)
Akshay Kumar House Full 5 collections: అక్షయ్ కుమార్ కు ఈ ఇయర్ బాగానే కలిసొచ్చిందనే చెప్పాలి. అక్కీ విషయానికొస్తే.. ఓ మూసకు పరిమితం కాకుండా అన్ని రకాల జానర్ మూవీలతో ప్రేక్షకులను అలరిస్తున్నాడు. ఓసారి బయోపిక్ మూవీతో.. మరోసారి కామెడీ మూవీతో మరోసారి సెంటిమెంట్ .. ఇంకోసారి యాక్షన్ సినిమాలతో అలరించడం అక్షయ్ కుమార్ మార్క్ స్టైల్. ఇలా ఈయన దెబ్బ తిన్న సందర్భాలున్నాయి. కానీ ఈ ఇయర్ మొదట్లో రిపబ్లిక్ డే కానుకగా ‘స్కై ఫోర్స్’ సినిమాతో పలకరించారు. ఇందులో వింగ్ కమాండర్ ఓమ్ ఆహూజా పాత్రలో నటించారు. ఈ సినిమా 1965 భారత్ - పాకిస్థాన్ యుద్ధ నేపథ్యంలో పాకిస్థాన్ లోని సర్గోదా ఎయిర్ బేస్ పై మన దేశం చేసిన దాడి నేపథ్యంలో తెరకెక్కింది. ఈ సినిమా బాక్సాఫీస్ దగ్గర మంచి విజయమే సాధించింది.
ఆ తర్వాత కేసరి ఛాప్టర్ 2 మూవీతో పలకరించారు. ఈ సినిమాను 1919 పంజాబ్ లోని అమృత్ సర్ లోని జలియన్ వాలా బాగ్ లో జరిగిన దారుణ మారుణ కాండకు నేపథ్యంలో ‘కేసరి ఛాప్టర్ 2’ మూవీ తెరకెక్కింది. కరణ్ సింగ్ త్యాగీ దర్శకత్వంలో తెరకెక్కిన ఈ సినిమా మన దేశ పౌరులపై జలివాలా బాగ్ లో అకారణంగా కాల్పులు జరిపించిన బ్రిటిష్ అధికారి జనరల్ డయ్యర్ కు వ్యతిరేకంగా వాదించిన లాయర్ శంకర్ నాయర్ పాత్రలో నటించారు. ఈ సినిమా దాదాపు రూ. 100 కోట్ల నెట్ వసూళ్లను సాధించి మంచి హిట్ గా నిలిచింది.
ఈ రెండు హిట్ టాక్ వచ్చినా.. పెద్దగా వసూళ్లను రాబట్టలేకపోయింది. తాజాగా ‘హౌస్ ఫుల్’ సిరీస్ లో భాగంగా హౌస్ ఫుల్ 5 మూవీతో పలకరించారు. ఈ సినిమా లాజిక్ ను పక్కనపెట్టి పూర్తి ఎంటర్టైన్మెంట్ తో తెరకెక్కిన ఈ సినిమా బాక్సాఫీస్ దగ్గర దూసుకుపోతుంది. ఇప్పటికే మన దేశంలో దాదాపు నాలుగు రోజుల్లో రూ. 105 కోట్ల నెట్ వసూళ్లను రాబట్టి సంచలనం రేపింది. మరోవైపు ఓవర్సీస్ లో ఈ సినిమా $ 4 మిలియన్ యూఎస్ డాలర్స్ నుంచి $ 5 మిలియన్ డాలర్స్ వైపు పరుగులు తీస్తోంది.మొత్తంగా అక్కడ రూ. 40 కోట్ల వరకు రాబట్టింది. మొత్తంగా అక్కడ ఫస్ట్ వీకెండ్ లో అత్యధిక వసూళ్లను రాబట్టిన అక్షయ్ కుమార్ సినిమాగా నిలిచింది. ఈ సినిమా ఓవరాల్ గా రూ. 200 కోట్ల గ్రాస్ క్రాస్ చేసి సంచలనం రేపింది.
సాజిద్ నడియావాలా నిర్మించిన ఈ సినిమాను తరుణ్ మన్ సుఖాని దర్శకత్వం వహించారు. ఈ చిత్రంలో అక్షయ్ కుమార్ తో పాటు అభిషేక్ బచ్చన్, రితేష్ దేశ్ ముఖ్, నానా పాటేకర్ వంటి వారు నటించారు. మొత్తంగా ఈ సినిమా పూర్తి హిల్లేరియస్ కామెడీ ఎంటర్టేనర్ గా తెరకెక్కిన ఈ సినిమా ఈ యేడాది అత్యధిక వసూళ్లను రాబట్టే అవకాశాలు పుష్కలంగా ఉన్నాయి. మొత్తంగా అక్షయ్ కుమార్ చాలా యేళ్ల తర్వాత తన రేంజ్ కు తగ్గ సక్సెస్ తో బాలీవుడ్ బాక్సాఫీస్ ను పలకరించడం విశేషం. త్వరలో అక్షయ్ కుమార్.. కన్నప్ప, జాలీ ఎల్ ఎల్ బీ 3తో పాటు హేరా ఫేరా 3, భూత్ బంగ్లా, వెల్కమ్ టూ ది జంగిల్, వేదాత్ మరాటే వీర్ దౌడ్లే సాత్ మూవీలతో పలకరించనున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Twitter, Facebook
