New Suzuki Access: TVS జూపిటర్ 125, హోండా యాక్టివా 125 లకు గట్టి పోటీని ఇవ్వడానికి, సుజుకి మోటార్ సైకిల్, స్కూటర్ దాని అత్యంత ప్రజాదరణ పొందిన స్కూటర్ సుజుకి యాక్సెస్‌ను అప్ డేట్ చేసి తాజాగా మార్కెట్లో విడుదల చేసింది. సుజుకి నుండి వచ్చిన ఈ యాక్సెస్ దాని విభాగంలో అత్యంత శక్తివంతమైన స్కూటర్. ఇప్పుడు దానికి కొత్త ఫీచర్లు జోడించింది. కొత్త యాక్సెస్‌లో కంపెనీ TFT డిస్ప్లేతో పాటు కొత్త రంగులను చేర్చింది. మీరు కూడా ఈ శక్తివంతమైన స్కూటర్ కొనాలని ఆలోచిస్తుంటే, ఈ స్కూటర్ ధర, ఫీచర్లు గురించి తెలుసుకోండి.
సుజుకి కొత్త యాక్సెస్‌లో రైడ్ కనెక్ట్‌తో కూడిన పూర్తి డిజిటల్ ఇన్‌స్ట్రుమెంట్ క్లస్టర్‌లో 4.2-అంగుళాల కలర్ థిన్-ఫిల్మ్ ట్రాన్సిస్టర్ (TFT) డిస్‌ప్లేను అందించింది. ఇది రైడర్‌కు శుభ్రమైన, మెరుగైన లేఅవుట్‌ను ఇస్తుంది. ఇది రైడర్‌కు అవసరమైన సమాచారాన్ని అందిస్తుంది. దీనిలో బ్లూటూత్ కనెక్టివిటీ అందించింది. ఇది పగలు లేదా రాత్రి అనే తేడా లేకుండా ఏ పరిస్థితిలోనైనా సమాచారం సులభంగా కనిపించే డిస్ప్లే లో వేగం, ఇంధనం , నావిగేషన్ గురించి సమాచారం ఈ డిస్ప్లేలో అందుబాటులో ఉంది.
అప్ డేట్ చేసిన సుజుకి యాక్సెస్ రైడ్ కనెక్ట్ టీఎఫ్టీ ఎడిషన్ 124cc ఎయిర్-కూల్డ్, సింగిల్-సిలిండర్ ఇంజిన్‌తో వస్తుంది. కాగా ఇది 8.42 PS శక్తిని, 10.2 Nm టార్క్‌ను ఉత్పత్తి చేస్తుంది. దీని ఇంజిన్ ఇప్పుడు OBD2B కంప్లైంట్‌గా ఉంది. ఇది చాలా సంవత్సరాలుగా బాగా పనిచేస్తున్న నమ్మకమైన ఇంజిన్. ఈ ఇంజిన్ ఎలాంటి వాతావరణంలోనూ రైడర్ మంచి అనుభూతిని ఇస్తుంది.
Also Read: Hyundai: స్టాక్‌ను క్లియర్‌ చేసిన హ్యుందాయ్.. ఆ కారుపై ఎన్ని లక్షలు తగ్గింపు వచ్చిందంటే?
కొత్త సుజుకి యాక్సెస్ రైడ్ కనెక్ట్ TFT ఎడిషన్ కొత్త రంగు పథకంలో ప్రారంభించింది. ఈ స్కూటర్‌ను కొత్త పెర్ల్ మ్యాట్ ఆక్వా సిల్వర్‌లో తీసుకువచ్చారు. దీనికి మ్యాట్ ఫినిషింగ్ అందించింది. ఇది చాలా ప్రీమియంగా కనిపిస్తుంది. ఇది కాకుండా మాట్టే బ్లాక్, స్టెల్లార్ బ్లూ, గ్రేస్ వైట్, ఐస్ గ్రీన్ వంటి పాత రంగులలో కూడా అందించింది. ఈ స్కూటర్ మునుపటిలాగే అధిక వేగం, మంచి మైలేజ్, సౌకర్యవంతమైన రైడింగ్ అనుభవాన్ని అందించేలా రూపొందించింది. ఇది సుజుకి విశ్వసనీయత, ఆచరణాత్మక ఫీచర్లను నిలుపుకుంటుంది. ఈ స్కూటర్ నగర రోడ్లకు అనువైనదిగా చేస్తుంది. ధర గురించి చెప్పాలంటే, సుజుకి యాక్సెస్ రైడ్ కనెక్ట్ TFT ఎడిషన్ ధర రూ. 1,01,900. ఈ స్కూటర్ భారత లో ఉన్న అన్ని సుజుకి మోటార్‌సైకిల్ డీలర్‌షిప్‌లలో అందుబాటులో ఉంది.
Also Read: RBI Repo Rate: సామాన్యులకు RBI తీపికబురు? రెపో రేటుపై కీలక అప్‌డేట్..!!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
