Tata Share: టాటా కంపెనీ కీలక నిర్ణయం.. 1 షేరు కొంటే 10షేర్లు ఇస్తోంది..ఈక్విటీ షేర్ల విభజన రికార్డ్ తేదీ ఎప్పుడంటే..?

Tata Investment Q1 Results: దేశీయ దిగ్గజ సంస్థ టాటా గ్రూప్ నకు చెందిన టాటా ఇన్వెస్ట్ మెంట్ కార్పొరేషన్ లిమిటెడ్ ఓ కీలక నిర్ణయం తీసుకుంది. స్టాక్ స్ల్పిట్ చేపట్టేందుకు తమ కంపెనీ బోర్డ్ ఆఫ్ డైరెక్టర్స్ ఆమోదం తెలిపినట్లు ఆగస్టు 4వ తేదీ సోమవారం నాడు ప్రకటించింది. అలాగే ప్రస్తుత ఆర్థిక సంవత్సరం తొలి త్రైమాసిక ఫలితాలను కూడా బోర్డు ఆమోదం తెలిపిందని తెలిపింది. స్టాక్ స్ప్లిట్ ద్వారా షేర్లను విభజిస్తుంది. దీనిలో 1 షేరు ఉన్నట్లయితే అవి ఏకంగా 10 షేర్లుగా మారుతాయి. 100 షేర్లు ఉంటే ఏకంగా 1000షేర్లుగా మారుతాయి. ఈప్రకటన చేసిన తర్వాత ఈ రోజు స్టాక్ మార్కెట్ ట్రేడింగ్ లో టాటా కంపెనీ షేర్లు 4శాతం మేర ర్యాలీ చేసింది. ఆ వివరాలు తెలుసుకుందాం. 

రెగ్యులేటరీ ఫైలింగ్స్ ప్రకారం, ప్రస్తుత ఆర్థిక సంవత్సరం 2026 ఏప్రిల్-జూన్ త్రైమాసికంలో టాటా ఇన్వెస్ట్‌మెంట్  ఏకీకృత నికర లాభం 11.61శాతం పెరిగి రూ.146.30 కోట్లకు చేరుకుంది. గత ఏడాది ఇదే త్రైమాసికంలో ఇది రూ.131.07 కోట్లుగా ఉంది.జూన్ త్రైమాసికంలో టాటా గ్రూప్ కంపెనీ ఆదాయం 2.10 శాతం పెరిగి రూ.145.46 కోట్లకు చేరుకుంది. గత ఏడాది ఇదే త్రైమాసికంలో ఇది రూ.142.46 కోట్లుగా ఉంది.

టాటా ఇన్వెస్ట్‌మెంట్ స్టాక్ స్ప్లిట్:

టాటా ఇన్వెస్ట్‌మెంట్ బోర్డు త్రైమాసిక ఫలితాలతో పాటు స్టాక్ విభజనను ప్రకటించింది. 1:10 నిష్పత్తిలో స్టాక్ విభజనకు బోర్డు ఆమోదం తెలిపింది. అంటే, 1 షేరును 10 భాగాలుగా విభజించడం జరుగుతుంది. పెట్టుబడిదారుల 1 షేరును 10 షేర్లుగా మార్చడం జరుగుతుంది.

స్టాక్ స్ప్లిట్ అంటే ఏమిటి?

స్టాక్ స్ప్లిట్ అంటే ఒక కంపెనీ తన ప్రస్తుత షేర్లను అనేక కొత్త షేర్లుగా విభజించే ప్రక్రియ. వాటాదారుల ఆమోదం తర్వాత స్టాక్ స్ప్లిట్ కోసం రికార్డ్ తేదీని ప్రకటిస్తారు.

స్టాక్ స్ప్లిట్  ప్రయోజనం:

పెట్టుబడిదారులకు వాటా విభజన ప్రయోజనం ఏమిటంటే వారు తక్కువ ధరకు ఎక్కువ షేర్లను కొనుగోలు చేయగలుగుతారు. ఇది సాధారణ పెట్టుబడిదారులకు వాటాల ప్రాప్యతను సులభతరం చేస్తుంది. వాటాల ద్రవ్యతను పెంచుతుంది.

Also Read:  Multibagger Stock: ఇన్వెస్టర్లపై కాసుల వర్షం.. 11 నెలల్లోనే కోటీశ్వరులను చేసిన స్టాక్ ఇదే..!!  

కంపెనీ ఏం చేస్తుంది?

టాటా ఇన్వెస్ట్‌మెంట్ కార్పొరేషన్ అనేది ఒక నాన్-బ్యాంకింగ్ ఫైనాన్షియల్ కంపెనీ, ఇది ప్రధానంగా ఈక్విటీ షేర్లు, ఈక్విటీ సంబంధిత సెక్యూరిటీలు వంటి దీర్ఘకాలిక పెట్టుబడులలో పెట్టుబడి పెడుతుంది.

కంపెనీ నిరంతరం డివిడెండ్‌లను చెల్లిస్తోంది:

టాటా గ్రూప్‌కు చెందిన ఈ స్టాక్ 2021 నుండి పెట్టుబడిదారులకు నిరంతర డివిడెండ్ అందిస్తోంది. జూన్ 10, 2025న, కంపెనీ రూ.27 డివిడెండ్ ఇచ్చింది. అదే సమయంలో, జూన్ 18, 2024న, కంపెనీ రూ.28 డివిడెండ్ ఇచ్చింది. జూన్ 12, 2023న, రూ.48, జూన్ 2, 2022న, రూ.55 డివిడెండ్ ఇచ్చింది.

Also Read: Business Ideas: గ్యాస్ ఏజెన్సీ ప్రారంభిస్తే లక్షల్లో ఆదాయం..1 సిలిండర్ పై ఎంత కమిషన్ వస్తుందో తెలుసా? అయితే ఈ రూల్స్ తెలిస్తే చాలు..!!  

టాటా ఇన్వెస్ట్‌మెంట్ షేర్ ధర చరిత్ర:

టాటా గ్రూప్ స్టాక్స్ పనితీరును పరిశీలిస్తే.. అది ఒక వారంలో 5.82శాతం, 3 నెలల్లో 18.74శాతం  గత ఒక సంవత్సరంలో 13.16శాతం పెరిగింది. అయితే, గత 2 సంవత్సరాలలో ఈ స్టాక్ 180.80శాతం, 3 సంవత్సరాలలో 380శాతం  5 సంవత్సరాలలో 865శాతం గొప్ప రాబడిని ఇచ్చింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి