయవచ్చు. ఇందులో అనేక కొత్త మార్పులను చూడవచ్చు. కొత్త EV6 84 kWh బ్యాటరీ ప్యాక్తో అమర్చి ఉంది. ఇది 650 కిలోమీటర్ల కంటే ఎక్కువ పరిధిని అందిస్తుంది. ఈ కారు అంచనా ధర రూ. 63 లక్షల (ఎక్స్-షోరూమ్) నుండి ప్రారంభమవుతుంది. ఈ కారులో కొత్త LED హెడ్లైట్లు, అల్లాయ్ వీల్స్ ఉంటాయి. దీని లోపలి భాగంలో రెండు-స్పోక్ స్టీరింగ్ వీల్ అప్ డేట్ చేసిన సెంటర్ కన్సోల్ ఉన్నాయి. కొత్త EV6 ప్రీమియం కారుగా వస్తుంది కానీ అది వస్తున్న ధర వద్ద, BYD, BMW, వోల్వోలకు మెరుగైన ఎంపికలు ఉన్నాయి.
Also Read: TDS Rules: సీనియర్ సిటిజన్స్కు కేంద్రం గుడ్ న్యూస్.. డబ్బులు ఆదా చేసుకునే ఛాన్స్
కియా కారెన్స్ EV:
పరిధి: 500 కి.మీ (అంచనా)
ఈ ఏడాది కొత్త Carens EV కూడా లాంచ్ కావచ్చని భావిస్తున్నారు. కొత్త Kia Carens EV పరీక్ష సమయంలో చాలాసార్లు కనిపించింది. పెట్రోల్ మోడల్తో పోలిస్తే దీని డిజైన్లో చాలా మార్పులు ఉంటాయి. అందులో పెద్ద బ్యాటరీ ప్యాక్ కనుగొనవచ్చు. ఇది ఒక్కసారి ఛార్జ్ చేస్తే 500 కిలోమీటర్ల వరకు ప్రయాణించగలదని భావిస్తున్నారు. ఇది DC ఫాస్ట్ ఛార్జింగ్కు కూడా మద్దతు ఇస్తుంది. భద్రత కోసం, కొత్త Carens EV లెవల్ 2 ADAS, యాంటీ లాక్ బ్రేకింగ్ సిస్టమ్ EBD, 6 ఎయిర్బ్యాగ్లు, బ్రేక్ అసిస్ట్, EPS, 3 పాయింట్ సీట్ బెల్ట్లను పొందుతుంది. దీని ధర దాదాపు 20 లక్షలు ఉండవచ్చు.కియా ఎలక్ట్రిక్ కార్లు టాటా, మహీంద్రా ఎలక్ట్రిక్ కార్లతో పోటీ పడతాయి.
Also Read: Swiggy Shares: దెబ్బకు పడిపోయిన స్విగ్గీ స్టాక్స్.. వేల కోట్లు హాంఫట్.. పెట్టుబడి పెట్టవచ్చా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
Bhoomi
మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు.
...Read More
