Junior Movie Review: జూనియర్ మూవీ రివ్యూ.. ‘కిరిటీ’ తొలి సినిమా ఎలా ఉందంటే..!

మూవీ రివ్యూ: జూనియర్ (Junior)
నటీనటులు: రవిచంద్రన్, కిరీటీ రెడ్డి, శ్రీలీల, జెనీలియా, రావు రమేశ్, సత్య, వైవా హర్ష, అచ్యుత్ కుమార్, సుధారాణి తదితరులు.. 
సంగీతం: దేవీశ్రీ ప్రసాద్  
సినిమాటోగ్రఫీ: కేకే సెంథిల్ కుమార్ 
ఎడిటర్: నిరంజన్ దేవరమానె
బ్యానర్: వారాణీ చలన చిత్రం
నిర్మాతలు:రజినీ కొర్రపాటి , సాయి కొర్రపాటి సమర్పణ
దర్శకత్వం: రాధాకృష్ణా రెడ్డి 
విడుదల తేది: 18-7-2025

జూనియర్.. ఈ మధ్య కాలంలో ఓ కొత్త హీరో సినిమాకు ఈ రేంజ్ లో పబ్లిసిటీ రాలేదు. వైరల్ వయ్యారి శ్రీలీల కథానాయికగా.. జెనీలియా మరో ముఖ్యపాత్రలో నటించిన ‘జూనియర్’ చిత్రంపై అంచనాలు పెరిగాయి. పైగా రాజమౌళి కూడా సాయి కొర్రపాటితో ఉన్న అనుబంధం నేపథ్యంలో ఈ సినిమాకు తన వంతు ప్రచారం నిర్వహించారు. మరి రాజమౌళి ప్రచారం.. కొత్త కిరిటీకి హిట్ తీసుకొచ్చిందా లేదా అనేది చూడాలి. 

కథ విషయానికొస్తే.. 

అభి (కిరిటీ) ఓ మధ్యతరగతి కుర్రాడు. పెద్దయ్యాక మనకంటూ కొన్ని తీపి జ్ఞాపకాలు ఉండాలనేది అతి కోరిక. ఈ నేపథ్యంలో కాలేజ రోజుల్లో తన తోటి స్నేహితులతో కలిసి జీవితాన్ని ఆస్వాదిస్తాడు. ఈ క్రమంలో తను ప్రేమించిన అమ్మాయి స్పూర్తి (శ్రీలీల) పనిచేసే సంస్థలోనే జాబ్ సంపాదిస్తాడు. కానీ అక్కడ బాస్ అయిన విజయ సౌజన్య (జెనీలియా)కి అభికి కొన్ని విషయాల్లో తేడాలొస్తాయి. అభి అంటే ఆమెకు పడదు. అలాగే ఆమెకు తను పుట్టిన విజయనగరం అంటే కూడా ఇష్టం ఉండదు. ఓ సందర్భంలో తనకు అంత లైక్ చేయని అభితో కలిసి తనకు ఇష్టం లేని విజయనగరానికి రావాల్సి వస్తుంది. అసలు విజయ సౌజన్య కు విజయనగరానికి ఉన్న సంబంధం ఏమిటి.. ? ఆ ఊరిలో అభి తండ్రి అయిన కోదండపాణికి విజయ సౌజన్యకు మధ్య పాత రిలేషన్ ఏమిటి.. ? అభి, విజయ సౌజన్యలు ఒకరికొకరు ఏమవువతారనేదే జూనియర్ మూవీ స్టోరీ. 

కథనం, టెక్నికల్ విషయానికొస్తే.. 

