ARI Update: ప్రముఖ దర్శకుడు జయ శంకర్, ‘పేపర్ బాయ్’ సినిమాతో ఆకట్టుకున్న తర్వాత, ఇప్పుడు ‘అరి’ అనే కొత్త కాన్సెప్ట్తో ప్రేక్షకుల ముందుకు రాబోతున్నారు. ఈ సినిమా సైకో మైథలాజికల్ థ్రిల్లర్గా తెరకెక్కి, ప్రస్తుతం ప్రమోషన్స్ దశలో ఉంది. యూనిట్ సినిమాను విభిన్నంగా ప్రమోట్ చేస్తూ, విడుదలకు ముందే ప్రేక్షకులకు వీక్షించే అవకాశాన్ని కల్పిస్తోంది.
ఈ చిత్రాన్ని ఇప్పటికే ప్రత్యేకంగా ప్రదర్శించి, మాజీ ఉపరాష్ట్రపతి వెంకయ్య నాయుడు, పలు మఠాధిపతులు, స్వామిజీల నుంచి ప్రశంసలు అందుకుంది. ‘అరి’ సినిమా భగవద్గీత సారాన్ని అద్భుతంగా ప్రతిబింబిస్తుందని వీక్షించిన వారు అభిప్రాయపడ్డారు. ఈ సినిమాలో అనసూయ, సాయి కుమార్, శుభలేఖ సుధాకర్ వంటి ప్రముఖ నటీనటులు కీలక పాత్రలు పోషిస్తున్నారు.
‘అరి’ కథా నేపథ్యం అరిషడ్వర్గాలపై ఆధారపడింది. కామ, క్రోధ, లోభ, మోహ, మద, మాత్సర్య అనే ఆరు మనోభావాలను ఆధారంగా చేసుకుని, సమాజానికి ఓ బలమైన సందేశాన్ని అందించేందుకు ఈ సినిమా ప్రయత్నిస్తుంది. ఈ కాన్సెప్ట్ ప్రస్తుత తరం ప్రేక్షకులకు చాలా ఉపయోగకరంగా ఉంటుందని, ఇప్పటికే ప్రత్యేక ప్రదర్శన చూసిన వారు పేర్కొన్నారు.
ఇలాంటి ప్రయోగాత్మక చిత్రాలను ప్రేక్షకులకు ముందుగానే చూపించే ధైర్యం ఎవరికీ ఉండదు. కానీ దర్శకుడు జయ శంకర్ ‘అరి’ సినిమాపై పెట్టుకున్న నమ్మకంతో, విడుదలకు ముందే ప్రేక్షకులకు వీక్షించే అవకాశం కల్పిస్తున్నారు. ఈ ప్రకటనతో పాటు, దర్శకుడు ఓ వాట్సాప్ నెంబర్ను షేర్ చేసి, సినిమాను ముందుగా చూడాలనుకునే వారు సంప్రదించవచ్చని తెలిపారు.
ఈ రోజుల్లో సినిమాను వేరుగా నిర్మించడం మాత్రమే కాదు, వినూత్నంగా ప్రమోట్ చేయడం కూడా అత్యవసరం. అదే దిశగా ‘అరి’ టీం ముందుకు సాగుతోంది. రిలీజ్కు ముందే స్పెషల్ షోలు ఏర్పాటు చేసి, ఆడియెన్స్ అంచనాలను పెంచుతున్నారు. ఇది ప్రేక్షకుల్లో సినిమాపై ఆసక్తిని పెంచుతోంది.
‘పేపర్ బాయ్’ వంటి హిట్ సినిమాను అందించిన జయ శంకర్, ‘అరి’తో మరోసారి అలరించేందుకు సిద్ధమవుతున్నారు. అంతేకాకుండా, ఆయన మూడో ప్రాజెక్ట్ కూడా ఇప్పటికే ఖరారైంది. ఇంటెన్స్ థ్రిల్లర్గా తెరకెక్కనున్న ఈ సినిమాలో బాలీవుడ్ నటి జాక్వెలిన్ ఫెర్నాండేజ్ హీరోయిన్గా నటించనున్నారు. ఈ ప్రాజెక్ట్కు సంబంధించిన మరిన్ని వివరాలు త్వరలో వెలువడనున్నాయి.
‘అరి’ సినిమా వినూత్నమైన కథ, ఆసక్తికరమైన ప్రమోషన్స్తో అందరిలో ఆసక్తిని పెంచుతోంది. థ్రిల్లర్స్కి ఆసక్తి ఉన్నవారికి ఈ సినిమా తప్పకుండా ప్రత్యేక అనుభూతిని అందించనుంది.
Read more: Viral Video: పెళ్లిలో షాకింగ్ ఘటన.. డ్యాన్స్ చేస్తు స్టేజీ మీదనే కుప్పకూలీన యువతి.. వీడియో వైరల్..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Facebook, Twitter
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
