 "D Mart: డీమార్ట్లో తక్కువ ధరకే సరుకులు ఎలా సాధ్యం? సక్సెస్ మంత్రం ఇదే..!")
)
Success Secrets Of D Mart: ఇంటికి.. ఒంటికి అవసరమైన ప్రతీ వస్తువు డీమార్ట్లో లభిస్తుంది. కిరాణా సరుకులతోపాటు అన్నింటిని విక్రయించే సంస్థ డీమార్ట్ దేశంలో విజయవంతమైన రిటైల్ చైన్ సంస్థగా గుర్తింపు పొందింది. బహిరంగ మార్కెట్లో కంటే కొంత చవకగా లభిస్తాయని వినియోగదారులు విశ్వసిస్తున్నారు. మరి అంత చవకగా సరుకులు డీమార్ట్ ఎలా అందిస్తుందో తెలుసా? ప్రజలకు తక్కువ ధరలకు వస్తువులు అందించడం వెనుక ఏముందో తెలుసా? డీమార్ట్ నుంచి ఒక నెల పాటు గృహోపకరణాలు కొనుగోలు చేయడంతో చాలా డబ్బు ఆదా అవుతుందనే భావన ప్రజల్లో ఏర్పడింది. చౌక ధరకు డీమార్ట్ వస్తువులను ఎలా విక్రయిస్తుందో తెలుసుకుందాం.
డీమార్ట్ ప్రస్థానం
భారతదేశంలో 2002లో డీమార్ట్ సంస్థ ప్రారంభమైంది. ఇప్పుడు దాదాపు 415కి పైగా శాఖలు దేశంలో ఉన్నాయి. 12 రాష్ట్రాలతోపాటు కేంద్ర పాలిత ప్రాంతాల్లో డీమార్ట్ స్టోర్లు కొనసాగుతున్నాయి. దాదాపు లక్షలాది మంది డీ మార్ట్ సంస్థలో ప్రత్యక్షంగా.. పరోక్షంగా పని చేస్తున్నారు.
భారతదేశం అంతటా చౌకైన వస్తువులకు డీమార్ట్ గుర్తింపు పొందింది. డీమార్ట్ అనేక పెద్ద ఈ-కామర్స్ సంస్థలతో కూడా పోటీ పడుతోంది. డీమార్ట్ ఎక్కడ ఉంటే అక్కడ రియల్ ఎస్టేట్ కూడా పెరుగుతోంది. అంతలా డీమార్ట్ క్రేజ్ పెరిగిపోయింది. డీమార్ట్ను రాధాకిషన్ దమానీ విజయాల బాట పట్టించాడు. 12వ తరగతి వరకు మాత్రమే చదువుకున్న రాధాకిషన్ ధమానీ సంపద రూ.లక్ష కోట్లకు పైగా ఉంది.
రెండు సార్లు ఓటమి
స్టాక్ మార్కెట్లో నిష్ణాతుడైన దమాని తన సొంత వ్యాపారాన్ని ప్రారంభించాలని నిర్ణయించుకున్నాడు. ఆ సమయంలో మొదట్లో అనేక వైఫల్యాలను ఎదుర్కొన్నాడు. 1999లో నెరుల్లో ఒక స్టోర్ను రాధాకిషన్ ధమానీ ఫ్రాంచైజీని ప్రారంభించాడు. కానీ విజయవంతం కాలేదు. అనంతరం బోర్వెల్స్ రంగంలోకి దిగగా.. అక్కడ కూడా చేదు ఫలితం వచ్చింది. ముంబైలో మొదటి డీమార్ట్ స్టోర్ను రాధాకిషన్ ధమానీ ప్రారంభించాడు. అక్కడ విజయ యాత్ర ప్రారంభమైంది.
సక్సెస్ మంత్ర
డీమార్ట్ సంస్థ తన స్టోర్ను అద్దె భవనాల్లో తెరవదు. ఈ కారణంగా నిర్వహణ ఖర్చులు భారీగా తగ్గుతాయి. సొంత భూమిలో దుకాణాలను నిర్వహిస్తే క్రమం తప్పకుండా అద్దె చెల్లించాల్సిన అవసరం లేదు. అద్దె వంటివి చెల్లింపులు లేకపోవడంతో తమకు వచ్చిన ఆదాయాన్ని ప్రజలకు తక్కువ ధరల్లో వస్తువులు విక్రయిస్తున్నారు.
==> డీమార్ట్ తన స్టాక్ను 30 రోజుల్లో అమ్మేసి కొత్త వస్తువులను ఆర్డర్ చేస్తుంది. దీంతో పెద్ద డిస్కౌంట్లను అందించడానికి ఇది సహాయపడుతుంది.
==> వస్తువులను కొనుగోలు చేసిన కంపెనీలకు వెంటనే డీమార్ట్ చెల్లింపులు చేస్తుంది. డబ్బు వెంటనే అందిస్తుండడంతో కంపెనీలు అదనంగా రాయితీలు.. తక్కువ ధరకు వస్తువులు ఇస్తారు. ఈ తగ్గింపును డీమార్ట్ తన వినియోగదారులకు బదిలీ చేస్తుంది. డీమార్ట్ చేసేదేమీ లేదు. తమకు కంపెనీలు తక్కువ ధరలకే సరుకులు ఇస్తుండడంతో అదే ధరకు డీమార్ట్ వినియోగదారులకు అందిస్తోంది. మధ్యలో డీమార్ట్ తన సొంత జేబు నుంచి ఏమీ చెల్లించడం లేదు.
==> డీమార్ట్ తన ఖర్చులలో 5-7 శాతం ఆదా చేసి దానిని డిస్కౌంట్ల రూపంలో వినియోగదారులకు అందిస్తుంది. ఈ కారణంగా డీమార్ట్ నేడు భారతదేశంలో అత్యంత చవకైన, అత్యంత విశ్వసనీయ రిటైల్ చైన్ సంస్థగా రూపాంతరం చెందింది. తయారీదారులు, వినియోగదారుల మధ్య ఉండి డీమార్ట్ సక్సెస్ను పొందింది. ఇది డీమార్ట్ విజయం వెనుక సీక్రెట్లు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
