Soundarya: మహేష్ బాబుతో నటించకుండా తప్పుకున్న సౌందర్య.. కారణం ఇదే!

Soundarya Rejected Mahesh Babu: మహేష్ బాబుతో నటించకుండా సౌందర్య ఒక సినిమా నుంచి తప్పుకుంది. అంతేకాదు మహేష్ బాబుతో నటించను అని కూడా చెప్పిందంట. మరి ఆమె ఇంత పెద్ద నిర్ణయం తీసుకున్న కారణం ఏమిటో ఇప్పుడు తెలుసుకోండి.

Soundarya Movie: టాలీవుడ్ లో మహేష్ బాబు, సౌందర్య ఇద్దరూ ప్రముఖ నటులుగా గుర్తింపు తెచ్చుకున్నారు. మహేష్ బాబు చిన్నతనంలోనే చైల్డ్ ఆర్టిస్ట్ గా సినిమాల్లో కనిపించారు. తర్వాత "రాజకుమారుడు" సినిమాతో హీరోగా పరిచయం అయ్యారు. ఈ సినిమా విజయం సాధించడంతో మహేష్ తర్వాతి సినిమాపై భారీ అంచనాలు ఏర్పడ్డాయి.  

Add Zee News as a Preferred Source

మహేష్ బాబు రెండో సినిమా "యువరాజు" కోసం వై.వి.ఎస్. చౌదరి దర్శకత్వం వహించారు. ఈ చిత్రంలో ఇద్దరు కథానాయికల అవసరం ఉండటంతో, మొదటి పాత్రకు సాక్షి శివానంద్ ను ఎంపిక చేశారు. రెండో హీరోయిన్ గా సౌందర్య అయితే మంచి ఎంపిక అవుతుందని భావించారు. కథ విన్న సౌందర్య కూడా ఆసక్తి చూపించడంతో, ఆమెను ఎంపిక చేశారు.  

సౌందర్య పాత్ర ఖరారు కావడంతో, మహేష్ బాబు, సౌందర్యలతో టెస్ట్ షూట్ నిర్వహించారు. అయితే ఈ సమయంలో సౌందర్య ఒక్కసారిగా తాను మహేష్ బాబు పక్కన హీరోయిన్ గా సరిపోను అనే భావనకు వచ్చారు. మహేష్ బాబు చాలా సన్నగా ఉండటంతో, ఆమెకు ఆయన పక్కన నటించడంలో అసౌకర్యంగా అనిపించింది. ఆమె మహేష్ పక్కన తన లుక్ అక్కలా అనిపిస్తోందని ఫీలయ్యారు.  

ఈ కారణంతో, సౌందర్య ప్రాజెక్ట్ నుంచి తప్పుకోవాలని నిర్ణయించుకున్నారు. మహేష్ బాబు చిత్రంలో నటించడం గొప్ప అవకాశం అయినా, పాత్రలో తాను సరిపోనని భావించి తప్పుకున్నారు. అయితే, ఆమె స్థానంలో కొత్త హీరోయిన్ కోసం వెతికినప్పుడు, సౌందర్యే సిమ్రాన్ పేరును సిఫారసు చేశారట. చివరికి సిమ్రాన్ ఈ సినిమాలో హీరోయిన్ గా ఎంపికయ్యారు.  

మహేష్ బాబుతో సినిమా మిస్ అయినా, సౌందర్య సూపర్ స్టార్ కృష్ణతో "అమ్మదొంగ", "నంబర్ వన్" వంటి హిట్ చిత్రాల్లో నటించారు. ఆమె టాలీవుడ్ లో అత్యంత విజయవంతమైన కథానాయికలలో ఒకరిగా పేరు తెచ్చుకున్నారు.  సౌందర్య, మహేష్ బాబు కలయికలో సినిమా రాకపోకదం.. అభిమానులు ఈ జంటను తెరపై చూసే అవకాశం మిస్ అయినట్లైంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.