Railways Fare Hike: జూలై 1, 2025 నుండి రైలు టికెట్ ధరల్లో భారీ మార్పులు, రైల్వే ప్రయాణికులు తెలుసుకోవలసిన ముఖ్యమైన విషయాలు ఇవే..!!

Railways Fare Hike: జూలై 1వ తేదీ నుంచి రైల్వే ప్రయాణికులు మారుతున్న నిబంధనలను గుర్తించాల్సి ఉంటుంది. నెల మార్పుతోనే కొత్త నిబంధనలు అమల్లోకి వస్తున్నాయి. ముఖ్యంగా రైలు టికెట్ ధరలు మార్పుల విషయంలో కేంద్ర ప్రభుత్వం కీలక నిర్ణయం తీసుకుంది. రైల్వే ఆదాయం నష్టాన్ని తగ్గించడమే లక్ష్యంగా చేసుకొని కేంద్ర ప్రభుత్వం పలు కీలకమైన నిర్ణయాలు తీసుకుంది. అటువంటి నిర్ణయాల గురించి ఇప్పుడు మనం తెలుసుకుందాం ముఖ్యంగా ప్రస్తుతం జూలై ఒకటో తేదీ నుంచి అమల్లోకి రానున్నటువంటి టికెట్ ధరలు మార్పుల గురించి తెలుసుకుందాం. 

>> సబర్బన్ ట్రైన్లు ధరలు ఎలాంటి మార్పులు లేవని సర్క్యులర్ లో తెలిపింది. అంటే లోకల్ ప్యాసింజర్ ట్రైన్ల ధరల్లో ఎలాంటి మార్పులు ఉండవు. 

>> సబ్‌ర్బన్, నాన్-సబ్‌ర్బన్ సీజన్ టికెట్ల ధరల్లో ఎలాంటి మార్పుల్లేవు, అంటే ప్రస్తుతం అమల్లో ఉన్న రైల్వే మంత్లీ, క్వార్టర్లీ పాసులకు ఎలాంటి ధర పెంపు లేదని గుర్తించాలి. 

>>  నాన్ AC జనరల్ టికెట్ ధరలు పెంచుతూ నిర్ణయం తీసుకున్నారు. జనరల్, స్లీపర్ క్లాస్, ప్రతి కిలోమీటర్‌కు 0.5 పైసల మేర పెంపు దల చేస్తూ కేంద్రం నిర్ణయం తీసుకుంది. అయితే 500 కిలోమీటర్ల వరకు పెంపు లేదని గమనించాలి.

>> 501–1500 కి.మీ మధ్య 5 రూపాయలు, 1501–2500 కి.మీకు 10 రూపాయలు , 2501–3000 కిలో మీటరుకు రూ.15 పెంపు ఉంటుంది.

Also Read: IAS Salary 2025: మినిస్టర్ శాలరీ కంటే IAS ఆఫీసర్ జీతం ఎక్కువా? ఇతర అలవెన్సెస్ ఎలా ఉంటాయ్? 

మెయిల్/ఎక్స్‌ప్రెస్ ట్రైన్లు ధరల్లో మార్పులు ఇవే..

>> జనరల్ క్లాస్, స్లీపర్ క్లాస్ – ప్రతి కిలోమీటర్‌కు 1 పైసా పెంపు.

>>  AC చెయిర్ కార్, 3 టియర్, 2 టియర్, ఫస్ట్ క్లాస్ – ప్రతి కిలోమీటర్‌కు 2 పైసల మేర పెంపు.

ఇతర నిబంధనల్లో మార్పులు ఇవే..

>> ఇకపై 8 గంటల ముందు రైల్వే రిజర్వేషన్ చార్ట్ సిద్ధం అవుతుంది.

>> ఇకపై తత్కాల్ టికెట్లను ఐఆర్సీటీసీ ద్వారా బుక్ చేసుకోవాలి అంటే ఆధార్ ఆథంటిఫికేషన్ తప్పనిసరి చేశారు. 

>> తత్కాల్ బుకింగ్ విండో ఓపెన్ అయ్యాక మొదటి 30 నిమిషాలపాటు ఏజెంట్లకు బుకింగ్ నిషేధం విధిస్తు నిర్ణయం తీసుకున్నారు. 

సామాన్య ప్రయాణికులకు ఎక్కువగా టికెట్లు లభించే విధంగా రైల్వే శాఖ నిర్ణయం తీసుకుంది. ఈ మార్పులన్నీ కూడా జూలై 1వ తేదీ నుంచి అమల్లోకి రానున్నాయి. ముఖ్యంగా రిజర్వేషన్ ఎగైనెస్ట్ గా కన్ఫర్మేషన్ ఆర్ఎసి టికెట్లపై రైల్వే శాఖ ఎక్కువగా ఫోకస్ పెట్టి సామాన్యులకు టికెటింగ్ లభించేలా జాగ్రత్తగా చర్యలు తీసుకుంటుంది.

Also Read: Gig Workers: గిగ్ కార్మికుల కోసం చట్టాన్ని ప్రవేశపెట్టిన మూడో రాష్ట్రంగా తెలంగాణ రికార్డు.. లక్షల మందికి బెనిఫిట్..!!   

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook