Allu Arjun vs Mega Heroes : ఐకాన్ స్టార్ అల్లు అర్జున్ సినిమాల్లోకి రావడంలో మెగాస్టార్ చిరంజీవి పాత్ర ఎంతో ముఖ్యమైనది అన్నదమ్ముల సందేహం లేదు. బన్నీ కెరీర్ ప్రారంభంలోనే.. మెగా ఫ్యామిలీ నుంచి ఆయనకు పెద్ద మద్దతు లభించింది. అయితే, ఇటీవల కాలంలో అల్లు మెగా కుటుంబాల మధ్య దూరం పెరిగినట్లు సినీ వర్గాల్లో చర్చ జరుగుతోంది.
‘అల వైకుంఠపురములో’ ఘన విజయం తర్వాత బన్నీ స్వతంత్రంగా ఎదగాలనే లక్ష్యంతో.. మెగా ఫ్యామిలీకి కొంచెం దూరంగా ఉండాలని నిర్ణయించుకున్నట్లు వార్తలు వచ్చాయి. తన తాత అల్లు రామలింగయ్య గొప్పతనాన్ని తరచూ ప్రస్తావిస్తూ, ‘అల్లు వారసత్వం’ గురించి బన్నీ పరోక్షంగా చెప్పటం ద్వారా తన కుటుంబ గుర్తింపును నిలబెట్టుకునే ప్రయత్నం చేస్తున్నారు అని అందరికీ అనిపించింది.
గతంలో అల్లు అర్జున్ సినిమా ఫంక్షన్లకు మెగా కుటుంబ సభ్యులు హాజరవుతుండేవారు. కానీ ఇటీవలే వచ్చిన కొన్ని ఈవెంట్లలో అలాంటివి జరగలేదు. అలానే, బన్నీ కూడా మెగా హీరోలను ప్రస్తావించకపోవడం ఈ గ్యాప్ను మరింత స్పష్టంగా చూపించింది.
‘పుష్ప 2’ గ్లింప్స్ రిలీజ్ సమయంలో సంధ్య థియేటర్ వద్ద జరిగిన ప్రమాదంలో ఒక మహిళ మరణించగా, బన్నీ అరెస్ట్ అయిన సంగతి తెలిసిందే. ఆ సమయంలో చిరంజీవిని తప్ప మెగా హీరోలు స్పందించకపోవడంతో, బన్నీకి వారిలో ఉన్న వ్యతిరేకత బహిరంగమయ్యింది. తర్వాత బన్నీ చిరంజీవిని కలిసినప్పటికీ, మిగతా ఫ్యామిలీతో బంధం పునరుద్ధరమైందన్న విషయం స్పష్టంగా కనబడలేదు.
ఇక ఈరోజు బన్నీ పుట్టినరోజున, మెగా కాంపౌండ్లోని ఎవ్వరూ ఆయనకు విషెస్ చెప్పలేదు. చిరంజీవి సైతం ఈ విషయంలో మౌనం వహించడం ఆశ్చర్యం కలిగిస్తోంది. మరోవైపు, రామ్చరణ్ పుట్టినరోజున కూడా బన్నీ స్పందించలేదు. దీనికి తోడు, సుకుమార్ సమర్పించిన ‘పెద్ది’ మూవీకి బన్నీ స్పందించకపోవడం, అల్లు అర్జున్ మెగా హీరోలను పట్టించుకోవడం మానేసినట్లు కనిపిస్తోంది.
Jr NTR Wishes Allu Arjun : అయితే ఈ ఘర్షణ మధ్య యంగ్ టైగర్ జూనియర్ ఎన్టీఆర్ మాత్రం అల్లూ అర్జున్కు బావ అంటూ పుట్టినరోజు శుభాకాంక్షలు తెలియజేయడం గమనార్హం. బన్నీ అభిమానులు ఎన్టీఆర్ స్పందనపై ఆనందం వ్యక్తం చేస్తున్నారు. మెగా ఫ్యామిలీ మద్దతు లేకున్నా, బన్నీ తన కష్టంతో ఎదగగలడు అన్న విశ్వాసాన్ని ఆర్మీ టీం వ్యక్తం చేస్తోంది.
Read more: Mark Shankar: స్కూల్లో భారీ అగ్నిప్రమాదం.. చిక్కుకున్న డిప్యూటీ సీఎం పవన్ కొడుకు మార్క్ శంకర్..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
