Hari Hara Veera Mallu: హరి హర వీరమల్లులో బాబీ డియోల్ రోల్ కి మార్పులు.. మొత్తం ఆ సినిమా వల్లే..!

Hari Hara Veera Mallu Update
పవన్ కళ్యాణ్ హీరోగా రూపొందుతున్న భారీ చారిత్రాత్మక చిత్రం ‘హరి హర వీరమల్లు’పై భారీ అంచనాలు ఉన్నాయి. ఈ సినిమాను ఏం రత్నం సమర్పణలో ఎ. దయాకర్ రావు నిర్మిస్తున్నారు. జ్యోతి కృష్ణ దర్శకత్వంలో రూపొందుతున్న ఈ చిత్రంలో పవన్ కళ్యాణ్ ఒక యోధుడి పాత్రలో కనిపించనున్నారు. ఇది పవన్ కళ్యాణ్ తొలి పాన్ ఇండియా సినిమా కావడం విశేషం.
ఈ సినిమాలో ప్రముఖ బాలీవుడ్ నటుడు బాబీ డియోల్ మొఘల్ చక్రవర్తి ఔరంగజేబు పాత్రలో నటిస్తున్నారు. మొదట ఈ పాత్రకు సంబంధించిన కొన్ని సీన్లు షూట్ చేశారు. కానీ ‘యానిమల్’ సినిమా విడుదలైన తర్వాత బాబీ డియోల్ పెర్‌ఫార్మెన్స్ చూసి దర్శకుడు జ్యోతి కృష్ణ ఆశ్చర్యపోయారు. ఆయన నటనలో ఉన్న తీవ్రత, హావభావాలు చూసి ఈ సినిమాలోని ఔరంగజేబు పాత్రను మరింత బలంగా మార్చాలని నిర్ణయించారంట.

Add Zee News as a Preferred Source

అందులో భాగంగా స్క్రిప్ట్‌లో కొన్ని మార్పులు చేశారు. పాత్రకు కొత్త నేపథ్యం ఇచ్చారు. బాబీ డియోల్ స్టార్‌డమ్‌కు సరిపడేలా, ఆయన నటనలోని గొప్పతనాన్ని చూపించేలా ఈ పాత్రను తీర్చిదిద్దారంట. ఈ విషయాన్ని స్వయంగా దర్శకుడు తెలిపారు. "యానిమల్‌లో బాబీ గారు మాటలు లేకపోయినా, ఆయన చూపులతోనే భావోద్వేగాన్ని ప్రదర్శించారు. అలాంటి నటుడితో పనిచేయడం గొప్ప అనుభవం" అని జ్యోతి కృష్ణ అన్నారు.

ఈ సినిమాకు ఎం ఎం కీరవాణి సంగీతం అందిస్తున్నారు. జ్ఞానశేఖర్ వి.ఎస్., మనోజ్ పరమహంస ఛాయాగ్రాహకులుగా, తోట తరణి కళా దర్శకుడిగా పని చేస్తున్నారు. జూలై 24న ఈ సినిమా తెలుగు, తమిళ, హిందీ, కన్నడ, మలయాళ భాషల్లో భారీగా విడుదల కానుంది.

ఎన్నో రోజుల తరువాత పవన్ కళ్యాణ్ హీరోగా విడుదలవుతున్న సినిమా కావడంతో.. అలానే ఆయన డిప్యూటీ సీఎం అయిన తరువాత విడుదలవుతున్న మొదటి సినిమా కూడా కావడంతో.. ఈ చిత్రంపై అంచనాలు భారీగా ఉన్నాయి. మరి ఇన్ని వాయిదాలు పడి ఇప్పుడు విడుదల అవుతున్న ఈ చిత్రం ఎంతవరకు కలెక్షన్ సాధిస్తుందో అని టాలీవుడ్ మొత్తం ఎదురుచూస్తోంది. ముఖ్యంగా ఈ చిత్రంలో పవన్ కళ్యాణ్, బాబి మధ్య వచ్చే సన్నివేశాల కోసం పవర్ స్టార్ అభిమానులు తెగ ఎదురుచూస్తున్నారు. ఈ క్రమంలో ఈ సినిమా రిజల్ట్ తెలియాలి అంటే మరి కొద్ది రోజులు వేచి చూడాలి.

Also Read : చిరంజీవి, బాలకృష్ణ, నాగార్జున, వెంకటేష్ కలిసి నటించిన ఏకైన సినిమా తెలుసా.. !

Also Read : 16 ఏళ్ల వయసులో పెళ్లి..ఆ తర్వాత పిల్లలు..25 ఏళ్ల వయసులో విడాకులు.. ఆ తర్వాత మూవీ ఇండస్ట్రీని ఏలిన హీరోయిన్..

by Taboola

Vishnupriya

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.