దర్శకుడు ఓ సాదాసీదా ఫ్యామిలీ స్టోరీని యాక్షన్ కమ్ కాలేజ్ బ్యాక్ డ్రాప్ ను ఎంచుకున్నాడు. ముఖ్యంగా కాలేజ్ బ్యాక్ డ్రాప్ సీన్స్ ఇప్పటికే వచ్చిన కొన్ని సూపర్ హిట్ చిత్రాల మాదిరిగానే రొటిన్ గా సాగిపోతుంది. కానీ హీరోతో ఈ సన్నివేశాలను రక్తి కట్టించాడు. ముఖ్యంగా హీరోతో డాన్సులు, గట్రా చేయించాడు. ముఖ్యంగా కిరీటీలో మంచి డాన్సర్, ఫైటర్ ఉన్న విషయాన్ని చెప్పే ప్రయత్నం చేసాడు. ఫస్టాఫ్ మొత్తం హీరోతో పాటు స్నేహితులతో సరదా, సరదా సీన్స్..శ్రీలీలతో లవ్ ట్రాక్ వంటివి రొటిన్ గా అనిపిస్తాయి. స్టూడెంట్ నెంబర్ 1, ఆర్య, దిల్ వంటి సినిమాల తాలూఖ ఛాయలు కనిపిస్తాయి.   సెకాండాఫ్ లో హీరో .. విజయ సౌజన్య (జెనీలియా) కంపెనీలో చేరడం.. అక్కడ నుంచి కథను వేరే మలుపు తీసుకున్నాడు దర్శకుడు.  సెకండాఫ్ మొత్తం కుటుంబ బంధాలు,  అనుబంధాలను ఆవిష్కరించే ప్రయత్నం చేసినా..భావోద్వేగాలు అనుకున్నంత రేంజ్ లో పండలేదు. క్లైమాక్స్ లో జెనీలియాతో హీరో కుటుంబానికి ఉన్న సంబంధం ప్రేక్షకుల ఊహలకు తగ్గట్టే ఉంటుంది. శ్రీలీలతో వైరల్ పాట మాస్ ఆడియన్స్ ను దృష్టిలో పెట్టుకొని తీసినట్టు కనినిస్తోంది.  దర్శకుడు తాను ఎంచుకున్న కథకు ఇంకాస్త మెరుగ్గా తీస్తే ఫలితం ఇంకోలా ఉండేది. సెకండాఫ్ మహర్షి, శ్రీమంతుడు సినిమాలు గుర్తుకు వస్తాయి. కానీ కొత్త హీరోతో ఇలాంటి భావోద్వేగాలతో కూడిన సినిమాను తెరకెక్కించడం దర్శకుడు గట్స్ ను సూచిస్తాయి.  కానీ ఉన్నంతలో పర్వాలేదు. సినిమాటోగ్రఫీ బాగుంది. ఎడిటర్ ఫస్ట్ ఫ్ తో పాటు సెకండాఫ్ లో ఇంకాస్త ట్రిమ్ చేసుంటే బాగుండేది. దేవీశ్రీ ప్రసాద్ అందించిన ఆర్ఆర్, మ్యూజిక్ ముఖ్యంగా వైరల్ పాట నిజంగా వైరల్ అయింది. 

నటీనటుల విషయానికొస్తే.. 
నటుడు కిరీటీ రెడ్డి కొత్తవాడైన ఎంతో అనుభవం ఉన్న నటుడిగా తెరపై కనిపించాడు. హీరో కావాలనే కసి అతనిలో కనిపించింది. ముఖ్యంగా డాన్సరుల్లో ఎన్టీఆర్ ను ఇమిటేట్ చేసినట్టు కనిపించింది. స్వతహాగా ఎన్టీఆర్ అభిమాని చెప్పుకున్న కిరిటీకి మంచి లాంఛింగ్ చిత్రంగా నిలిచింది. అన్నప్రాసన రోజునే ఆవకాయ అన్నం అన్నట్టు తొలి సినిమాలోనే తన మెయిన్ ప్లస్ పాయింట్స్ అయిన డాన్స్, ఫైట్స్ అన్నింట్లో ఇరగదీసాడు. ఇపుడొస్తోన్న కథానాయకులందరూ డాన్సులు, ఫైట్స్ లో ట్రెయిన్ వస్తున్నారు. రాబోయే రోజుల్లో హీరోగా నిలదొక్కుకోవాలంటే నటన, వైవిధ్యమైన కథలను ఎంచుకోవడంలో ప్రాధాన్యత ఇస్తే ఇండస్ట్రీకి మరో మంచి హీరో దొరికినట్టే అని చెప్పాలి.  హీరోగా కిరిటీకి 100కు 75  మార్కులు ఇవ్వొచ్చు. నటన విషయంలో అక్కడక్కడ తేలిపోయినా.. కొత్త నటుడు చేయాల్సిన దానికన్నా ఎక్కువే చేసాడు. శ్రీలీల గురించి చెప్పాలంటే.. ఈ సినిమాలో కిస్సిక్ పాప నటించడంతో హైప్ పెరిగింది. సినిమాలో కేవలం గ్లామర్ పాటలకు తప్ప పెద్దగా నటించిందేమి లేదు. జెనీలియా పాత్ర గురించి చెప్పాలంటే .. హాసినిలో ఈ రేంజ్ నటి ఉందా అని చెప్పక తప్పదు. రవిచంద్రన్ నటన గురించి చెప్పాలంటే..ఓ స్టార్ హీరోగా ఇలాంటి పాత్రను అంగీకరించడం గొప్ప విషయమే. రావు రమేశ్ ఉన్నంతలో పర్వాలేదనిపించారు. మిగిలిన నటీనటులు తమ పరిధి మేరకు మెప్పించారు. 

ప్లస్ పాయింట్స్ 

కిరిటీ స్రీన్ ప్రెజెన్స్ 

నిర్మాణ విలువలు, 

సంగీతం

మైనస్ పాయింట్స్ 

రొటీన్ కథ, కథనాలు

ఫస్టాఫ్ 

పంచ్ లైన్..  ‘జూనియర్’.. అరంగేట్రం అదిరింది..

రేటింగ్: 3/5 
 

Also Read : Saroja Devi - Tabu: బి.సరోజా దేవికి టబుకు మధ్య ఉన్న ఈ రిలేషన్ తెలుసా.. అసలు ఊహించరు..

Also Read : శ్రీదేవి, మాధురిలకు సాధ్యం కానీ రికార్డు ఈ భామ సొంతం.. ఒకే ఇయర్ 12 చిత్రాలతో సంచలనం..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook.