 "SBI: సీనియర్ సిటిజన్లకు ఎస్బీఐ స్పెషల్ స్కీమ్.. మీ డబ్బు సురక్షితంగా ఉంటుంది..!")
SBI We Care: సీనియర్ సిటిజన్లు స్టేట్ బ్యాంక్ ఆఫ్ ఇండియా గుడ్ న్యూస్ చెప్పింది. వారి కోసం సరికొత్త స్కీమును అందుబాటులోకి తీసుకువచ్చింది. దాని పేరు SBI WeCare డిపాజిట్ స్కీమ్. ఈ స్కీము ద్వారా 60ఏళ్ల పై బడిన వారికి వర్తిస్తుంది. SBI పథకం సాధారణ డిపాజిట్ల కంటే స్థిర డిపాజిట్లపై (FD) ఎక్కువ వడ్డీ రేటును అందిస్తుంది. బ్యాంక్ ప్రకారం, ఈ స్కీము మార్చి 31, 2024 వరకు పెట్టుబడికి అందుబాటులో ఉంటుంది. తమ డబ్బును సురక్షితంగా ఉంచుకోవాలనుకునేవారు, మంచి రాబడిని సంపాదించాలనుకునే సీనియర్ సిటిజన్లకు ఇది బెస్ట్ ఆప్షన్ అని చెప్పవచ్చు.
ఈ స్కీము ఎలాంటి రిస్క్ లేని పెట్టుబడులను కోరుకునే సీనియర్ సిటిజన్ల కోసం ప్రత్యేకంగా రూపొందించింది. ఈ పథకాన్ని ప్రభుత్వ బ్యాంకు అందిస్తోంది కాబట్టి. కాబట్టి ఈ పథకం పూర్తిగా సురక్షితం. ఈ పథకం కింద అందించే వడ్డీ రేట్లు సాధారణ FD కంటే 0.50శాతం ఎక్కువగా ఉంటుంది. అంటే, SBI సాధారణ FDపై 6.50శాతం వడ్డీ ఇస్తుంటే, సీనియర్ సిటిజన్లకు ఈ పథకంలో 7శాతం వడ్డీ లభిస్తుంది. పెట్టుబడిదారులు 1 సంవత్సరం నుండి 10 సంవత్సరాల వరకు కాలాన్ని ఎంచుకోవచ్చు. ఇది వారి భవిష్యత్తు అవసరాలకు అనుగుణంగా ప్లాన్ చేసుకోవడం సులభం చేస్తుంది.
ఎలా పెట్టుబడి పెట్టాలి?
ఈ పథకంలో పెట్టుబడి పెట్టడానికి, సీనియర్ సిటిజన్ వయస్సు 60 సంవత్సరాలు లేదా అంతకంటే ఎక్కువ ఉండాలి. ఆసక్తి ఉన్న ఎవరైనా SBI బ్రాంచ్ను సందర్శించడం ద్వారా లేదా ఆన్లైన్ బ్యాంకింగ్ ద్వారా ఇందులో ఇన్వెస్ట్ చేయవచ్చు. ఇందు కోసం వయస్సు ధృవీకరణ పత్రం, ఆధార్ కార్డు లేదా పాన్ కార్డ్, అడ్రస్ ప్రూఫ్ వంటి పత్రాలను సమర్పించాల్సి ఉంటుంది.
ఈ పథకం ప్రయోజనాలు:
అధిక వడ్డీ రేట్లు: సీనియర్ సిటిజన్లు సాధారణ FDల కంటే ఎక్కువ వడ్డీని పొందుతారు.
పెట్టుబడి కాలం: 1 సంవత్సరం నుండి 10 సంవత్సరాల వరకు కాలాన్ని ఎంచుకునే అవకాశం ఉంటుంది.
త్రైమాసిక వడ్డీ చెల్లింపు: పెట్టుబడిదారుడికి ప్రతి మూడు నెలలకు వడ్డీ అవసరమైతే, ఈ సౌకర్యం కూడా అందుబాటులో ఉంది.
సురక్షితమైనది, నమ్మదగినది : ఇది SBI ప్లాన్ కాబట్టి, మీ డబ్బు పూర్తిగా సురక్షితం. అలాగే, డిపాజిట్ ఇన్సూరెన్స్ అండ్ క్రెడిట్ గ్యారెంటీ కార్పొరేషన్ (DICGC) రూ. 5 లక్షల వరకు డిపాజిట్ మొత్తానికి హామీని అందిస్తుంది.
రిటైర్మెంట్ తర్వాత కూడా క్రమం తప్పకుండా ఆదాయం పొందాలనుకునే సీనియర్ సిటిజన్లకు SBI WeCare డిపాజిట్ ఒక అద్భుతమైన ఆప్షన్ అని చెప్పవచ్చు. ఇది అధిక వడ్డీ రేట్లు, సురక్షితమైన పెట్టుబడి, దరఖాస్తు చేసుకోవడానికి సులభమైన ప్రక్రియను కలిగి ఉంది. మీరు లేదా మీ కుటుంబంలో ఎవరైనా సీనియర్ సిటిజన్ అయితే ఈ స్కీము వారికి ఎంతో ప్రయోజనకరంగా ఉంటుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)