Copper Price: ఫ్యూచర్ లో బంగారం లాగా రాగి ధర పెరుగుతుందా...రాగిలో ఎలా ఇన్వెస్ట్ చేయాలి..?

 Copper Price: గడచిన 25 సంవత్సరాలలో బంగారం దాదాపు 22 రెట్లు పెరిగి ఇన్వెస్టర్లకు సిరుల వర్షం కురిపించింది. అటు ఫిజికల్ గోల్డ్ రూపంలో కానీ లేదా ఈటీఎఫ్ రూపంలో కానీ, గోల్డ్ బాండ్స్ రూపంలో గానీ పెట్టుబడి పెట్టిన వారికి బంగారం భారీ లాభాలను తెరిచి పెట్టింది. నిజానికి బంగారంతో పాటు  కమోడిటీస్ రంగంలో  ఇతర లోహాలపై కూడా పెట్టుబడి పెట్టవచ్చు తద్వారా లాభాలు పొందే అవకాశం ఉంటుంది. బంగారం తర్వాత ఎక్కువగా ట్రేడ్ చేసే లోహం సిల్వర్,  సిల్వర్ కూడా బంగారంతో సమానంగా లాభాలను అందించింది. ఇక సిల్వర్ తర్వాత ఎక్కువగా ట్రేడ్ అయ్యే లోహం కాపర్  లేదా రాగి. భవిష్యత్తులో రాగికి మంచి డిమాండ్ ఉంటుందని వేదాంత గ్రూప్ చైర్మన్  అనిల్ అగర్వాల్  ఇటీవల తన ట్విట్టర్ ద్వారా ప్రకటించారు. భవిష్యత్తులో బంగారం తరహాలోనే రాగి కూడా మంచి రిటర్న్స్ అందిస్తుందని, ముఖ్యంగా ప్రపంచ వ్యాప్తంగా కాపర్ లోహానికి మంచి డిమాండ్ ఉందని ఎందుకంటే భవిష్యత్తులో ఎలక్ట్రానిక్ వాహనాలు,  విద్యుత్ పరికరాలు, సెమీ కండక్టర్లు, అణు రియాక్టర్లు  వాటిలో రాగి వినియోగం అత్యధికంగా ఉంటుందని. కనుక ఈ డిమాండ్ ను ఆధారంగా భవిష్యత్తులో రాగి లో పెట్టుబడి పెట్టిన వారు మంచి లాభాలను పొందే అవకాశం ఉందని ఆయన పేర్కొన్నారు. 

గడచిన పది సంవత్సరాలలో అంటే 2017 నుంచి 2025 సంవత్సరాల మధ్య కాలంలో  రాగి ఇన్వెస్టర్లకు దాదాపు  మూడు రెట్ల లాభాలను అందించింది.  అయితే ఇది భవిష్యత్తులో మరింత పెరిగే అవకాశం ఉందని నిపుణులు అంచనా వేస్తున్నారు. ​2015లో MCXలో రాగి ధర సుమారు రూ.300 / కిలోగా ఉండేడి, ఇక 2025లో రాగి ధర రూ. 902 /కిలోకు చేరుకుంది. ఇది సుమారు 3 రెట్లు పెరిగింది.​

సాధారణంగా కాపర్ లోహంలో పెట్టుబడి పెట్టాలంటే ఉన్న మార్గాల గురించి ఇప్పుడు తెలుసుకుందాం: 

