Kesari Chapter 2 Teaser: బాలీవుడ్ ఖిలాడీ అక్షయ్ కుమార్ ఓ మూసకు పరిమితం కాకుండా అన్ని రకాల చిత్రాలతో ప్రేక్షకులను పలకరిస్తున్నారు. ఈ నేపథ్యంలో 1919లో పంజాబ్ లోని అమృత్ సర్ లోని జలియన్ వాలా బాగ్ లో జరిగిన దారుణ మారణ కాండ నేపథ్యంలో ‘కేసరి ఛాప్టర్ 2’ మూవీ చేస్తున్నారు. కరణ్ సింగ్ త్యాగీ డైరెక్ట్ చేసిన ఈ సినిమాలో జలియన్ వాలా బాగ్ లో కాల్పులు జరిపించిన అప్పటి బ్రిటిష్ పోలీస్ అధికారి డయ్యర్ కు వ్యతిరేకంగా కోర్టులో వాదించే లాయర్ పాత్రలో కనిపించనున్నారు. ఆ కేసులో బాధితుల తరుపున పోరాడే వకీల్ సాబ్ గా అలరించనున్నారు. గతంలో అక్షయ్ కుమార్ హీరోగా కేసరి సినిమా తెరకెక్కింది. ఇపుడు అదే కేసరి ఛాప్టర్ 2 మూవీ రాబోతుంది. కేసరి మూవీ అఫ్ఠనిస్థాన్ లో సారాగర్హి దగ్గర జరిగిన యుద్దం నేపథ్యంలో తెరకెక్కింది. ఇపుడు జలియన్ వాలా బాగ్ ఉదంతం నేపథ్యంలో రాబోతుంది.
AKSHAY KUMAR - R MADHAVAN - ANANYA PANDAY: 'KESARI CHAPTER 2' TEASER IS HERE… 18 APRIL RELEASE… Presenting the teaser of #KesariChapter2: The Untold Story Of Jallianwala Bagh – a groundbreaking first-of-its-kind teaser that delivers its impact purely through audio.
A powerful… pic.twitter.com/0TGNLP5TD8
— taran adarsh (@taran_adarsh) March 24, 2025
ఈ సినిమాలో మాధవన్, అనన్య పాండేలు మరో ముఖ్యపాత్రల్లో నటిస్తున్నారు. ఈ సినిమాను ధర్మ ప్రొడక్షన్, కేప్ ఆఫ్ గుడ్ ఫిల్మ్స్, లియో మీడియా కలెక్టివ్ సంయుక్తంగా నిర్మించారు. ఈ సినిమాను ఏప్రిల్ 18న విడుదల చేస్తున్నట్టు ప్రకటించారు. అక్షయ్ ఇతర సినిమాల విషయానికొస్తే.. మంచు విష్ణు హీరోగా నటిస్తోన్న ‘కన్నప్ప’లో మహా దేవుడి పాత్రలో కనిపించనున్నారు. ఈ సినిమా కేసరి ఛాప్టర్ విడుదలవుతున్న ఒక వారం గ్యాప్ లో ఏప్రిల్ 25న విడుదల కానుంది.
మరోవైపు అక్షయ్ కుమార్ హీరోగా .. హౌస్ ఫుల్ 5, జాలీ ఎల్ ఎల్ బీ 3 ఈ యేడాదే విడుదల కానున్నాయి. ఇక ప్రియదర్శన్ తో ‘భూత్ బంగ్లా’తో పాటు వెల్కమ్ టూ జంగిల్, హేరా ఫేరి 3, వేదాత్ మరాఠే వీర్ దౌడ్లే సాత్’ మూవీలతో పలకరించనున్నారు. అందులో ‘వేదాత్ మరాఠే వీర్ దౌడ్లే సాత్’ మూవీలో ఛత్రపతి శివాజీ పాత్రలో కనిపించనున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)