Kubera Movie Financial Lessons: కుబేరా మూవీ చూశారా? ఈ ఆర్థిక పాఠాలు తెలుసుకుంటే మీరు కూడా కుబేరుడు కావొచ్చు..!!

 Kubera Movie Financial Lessons: శేఖర్ కమ్ముల దర్శకత్వంలో ధనుష్, నాగార్జున, రష్మిక మందాన, జిమ్ సర్బ్ ప్రధాన పాత్రలుగా విడుదలైన సినిమా కుబేర. ఈ సినిమా విడుదలైన అన్ని భాషల్లోనూ చక్కటి విజయం సాధించి బాక్సాఫీస్ లో మంచి వసూళ్లతో రన్ అవుతుంది. తెలుగులో ఈ సినిమా ఇప్పటికే దాదాపు  90 కోట్ల గ్రాస్ కలెక్షన్లతో రికార్డు దిశగా దూసుకెళ్తోంది. అయితే ఈ సినిమాలో బిక్షగాడికి ఆగర్భ శ్రీమంతుడు కి మధ్య జరిగిన ఓ సంగ్రామాన్నే కథ ఇతివృత్తంగా తీసుకొని దర్శకుడు మరిచిన తీరు ప్రేక్షకుల మన్ననలు పొందింది అని చెప్పవచ్చు. ఈ సినిమాలో హీరో ధనుష్ దేవా పాత్రలో బిక్షగాడిగా నటించాడు. అదే సమయంలో నాగార్జున దీపక్ అనే ఒక మాజీ సిబిఐ ఆఫీసర్ పాత్రలో కనిపించగా, జిమ్ సర్బ్ ఆగర్భ శ్రీమంతుడిగా నీరజ్ మిశ్రా కనిపించాడు. అయితే ఈ సినిమా నిజ జీవితంలో కూడా మనందరికీ ఎన్నో విషయాల్లో పాఠాలను నేర్పుతుంది. ముఖ్యంగా ఫైనాన్షియల్ పాఠాలను సైతం సినిమా ద్వారా మనం నేర్చుకునే అవకాశం ఉంది అవేంటో ఇప్పుడు చూద్దాం. 

డబ్బే సర్వస్వం కాదు:
ఈ సినిమాలో ఆగర్భ శ్రీమంతుడిగా కనిపించిన నీరజ్ మిశ్రా పాత్ర ప్రపంచంలోనే నెంబర్ వన్ ధనవంతుడిగా ఎదగాలని గర్వంతో, అందుకోసం ప్రాణాలకు సైతం విలువ ఇవ్వకుండా, తనకు అడ్డు వచ్చిన ప్రతి ఒక్కరి ప్రాణాలను తీసుకుంటూ వెళుతుంటాడు. డబ్బు విలువ ముందు మనిషి ప్రాణం విలువ లేనిదని భావిస్తుంటాడు. కానీ ఓ బిక్షగాడి చేతిలో చివరికి ఒక డంప్ యార్డులో ఆ ఆగర్భ శ్రీమంతుడి పతనం జరుగుతుంది. డబ్బులు సర్వస్వంగా భావించిన నీరజ్ మిశ్రా చివరకు డబ్బు వేటలోనే తనువు చాలించాడు. ఇక బిక్షగాడిగా జీవితంలో డబ్బు విలువ ఏంటో కూడా తెలియని పాత్రలో దేవా కనిపించాడు. దేవా దృష్టిలో డబ్బుకు విలువ లేదు. బ్రతకడం అంటే బ్రతుకు మాత్రమే అని చెబుతుంటాడు. ఎన్ని కష్టాలు వచ్చినా, కన్నీళ్లు వచ్చినా చిరునవ్వుతో సమాధానం ఇస్తుంటాడు. ఒక దశలో నిరాశతో ఆత్మహత్య చేసుకోవాలని అతను అనుకున్న భగవంతుడు మాత్రం అతడిని తీసుకెళ్లలేదు. ఇదే కర్మఫలం అని చెప్పవచ్చు. హీరో విలన్ మనస్తత్వాన్ని బట్టి అర్థం చేసుకున్నది ఏమిటంటే డబ్బు అనేది సర్వస్వం కాదు. 

Also Read: MBA: డిగ్రీ తర్వాత మీ డ్రీమ్ ఎంబీఏ అయితే ఈ స్పెషలైజేషన్ తీసుకోండి.. మంచి లైఫ్‌ గ్యారెంటీ..!!  

విలువలే అసలైన ఆస్తి:
చెడ్డవాడు మంచివాడిగా మారవచ్చు... కానీ మంచివాడు చెడ్డవాడిగా ఎప్పటికీ మారలేడు అనడానికి మాజీ సిబిఐ అధికారి దీపక్ పాత్రలో నాగార్జున చూపించాడు. ఎందుకంటే అతను జీవితాంతం నీతి నిజాయితీలతో ఉండి చివరకు జైలు పాలై అక్కడి నుంచి చెడ్డవాడిగా మారాలని చూస్తాడు. కానీ చెడు మార్గంలో ప్రయాణం అనేది మంచి వాళ్ళు ఎప్పుడూ చేయలేరు. వారి మనస్తత్వం అందుకు అంగీకరించదు. . చివరకు మంచి వైపు నిలిచి ప్రాణాలను కోల్పోయాడు అయినప్పటికీ సంతృప్తిగానే తన ప్రాణాలను కోల్పోవడం ఈ సినిమాలో చూడవచ్చు. మనిషికి అసలైన ఆస్తి విలువలే... డబ్బు సంపాదనలో విలువలను ఎప్పుడూ కోల్పోకూడదు. చెడు మార్గంలో ప్రయాణించడం అనేది ఎప్పటికైనా చేటు చేస్తుంది అనేందుకు దీపక్ పాత్ర ఒక ఉదాహరణ. 

డబ్బు కోసం పాకులాట వద్దు:
మనకు ఎంత డబ్బు అవసరమో అంతవరకు మాత్రమే సంపాదించుకోవాలి. సమాజంలో మన పేరు ప్రఖ్యాతలు పెరగాలంటే డబ్బు అనేది కొలమానం కాదు. మన ప్రతిభ అనేది మనలోని శక్తిని బట్టి బయటకు వస్తుంది. బాగా డబ్బు సంపాదించిన వారంతా ప్రతిభావంతులు అనుకుంటే అది పొరపాటే. డబ్బుకు ఉన్న శక్తి తాత్కాలికం మాత్రమే. డబ్బు ఎప్పటికైనా కష్టపడిన వాడి చేతికే చేరుతుంది. కుబేర సినిమా ద్వారా తెలుసుకోవాల్సిన అసలైన ఫైనాన్షియల్ పాఠం ఇదే.

Also Read:  Salt-powered scooters: "ఉప్పు"తో నడిచే స్కూటర్లు వచ్చాయి..పెట్రోల్ నింపే టెన్షన్ పోయినట్లేనా?  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.