1. ETFs (Exchange Traded Funds):

 ఇతర లోహాల తరహాలోనే మీరు స్టాక్ మార్కెట్ ద్వారా ట్రేడ్ అయ్యేటువంటి ఈటీఎఫ్ ఫండ్లలో  మీరు స్టాక్స్ తరహాలోనే కాపర్ ఈటీఎఫ్ ఫండ్స్  కొనుగోలు చేయవచ్చు.  సుదీర్ఘకాలం వీటిని  హోల్డ్ చేసి తర్వాత  మీకు నచ్చినట్లు విక్రయించవచ్చు.  ప్రస్తుతం భారతీయ మార్కెట్లో  ఈ ఫండ్స్ అందుబాటులో లేనప్పటికీ  అమెరికా మార్కెట్లలో అందుబాటులో ఉన్నాయి.  Global X Copper Miners ETF (COPX), United States Copper Index Fund (CPER)  వంటివి ప్రస్తుతం  కాపర్ ఈటీఎఫ్ సేవలు అందిస్తున్నాయి.  అయితే భారతీయులు ఇందులో పెట్టుబడి పెట్టాలంటే ICICI Direct, HDFC Global Investing వంటి బ్రోకరేజీ ప్లాట్ ఫారం ద్వారా పెట్టుబడి పెట్టవచ్చు. 

2. MCX Futures:  

ఇక రాగి లో పెట్టుబడి పెట్టాలంటే భారతదేశంలో ప్రముఖ  కమోడిటీ ఎక్స్చేంజ్ MCX (Multi Commodity Exchange) ద్వారా రాగి ఫ్యూచర్ కాంట్రాక్టులు కొనుగోలు చేసే అవకాశం ఉంటుంది. అయితే ఇవి ట్రేడింగ్ స్కిల్ కలిగినవారు మాత్రమే  ఇందులో పెట్టుబడి పెట్టి సురక్షితంగా ఉండవచ్చు.  ఎలాంటి గైడెన్స్ లేకుండా సాధారణ ఇన్వెస్టర్లు దీనికి దూరంగా ఉంటేనే మంచిదని  నిపుణులు సూచిస్తున్నారు. 

Also Read: Gold Rate: వామ్మో.. వాయ్యో.. లక్ష మార్క్‌ను టచ్‌ చేసిన బంగారం.. ధర ఇంకా పెరుగుతుందా?  

3. రాగి మైనింగ్ కంపెనీల స్టాక్స్:

 అయితే రాగి లో పెట్టుబడి పెట్టేందుకు మరో ప్రత్యామ్నాయ మార్గం కూడా ఉంది ఏ కంపెనీ స్టాక్స్ అయితే  రాగి ఉత్పత్తిలో పాలుపంచుకుంటాయో అలాంటి స్టాక్స్ ద్వారా మీరు రాగి ద్వారా వచ్చే లాభాలను ఒడిసి పట్టుకోవచ్చు. ఉదాహరణకు, Hindustan Copper Ltd (India) వంటి స్టాక్స్ రాగి ఉత్పత్తిలో ఉన్నాయి. 

మ్యూచువల్ ఫండ్స్:

మెటల్-బేస్డ్ కంపెనీలలో పెట్టుబడి పెట్టే మ్యూచువల్ ఫండ్స్ లో పెట్టుబడి పెట్టడం ద్వారా కూడా మంచి లాభాలను పొందవచ్చు. అయితే ఇవి కేవలం రాగిలో మాత్రమే కాకుండా మెటల్ రంగంలోని షేర్లపై పెట్టుబడి పెడతాయి. 

Disclaimer:  ఇది పాఠకుల అవగాహన కోసం మాత్రమే ఎడ్యుకేషనల్ పర్పస్ కోసం మాత్రమే ఈ సమాచారం పేర్కొనడం జరిగింది.  దీనిని పెట్టుబడి సలహాగా ఎట్టి పరిస్థితుల్లోనూ భావించకూడదు.  జీ తెలుగు వెబ్ పోర్టల్ ఇలాంటి పెట్టుబడి సలహాలు ఇవ్వదు. . మీ పెట్టుబడులపై  లాభనష్టాలకు మీరే బాధ్యత వహించాల్సి ఉంటుంది.  మీరు పెట్టుబడి పెట్టాలి అనుకున్నట్లయితే సర్టిఫైడ్ ఫైనాన్షియల్ అడ్వైజర్ల సలహా పొందుట మంచిది

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.