Telugu thriller movie: సహాన ఆర్ట్స్ క్రియేషన్స్ బ్యానర్పై బి.టి.ఆర్ శ్రీనివాస్ నిర్మాణంలో, తారక రామ్ దర్శకత్వంలో తెరకెక్కిన మిస్టరీ థ్రిల్లర్ "అనగనగా ఆస్ట్రేలియాలో" మూవీ ట్రైలర్ ఇటీవల విడుదలైంది. ఈ ప్రత్యేక కార్యక్రమంలో చిత్రబృందం పాల్గొని సినిమా విశేషాలను పంచుకుంది.
దర్శకుడు తారక రామ్ మాట్లాడుతూ, ఈ చిత్రాన్ని పూర్తిగా ఆస్ట్రేలియాలో చిత్రీకరించినట్లు తెలిపారు. అయితే, నటీనటులు, సాంకేతిక నిపుణులు మాత్రం తెలుగువారే కావడం గర్వంగా అనిపించిందన్నారు. తాను ఐటీ రంగంలో పని చేస్తూనే, సినిమా మీద ఉన్న ఆసక్తితో ఫిల్మ్ కోర్సు పూర్తి చేశానని వెల్లడించారు. ఈ చిత్రం తన కలను నిజం చేసిందని, అనేక సవాళ్లను ఎదుర్కొంటూ సినిమాను తెరకెక్కించామని చెప్పారు.
ఈ చిత్రం కోసం 83 వేర్వేరు లొకేషన్లను ఎంచుకుని, 122 రోజుల పాటు షూటింగ్ నిర్వహించామని దర్శకుడు తెలిపారు. ప్రాథమికంగా తెలుగు ప్రేక్షకులను దృష్టిలో ఉంచుకుని కథను తెరకెక్కించినట్లు చెప్పారు. ఈ సినిమా హాలీవుడ్ స్థాయిలో ఉండబోతోందని, విదేశీ లొకేషన్లతో అద్భుతమైన విజువల్స్ అందించబోతున్నామని తెలిపారు.
"అనగనగా ఆస్ట్రేలియాలో" ట్రైలర్ విశేషంగా ఆకట్టుకుంది. మిస్టరీ థ్రిల్లర్గా రూపొందిన ఈ చిత్రంలో రియల్-లైఫ్ సంఘటనల ఆధారంగా కథ నడుస్తుందని సమాచారం. హాలీవుడ్ తరహా మేకింగ్తో రూపొందిన ఈ సినిమా, ప్రేక్షకులకు నూతన అనుభూతిని కలిగించనుంది. ఆస్ట్రేలియాలో జరిగిన అద్భుతమైన సంఘటనలు, ఊహించని మలుపులు ప్రేక్షకులను ఆశ్చర్యపరచనున్నాయి.
ఈ చిత్రాన్ని ముందుగా తెలుగు భాషలో మాత్రమే విడుదల చేయనున్నారు. "అనగనగా ఆస్ట్రేలియాలో" మూవీ మార్చి 21న థియేటర్లలో ప్రేక్షకుల ముందుకు రానుంది. థ్రిల్లర్ జానర్ను ఆస్వాదించే వారికి తప్పకుండా కొత్త అనుభూతిని ఇస్తుందన్న నమ్మకాన్ని దర్శకుడు వ్యక్తం చేశారు.
ఇదీ చదవండి: నిహారిక మళ్లీ పెళ్లి కూతురు అవుతుందోచ్.. పెళ్లి కొడుకు ఫిక్స్..?
ఇదీ చదవండి: టబుకు అన్న ఎన్టీఆర్ ఫ్యామిలీకి ఉన్న ఈ రిలేషన్ తెలుసా.. ! అస్సలు ఎక్స్ పెక్ట్ చేయరు..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
